ଆସ୍ଥା ଭୋଟ ଜିତିଲେ ଚମ୍ପଇ ସୋରେନ, ହେଲେ ଝାଡ଼ଖଣ୍ଡର ନୂଆ ମୁଖ୍ୟମନ୍ତ୍ରୀ
ଆସ୍ଥା ଭୋଟରେ ଜିତିଲେ ଚମ୍ପଇ ସୋରେନ । ସରକାର ସମର୍ଥନରେ ୪୭ ଭୋଟ ମିଳିଥିବା ବେଳେ ବିରୋଧୀ ଦଳଙ୍କ ପାଖରେ ୨୯ ବିଧାୟକ ରହିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ଜେଲ ଯିବାର ୩ଦିନ ପରେ ଜେଏମଏମ ମେଣ୍ଟ ସରକାର ଆସ୍ଥା ଭୋଟର ସମ୍ମୁଖୀନ ହୋଇଥିଲା ।
ଆସ୍ଥା ଭୋଟରେ ଜିତିଲେ ଚମ୍ପଇ ସୋରେନ । ସରକାର ସମର୍ଥନରେ ୪୭ ଭୋଟ ମିଳିଥିବା ବେଳେ ବିରୋଧୀ ଦଳଙ୍କ ପାଖରେ ୨୯ ବିଧାୟକ ରହିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ଜେଲ ଯିବାର ୩ଦିନ ପରେ ଜେଏମଏମ ମେଣ୍ଟ ସରକାର ଆସ୍ଥା ଭୋଟର ସମ୍ମୁଖୀନ ହୋଇଥିଲା । ଆସ୍ଥା ପ୍ରସ୍ତାବ ପୂର୍ବରୁ ଡିବେଟ୍ ବେଳେ ଝାଡ଼ଖଣ୍ଡ ରାଜ୍ୟପାଳଙ୍କୁ ଟାର୍ଗେଟ୍ କରିଥିଲେ ହେମନ୍ତ ସୋରେନ ।
ତାଙ୍କ ଗିରଫଦାରୀରେ ରାଜଭବନର ଭୂମିକା ଥିବା ସେ ଅଭିଯୋଗ ଆଣିଛନ୍ତି । ଭାରତୀୟ ଗଣତନ୍ତ୍ରରେ ଏହା ଏକ କଳା ଫର୍ଦ୍ଦ ବୋଲି କହିଛନ୍ତି ହେମନ୍ତ । ବିଧାନସଭା ଭାଷଣରେ ଇଡିକୁ ସେ ଚ୍ୟାଲେଞ୍ଜ କରିଛନ୍ତି । ଆଜି ଫ୍ଲୋର ଟେଷ୍ଟ ବିତର୍କରେ ଆରମ୍ଭରେ ଚମ୍ପାଇ ସୋରେନ କହିଥିଲେ ଝାଡ଼ଖଣ୍ଡରେ ଯାହା ଚାଲିଛି ପୂରା ଦେଶ ଦେଖୁଛି ।
#WATCH | Ranchi | After Floor Test, Jharkhand CM Champai Soren says, “The blueprint of the schemes made by Hemant Soren will be worked on rapidly…We will work well in the interest of the people…”
On BJP leaders’ remark that some JMM MLAs will leave the party soon, he says,… pic.twitter.com/CLJKv417oO
— ANI (@ANI) February 5, 2024
ଚମ୍ପଇ ସୋରେନ ବିଜୟୀ ହେବା ପରେ ଗୃହକୁ ଦିନକ ପାଇଁ ସ୍ଥଗିତ ରଖାଯାଇଛି । ମଙ୍ଗଳବାର ଦିନ ପୁଣି କାର୍ଯ୍ୟ ଆରମ୍ଭ ହେବ । ଅର୍ଥ ହେରଫେର ମାମଲା ସହ ଜଡ଼ିତ ଅଭିଯୋଗରେ ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିବା ପରେ ସେ ଚମ୍ପଇ ସୋରେନଙ୍କୁ ମୁଖ୍ୟମନ୍ତ୍ରୀ କରିବାକୁ ତଙ୍କ ଦଳକୁ ପରାମର୍ଶ ଦେଇଥିଲେ ।
