କରୋନା ମହାମାରୀ ସଙ୍କଟ ମଧ୍ୟରେ ପୁଣିଥରେ ଚୀନର ଘୃଣ୍ୟ ଚେହେରା ସାମ୍ନାକୁ ଆସିଛି। ଆମେରିକାର ଅଭିଯୋଗ ଅନୁସାରେ ଚୀନ ଏବେ ପିପିଇ କିଟ୍ ଅଧିକ ଦାମରେ ବିକ୍ରି କରୁଛି। ଆମେରିକା ରାଷ୍ଟ୍ରପତି ଭବନ ହ୍ଵାଇଟ ହାଉସର ଜଣେ ବରିଷ୍ଠ ଅଧିକାରୀ କହିଛନ୍ତି ଚୀନ ଜାନୁଆରୀ ଓ ଫେବ୍ରୁଆରୀ ମାସରେ ୧୮ ଗୁଣ ଅଧିକ ଦରରେ ପିପିଇ କିଟ ଓ ମାସ୍କ ବିକ୍ରି କରୁଥିବାର ପ୍ରମାଣ ତାଙ୍କ ପାଖରେ ଅଛି।
ହ୍ଵାଇଟ ହାଉସର ବ୍ୟାପାର ଓ ଉତ୍ପାଦନ ନିର୍ଦ୍ଦେଶକ ପିଟର ନବାରୋ ସୋମବାର ସୂଚନା ଦେଇ କହିଛନ୍ତି ଯେ ଭାରତ ଓ ବ୍ରାଜିଲ ସମେତ ଅନ୍ୟ ଦେଶ ନିକଟରେ ପର୍ଯ୍ୟାପ୍ତ ପରିମାଣରେ ପିପିଇ କିଟ ନଥିବାରୁ ବେଜିଂ ଏହାକୁ ଅଧିକ ଦାମରେ ବିକ୍ରି କରିଛି।
ସେ କହିଛନ୍ତି ଯେ ପ୍ରଥମେ ଚୀନ କରୋନା ଭାଇରସ ବିଷୟରେ ସମସ୍ତଙ୍କୁ ଲୁଚାଇ ସୁରକ୍ଷା ସାମଗ୍ରୀ ଜମା କଲା। ସେ କହିଛନ୍ତି ଯେ ତାଙ୍କ ନିକଟରେ ଚୀନ ସରକାରଙ୍କ ସୀମା ଶୁଳ୍କ ସଂଘର ସ୍ବାକ୍ଷର ରହିଛି ଯେ ଜାନୁଆରୀ ଓ ଫେବ୍ରୁଆରୀ ମାସରେ ୧୮ ଗୁଣ ଅଧିକ ଦାମରେ ମାସ୍କ ବିକ୍ରି କରାଯାଇଛି।