ଜେଲରେ ବିଗିଡିଲା ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା, ସୁଗାଲ ଲେବଲ ୪୬କୁ ହ୍ରାସ
ଦିଲ୍ଲୀ ମଦ ଦୁର୍ନୀତି ମାମଲାରେ ଇଡି କଷ୍ଟଡିରେ ଅରବିନ୍ଦ କେଜ୍ରିୱାଲଙ୍କ ଦେହ ଖରାପ ହୋଇଛି । ତାଙ୍କ ସୁଗାର ଲେବଲ ୪୬କୁ ହ୍ରାସ ପାଇଛି । ସେ ୨୮ ମାର୍ଚ୍ଚ ପର୍ଯ୍ୟନ୍ତ ଇଡି ହେପାଜରେ ରହିବେ । ତେବେ ଏହାକୁ ନେଇ ମୁଖ୍ୟମନ୍ତ୍ରୀ କୋର୍ଟରେ ଅପିଲ କରିଛନ୍ତି ।
ଜେଲରେ ବିଗିଡିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସ୍ୱାସ୍ଥ୍ୟାବସ୍ଥା । ଦିଲ୍ଲୀ ମଦ ଦୁର୍ନୀତି ମାମଲାରେ ଇଡି କଷ୍ଟଡିରେ ଅରବିନ୍ଦ କେଜ୍ରିୱାଲଙ୍କ ଦେହ ଖରାପ ହୋଇଛି । ତାଙ୍କ ସୁଗାର ଲେବଲ ୪୬କୁ ହ୍ରାସ ପାଇଛି । ଡାକ୍ତରଙ୍କ କହିବାନୁଯାୟୀ, ସୁଗାର ଲେବଲ ଏତେ ପରିମାଣରେ ଖସିବା ବିପଦ ।
ଏହା ପୂର୍ବରୁ ବୁଧବାର ଦିନ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ସ୍ତ୍ରୀ ସୁନୀତା କେଜ୍ରିୱାଲ ଏକ ଭିଡିଓ ଜାରି କହିଛନ୍ତି ଯେ, ମଙ୍ଗଳବାର ସଂଧ୍ୟାରେ ଜେଲରେ ସେ ନିଜ ପତ୍ନୀଙ୍କୁ ଭେଟିଛନ୍ତି । ତାଙ୍କର ଡାଇବେଟିସ ଅଛି, ସୁଗାର ଲେବଲ ଠିକ୍ ନାହିଁ, କିନ୍ତୁ ସ୍ଥିର ରହିଛି । ତାଙ୍କ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରନ୍ତୁ ।
VIDEO | “I met Arvind Kejriwal in jail yesterday, he has diabetes and sugar level is not under control. However, his determination is strong. Two days ago, he directed Delhi Minister Atishi to resolve the water and sewer-related issues. What wrong did he do? The Centre has filed… pic.twitter.com/AwAwY4ZjlY
— Press Trust of India (@PTI_News) March 27, 2024
ସୂଚନାଯୋଗ୍ୟ, ଅରବିନ୍ଦ କେଜ୍ରିଓ୍ଵାଲ ଦିଲ୍ଲୀର ଅବକାରୀ ନୀତି ସହିତ ଜଡିତ ମନି ଲଣ୍ଡ୍ରିଂ ମାମଲାରେ ଇଡି ଗତ ସପ୍ତାହରେ ତାଙ୍କୁ ଗିରଫ କରିଥିଲା । ସେ ୨୮ ମାର୍ଚ୍ଚ ପର୍ଯ୍ୟନ୍ତ ଇଡି ହେପାଜରେ ରହିବେ । ତେବେ ଏହାକୁ ନେଇ ମୁଖ୍ୟମନ୍ତ୍ରୀ କୋର୍ଟରେ ଅପିଲ କରିଛନ୍ତି । ଏହି ମାମଲାରେ ପୂର୍ବରୁ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ, ସାଂସଦ ସଂଜୟ ସିଂ ସମେତ ଅନେକ ଲୋକ ଗିରଫ ହୋଇସାରିଛନ୍ତି ।