ପାସ୍ପୋର୍ଟ ଦୁର୍ବଳ, ଏବେ ଭାରତୀୟ କେବଳ ୫୮ ଦେଶରେ ଭିସାମୁକ୍ତ ଯାତ୍ରା କରି ପାରିବେ
୨୦୨୧ର ହେନଲେ ପାସ୍ପୋର୍ଟ ଇଣ୍ଡେକ୍ସ ଅନୁଯାୟୀ, ଗତ ଦଶନ୍ଧିରେ ଭାରତୀୟ ପାସ୍ପୋର୍ଟର ଶକ୍ତି ଦୁର୍ବଳ ହୋଇ ଯାଇଛି। ସୂଚକାଙ୍କ ଦେଶଗୁଡ଼ିକର ସାଧାରଣ ପାସ୍ପୋର୍ଟ (ଅଣ-କୂଟନୀତିଜ୍ଞ, ଜରୁରିକାଳୀନ କିମ୍ବା ଅସ୍ଥାୟୀ ଉପଯୋଗ ପାଇଁ ଉଦ୍ଦିଷ୍ଟ ନୁହେଁ) ଧାରକମାନେ ଗନ୍ତବ୍ୟ ସ୍ଥଳୀର ସଂଖ୍ୟା ଅନୁସାରେ ଭିସାମୁକ୍ତ ଯାତ୍ରା କରି ପାରିବେ। ଆଗମନ ସମୟରେ ଭିସା, ଆଗନ୍ତୁକ ପରମିଟ୍ କିମ୍ବା ଇଲେକ୍ଟ୍ରୋନିକ୍ ଯାତ୍ରା ପ୍ରାଧିକରଣର ଲାଭ ଉଠାଇ ପାରିବେ। କୌଣସି ଦେଶର ପାସ୍ପୋର୍ଟ ପାଇଁ ଯେତେ ଅଧିକ ଗନ୍ତବ୍ୟ ସ୍ଥଳୀ ହେବ, ପାସ୍ପୋର୍ଟ ସେତେ ଅଧିକ ହିଁ ମଜଭୁତ ହେବ। ଭାରତ ୧୯୯ ଦେଶ ମଧ୍ୟରେ ୯୦ତମ ସ୍ଥାନରେ ରହିଛି। ୨୦୧୧ରେ, ଏହାର ର୍ୟାଙ୍କ୍ ୭୮ତମ ଥିଲା। ୨୦୧୧ରୁ ୨୦୨୧ ମଧ୍ୟରେ ଭାରତର ଭିସାମୁକ୍ତ ପ୍ରବେଶ ତାଲିକାରେ ମାତ୍ର ୫ ଗନ୍ତବ୍ୟ ସ୍ଥଳୀ ଯୋଡ଼ି ହୋଇଛି।
ଭାରତର ସ୍ଥାନ କେଉଁଠି
ଭାରତୀୟ ପାସ୍ପୋର୍ଟ ଧାରକମାନଙ୍କୁ ୨୦୨୧ ସୁଦ୍ଧା ୫୮ ଦେଶରେ ଭିସାମୁକ୍ତ ଯାତ୍ରାର ଅନୁମତି ରହିଛି। ଜାପାନ ଓ ସିଙ୍ଗାପୁର ଦୁଇ ଶୀର୍ଷ କ୍ରମର ଦେଶ ରହିଛନ୍ତି, ଯାହାଙ୍କର ପାସ୍ପୋର୍ଟ ଧାରକମାନଙ୍କୁ ୧୯୨ ଦେଶରେ ଭିସାମୁକ୍ତ ଯାତ୍ରାର ଅନୁମତି ରହିଛି। ୨୦୨୧ର ର୍ୟାଙ୍କିଙ୍ଗ୍ ଅନୁସାରେ, ଜାପାନ, ସିଙ୍ଗାପୁର, ଜର୍ମାନୀ ଓ ଦକ୍ଷିଣ କୋରିଆର ପାସ୍ପୋର୍ଟ ଧାରକମାନେ ବିନା