ଏୟାର ଏସିଆ ଉପରେ ୨୦ ଲକ୍ଷ ଟଙ୍କାର ଜରିମାନା ଲଗାଇଲା DGCA, ପ୍ରଶିକ୍ଷକ ମୁଖ୍ୟଙ୍କୁ ଦାୟିତ୍ୱରୁ ହଟାଇଲା
ଏୟାର ଏସିଆକୁ ଲାଗିଲା ବଡ ଝଟକା । ୨୦ ଲକ୍ଷ ଟଙ୍କାର ଜରିମାନା ଲଗାଇଲା ଡିଜିସିଏ । ତା’ ସହିତ ପ୍ରଶିକ୍ଷକଙ୍କ ମୁଖ୍ୟଙ୍କୁ ଦାୟିତ୍ୱରୁ ହଟାଇଲା ଡିଜିସିଏ ।
DGCA ନିୟମ ଉଲ୍ଲଙ୍ଘନ କରିଥିବାରୁ ଏୟାର ଏସିଆକୁ ଲାଗିଲା ବଡ ଝଟକା । ୨୦ ଲକ୍ଷ ଟଙ୍କା ଜରିମାନା ଲଗାଇଲା ଡିଜିସି । ଡିଜିସିଏ ମୁତାବକ, ଏୟାର ଏସିଆ ପାଇଲଟ ଟ୍ରେନିଂରେ ଗଡବଡ କରିଛି। ଏହା ସହିତ ପାଇଲଟଙ୍କ ପ୍ରୋଫିସିଏନ୍ସି ରେଟିଂ ଚେକ୍ ସମୟରେ ଅଭ୍ୟାସ କରିନାହିଁ । ତେଣୁ ଏୟାର ଏସିଆ ଉପରେ ୨୦ ଲକ୍ଷ ଟଙ୍କାର ଜରିମାନା ଲଗାଇଛି ଡିଜିସିଏ ।
ଖବର ମୁତାବକ, ଡିଜିସିଏର ନିୟମ ମୁତାବକ କାମ ନ କରିବାରୁ ଏୟାର ଏସିଆକୁ ଲାଗିଲା ୨୦ ଲକ୍ଷ ଟଙ୍କାର ଜରିମାନା । ଏୟାର ଏସିଆର ଟ୍ରେନିଂ ମୁଖ୍ୟକୁ ମଧ୍ୟ ନିଜ କାର୍ଯ୍ୟ ସଠିକ୍ ଭାବେ ନ ତୁଲାଇବା ଅଭିଯୋଗରେ ତିନି ମାସ ପାଇଁ କାର୍ଯ୍ୟରୁ ବହିଷ୍କାର କରାଯାଇଛି । ଏହାଛଡା ୮ ଜଣ ପରୀକ୍ଷକଙ୍କ ଉପରେ ୩ ଲକ୍ଷ ଟଙ୍କାର ଜରିମାନା ଲଗାଯାଇଛି । ଏଥିପାଇଁ ଡିଜିସିଏ ନୋଟିସ ମଧ୍ୟ ଜାରି କରିଛି ।
Air Asia ने किया नियमों का उल्लंघन, DGCA ने लगा दिया 20 लाख रुपए का जुर्माना
◆ DGCA ने कहा, “Air Asia ने पायलटों की ट्रेनिंग में चूक की है” pic.twitter.com/D4L9tkhKKP
— News24 (@news24tvchannel) February 11, 2023
ସୂଚନାଯୋଗ୍ୟ, ନିକଟରେ ବିମାନ ଜଡିତ ମାମଲା ବଢିବାରେ ଲାଗିଛି । ବିମାନରେ ପରିସ୍ରା କରିବା ମାମଲା ଠାରୁ ଆରମ୍ଭ କରି ଯାତ୍ରୀଙ୍କୁ ନ ନେଇ ବିମାନ ଉଡିଯିବା ମାମଲା ରହିଛି । ବିମାନରେ ପରିସ୍ରା କରିବା ଘଟଣାରେ ଏୟାର ଇଣ୍ଡିଆକୁ ୩୦ ଲକ୍ଷ ଟଙ୍କାର ଜରିମାନା କରିଥିଲା ଡିଜିସିଏ । ପାଇଲଟଙ୍କ ଲାଇସେନ୍ସ ମଧ୍ୟ ରଦ୍ଦ କରିଥିଲା ଡିଜିସିଏ । ସେହିପରି ଗୋ ଫାଷ୍ଟର ଏକ ବିମାନ ଯାତ୍ରୀଙ୍କୁ ନ ନେଇ ଉଡାଣ ଭରିଥିଲା। ଏୟାରଲାଇନ ଛାଡି ଚାଲିଯାଇଥିବା ୫୫ ଜଣ ଯାତ୍ରୀଙ୍କୁ ବର୍ଷକ ଭିତରେ କୌଣସି ସ୍ଥାନକୁ ଟ୍ରାଭେଲ କରିବା ପାଇଁ ଗୋଟିଏ ମାଗଣା ଟିକେଟ ଦେବ । ଏହି ମାମଲାରେ ମଧ୍ୟ ଡିଜିସିଏ କଠୋର କାର୍ଯ୍ୟାନୁଷ୍ଠାନ ନେଇଥିଲା ।
