ପ୍ରସିଦ୍ଧ କବି ମୁନଓ୍ଵର ରାଣାଙ୍କ ପରଲୋକ, ଲକ୍ଷ୍ନୌରେ ନେଲେ ଶେଷ ନିଶ୍ୱାସ
ପ୍ରସିଦ୍ଧ କବି ମୁନୱର ରାଣାଙ୍କ ପରଲୋକ । କାର୍ଡିଆକ୍ ଆରେଷ୍ଟ ଯୋଗୁଁ ତାଙ୍କର ମୃତ୍ୟୁ ହୋଇଥିବା ଖବର ମିଳିଛି । ଦୀର୍ଘଦିନରୁ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ଲକ୍ଷ୍ନୌର ପିଜିଆଇରେ ତାଙ୍କୁ ଭର୍ତ୍ତି କରାଯାଇଥିଲା ।
ମା’କୁ ନେଇ ଅନେକ କବିତା ଲେଖିଥିବା ପ୍ରସିଦ୍ଧ କବି ମୁନୱର ରାଣାଙ୍କ ପରଲୋକ । କାର୍ଡିଆକ୍ ଆରେଷ୍ଟ ଯୋଗୁଁ ତାଙ୍କର ମୃତ୍ୟୁ ହୋଇଥିବା ଖବର ମିଳିଛି । ଦୀର୍ଘଦିନରୁ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ଲକ୍ଷ୍ନୌର ପିଜିଆଇରେ ତାଙ୍କୁ ଭର୍ତ୍ତି କରାଯାଇଥିଲା । ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ବୟସ ହୋଇଥିଲା । ମୁନଓ୍ଵରଙ୍କୁ କିଡନୀ ଏବଂ ହାର୍ଟ ଜନିତ ଅନେକ ସମସ୍ୟା ରହିଥିଲା । ତେବେ ତାଙ୍କ ମୃତ୍ୟୁ ବିଶିଷ୍ଟ ବ୍ୟକ୍ତିବିଶେଷ ଦୁଃଖ ପ୍ରକାଶ କରିଛନ୍ତି ।
ମୁନଓ୍ଵରଙ୍କ ଝିଅ କହିବା ମୁତାବକ, ଗତ ରାତିରେ ହସପିଟାଲରେ ବାପାଙ୍କ ପରଲୋକ ହୋଇଛି । ଆଜି ତାଙ୍କର ଅନ୍ତିମ ସଂସ୍କାର କରାଯିବ । ମୁନଓ୍ଵରଙ୍କ ପରିବାରରେ ତାଙ୍କ ପତ୍ନୀ, ୪ ଝିଅ ଓ ଗୋଟିଏ ପୁଅ ରହିଛନ୍ତି ।
ତେବେ ମୁନଓ୍ଵର ଅସୁସ୍ଥତା ହେତୁ ପ୍ରାୟ ୧୫ ଦିନ ହେବ ସେ ମେଡିକାଲରେ ଭର୍ତ୍ତି ହୋଇଥିଲେ । ପ୍ରଥମେ ତାଙ୍କୁ ମେଦାନ୍ତ ହସ୍ପିଟାଲ ଓ ପରେ ଏସଜିପିଜିଆଇରରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ଭେଣ୍ଟିଲେଟରରେ ରଖା ଯାଇଥିଲା । ଡାକ୍ତରଙ୍କ ଆପ୍ରାଣ ଉଦ୍ୟମ ସତ୍ତ୍ୱେ ମଧ୍ୟ ତାଙ୍କ ଜୀବନ ବଞ୍ଚିପାରିନଥିଲା । ମୁନୱରଙ୍କ ମୃତ୍ୟୁରେ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି ।
मेरे वालिद मुनव्वर राना साहब के जनाजे की नमाज़ नदवा में बाद नमाज़ ज़ुहर 1.30 बजे होगी और तदफीन ऐश बाग़ क़ब्रिस्तान लखनऊ में होगी अल्लाह से मग़फ़िरत की दुआ फ़रमाएँ
तबरेज़ राना@MunawwarRana— TABREZ MUNAWWAR RANA (@tabrez_rana) January 15, 2024
ମୁନୱର ଜଣେ ଊର୍ଦ୍ଦୁ କବି ଭାବେ ବେଶ୍ ଜଣାଶୁଣା ଥିଲେ । ସେ ୨୦୧୪ରେ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ । ସେ ୧୯୫୨ ମସିହା ନଭେମ୍ବର ମାସ ୨୬ ତାରିଖରେ ଉତ୍ତରପ୍ରଦେଶର ରାଏବରେଲିରେ ଜନ୍ମଗ୍ରହଣ କରିଥିଲେ । ତାଙ୍କର ପିତାଙ୍କ ନାମ ଅନୱର ରାଣା ଓ ମାତାଙ୍କ ନାମ ଆୟେଶା ଖାତୁନ ।
ତେବେ ବିବାଦ ସହିତ ତାଙ୍କ ସଂପର୍କ ବେଶ୍ ପୁରୁଣା । ୨୦୨୨ରେ ୟୁପି ବିଧାନସଭା ନିର୍ବାଚନ ପୂର୍ବରୁ ମୁନଓ୍ଵର କହିଥିଲେ, ଯୋଗୀ ଆଦିତ୍ୟନାଥ ଯଦି ପୁଣି ମୁଖ୍ୟମନ୍ତ୍ରୀ ହୁଅନ୍ତି, ତେବେ ୟୁପି ଛାଡିଦେବି । ଦିଲ୍ଲୀ-କୋଲକତା ଚାଲିଯିବ । ଏହାଛଡା କୃଷକ ଆନ୍ଦୋଳନକୁ ନେଇ ଏକ କବିତା ଲେଖିଥିଲେ, ଯାହାକୁ ନେଇ ବିବାଦ ମଧ୍ୟ ହୋଇଥିଲା ।