ଭିସାରେ ଅତି କମ୍ରେ ୧୯୦ ଗନ୍ତବ୍ୟ ସ୍ଥଳୀ ଯାତ୍ରା କରି ପାରିବେ। ଆଫଗାନିସ୍ତାନର ପାସ୍ପୋର୍ଟ ତାଲିକାରେ ସବୁଠାରୁ ନିମ୍ନରେ ରହିଛି। ଏହାର ମାତ୍ର ୨୬ ଦେଶରେ ଭିସାମୁକ୍ତ ପ୍ରବେଶ ଲାଗି ଅନୁମତି ଅଛି।
ସମୟ ସହିତ ର୍ୟାଙ୍କିଙ୍ଗ୍
ଭାରତର ନବୀନତମ ର୍ୟାଙ୍କ୍ ୨୦୧୧ ପରେ ସବୁଠାରୁ କମ୍ ଅଛି। ୨୦୧୧ରୁ ୨୦୨୧ ମଧ୍ୟରେ ଭାରତର ସର୍ବଶ୍ରେଷ୍ଠ ର୍ୟାଙ୍କିଙ୍ଗ୍ ୨୦୧୩ରେ ଥିଲା, ଯେବେ ସେ ୧୯୯ ଦେଶ ମଧ୍ୟରେ ୭୪ତମ ସ୍ଥାନରେ ରହିଥିଲା।
ର୍ୟାଙ୍କ୍ରେ ପରିବର୍ତ୍ତନ
୨୦୧୧ରୁ ୨୦୨୧ ଅବଧି ମଧ୍ୟରେ ଭାରତର ର୍ୟାଙ୍କ୍ ୧୨ଟି ସ୍ଥାନ ହ୍ରାସ ପାଇଛି। ଅନ୍ୟ BRICS ଦେଶଗୁଡ଼ିକରେ ଚୀନ ୨୦୨୧ରେ ୭୨ତମ ସ୍ଥାନରେ ରହିଛି। ୨୦୧୧ରୁ ୨୦୨୧ ମଧ୍ୟରେ ୧୮ଟି ସ୍ଥାନ ଆଗକୁ ବଢ଼ିଛି। ବ୍ରାଜିଲ ମଧ୍ୟ ୫ଟି ସ୍ଥାନ ଉପରକୁ ଉଠି ଏବେ ୨୦ତମ ସ୍ଥାନରେ ଅଛି। ଅନ୍ୟପଟେ ଦକ୍ଷିଣ ଆଫ୍ରିକା ଓ ରୁଷ ଏହି ଅବଧିରେ କ୍ରମଶଃ ୧୧ ଏବଂ ୩ଟି ସ୍ଥାନ ଖସି ଆସିଛନ୍ତି। ୟୁଏଇ ୨୦୧୧ ତୁଳନାରେ ୨୦୨୧ ର୍ୟାଙ୍କିଙ୍ଗ୍ରେ ୪୯ଟି ସ୍ଥାନ ଉପରକୁ ଡେଇଁଛି।
ପ୍ରବେଶରେ ପରିବର୍ତ୍ତନ
୨୦୧୧ରୁ ୨୦୨୧ ମଧ୍ୟରେ କେବଳ ୫ ଦେଶକୁ ଭାରତର ଭିସାମୁକ୍ତ ପ୍ରବେଶ ତାଲିକାରେ ଯୋଡ଼ା ଯାଇଛି, ଯାହା BRICS ଦେଶଗୁଡ଼ିକ ମଧ୍ୟରେ ସବୁଠାରୁ କମ୍। ଚୀନ ଏମିତି ୩୯ ଦେଶକୁ ଯୋଡ଼ିଛି, ଯେତେବେଳେ କି, ବ୍ରାଜିଲ ଓ ରୁଷ କ୍ରମଶଃ ୩୦ ଏବଂ ୨୯ ଦେଶକୁ ଯୋଡ଼ିଛନ୍ତି। ସେହିପରି ଦକ୍ଷିଣ ଆଫ୍ରିକା ୧୧ ଦେଶକୁ ଯୋଡ଼ିଛି।
