ପୁଣି ସାମ୍ନାକୁ ଆସିଲା ପୋଲିସର ମାନବିକତା, କ୍ୟାନ୍ସର ପୀଡିତଙ୍କ ଶେଷ ଇଛା ପୂରଣ କରିବା ପାଇଁ ଲକଡାଉନରେ କଲେ ଏପରି କାମ
କରୋନା ସଙ୍କଟ ସମୟରେ ପୋଲିସ ଠାରୁ ଆରମ୍ଭ କରି ଡାକ୍ତରମାନେ ଲଗାତାର ଜନତାଙ୍କ ସେବାରେ ଲାଗି ରହିଛନ୍ତି । କରୋନା ମହାମାରୀ ପାଇଁ ଦେଶରେ ଲକଡାଉନ୍ ଘୋଷଣା କରାଯାଇଛି ଯେଉଁ କାରଣରୁ ସମସ୍ତ ଧାର୍ମିକ ସ୍ଥଳ । ସାର୍ବଜନିକ କାର୍ଯ୍ୟକ୍ରମ ଉପରେ ରୋକ୍ ଲଗାଯାଇଛି । ଏପରିସ୍ଥଳେ ଦିଲ୍ଲୀ ପୋଲିସ ପୁଣିଥରେ ସମସ୍ତଙ୍କ ହୃଦୟ ଜିତିଛି । କ୍ୟାନ୍ସରରେ ପୀଡିତ ନିଜ ବାପାଙ୍କ ଶେଷ ଇଚ୍ଛା ପୂରଣ କରିବା ପାଇଁ ଜଣେ ପୁଅ ପୋଲିସ ପାଖରେ ନିବେଦନ କରିଥିଲେ । ରୋଗଶଯ୍ୟାରେ ଶୋଇଥିବା ବ୍ୟକ୍ତିଙ୍କ ସମସ୍ତ ଇଚ୍ଛା ପୁରଣ କରିବା ପାଇଁ ପୋଲିସ ତାଙ୍କ ପୁଅର ନିବେଦନ ରକ୍ଷା କରିଛନ୍ତି ।
ସୁଚନା ଅନୁଯାୟୀ, ଦିଲ୍ଲୀର ନେତାଜୀ ସୁବାଷ୍ ପ୍ଲେସ ଅଞ୍ଚଳରେ ରହୁଥିବା ଲବ ଗୋୟେଲ୍ ନାମକ ଜଣେ ବ୍ୟକ୍ତି ପୋଲିସକୁ ଏକ ଚିଠି ଲେଖିଥିଲେ । ସେଥିରେ ସେ ଲେଖିଥିଲେ ତାଙ୍କ ପିତା ମୋହନ ଗୋୟେଲଙ୍କୁ ବ୍ଳଡ଼ କ୍ୟାନସର୍ । 24 ମାର୍ଚ୍ଚ କୁ ତାଙ୍କ ବାପାଙ୍କର ଲାଷ୍ଟ ଷ୍ଟେଜ ବୋଲି ଡାକ୍ତର୍ ଜଣାଇ ଦେଇଛନ୍ତି ଏବଂ ସେ ଆଉ ଖୁବ କମ ଦିନ ବଞ୍ଚିବେ । ତେବେ ବଞ୍ଚି ଥାଉ ଥାଉ ତାଙ୍କର ଶେଷ ଇଚ୍ଛା ଯେ ସେ ନିଜ ପୁଅର ବିବାହ ଦେଖିବେ । ତେଣୁ ନିଜ ବାପାଙ୍କର ଶେଷ ଇଚ୍ଛା ପୂରଣ କରିବା ପାଇଁ ଲକ୍ ଡାଉନର ସମସ୍ତ ନିୟମ ଓ ସୋସିଆଲ ଡିଷ୍ଟାନ୍ସିଂକୁ ପାଳନ କରି ସେ ମେ 5 ତାରିଖରେ ବିବାହ କରିବାକୁ ଚାହୁଁଛନ୍ତି ବୋଲି ଚିଠିରେ ଜଣାଇଥିଲେ ।
ତେବେ ଏହି ଚିଠି ପାଇବା ପରେ ପୋଲିସ ପୁଣିଥରେ ତାଙ୍କର ମାନବିକତା ଦେଖାଇବା ସହିତ ପିତାଙ୍କ ଶେଷ ଇଚ୍ଛାକୁ ସମ୍ମାନ ଜଣାଇ ମେ 5ରେ ବିବାହ ପାଇଁ ଅନୁମତି ଦେଇଛନ୍ତି । ମେ 5 ତାରିଖରେ ଏହି ବିବାହ ଅନୁଷ୍ଠିତ ହେବ ଯେଉଁଥିରେ ବର ପକ୍ଷରୁ 5 ଜଣ ଓ କନ୍ୟା ପକ୍ଷରୁ 5 ଜଣ ଉପସ୍ଥିତ ରହିବେ । ସୋସିଆଲ ଡିଷ୍ଟାନ୍ସିଂ ସହିତ ସମସ୍ତ ନିୟମ ପାଳନ କରି ପୋଲିସ ଷ୍ଟାଫଙ୍କ ଉପସ୍ଥିତିରେ ଏହି ବିବାହ କାର୍ଯ୍ୟ ଅନୁଷ୍ଠିତ ହେବ ।
