ଚନ୍ଦ୍ରଯାନ-୩ ଉତ୍କ୍ଷେପଣ ସମୟରେ କାଉଣ୍ଟଡାଉନ୍ ଘୋଷଣା କରିଥିବା ଇସ୍ରୋ ବୈଜ୍ଞାନିକ ବାଲାରମାତିଙ୍କ ପରଲୋକ, ହାର୍ଟଆଟାକ ଯୋଗୁଁ ମୃତ୍ୟୁ ହୋଇଥିବା ସୂଚନା
ଇସ୍ରୋ ବୈଜ୍ଞାନିକ ବାଲାରମାତିଙ୍କ ପରଲୋକ । ସେ ଚନ୍ଦ୍ରଯାନ-୩ ଲଞ୍ଚ ସମୟରେ କାଉଣ୍ଟଡାଉନ ଘୋଷଣା କରିଥିଲେ । ଇସ୍ରୋର ଯେତେ ବି ଲଞ୍ଚ ହୁଏ ବାଲାରମାତି କାଉଣ୍ଟଡାଉନ ଘୋଷଣା କରିଛି । ହୃଦଘାତରେ ତାଙ୍କର ପରଲୋକ ହୋଇଥିବା ଖବର ମିଳିଛି ।
ଇସ୍ରୋ ବୈଜ୍ଞାନିକ ବାଲାରମାତିଙ୍କ ହୃଦଘାତରେ ମୃତ୍ୟୁ ହୋଇଛି । ଚନ୍ଦ୍ରଯାନ-୩ ଲଞ୍ଚ ସମୟର କାଉଣ୍ଟଡାଉନ ଘୋଷଣା ତାଙ୍କର ଶେଷ ଘୋଷଣା ଥିଲା । ବାଲାରମାତିଙ୍କ ମୃତ୍ୟୁର ଖବର ଶୁଣି ଇସ୍ରୋର ସମସ୍ତ ବୈଜ୍ଞାନିକ ଓ କର୍ମଚାରୀ ଶୋକ ପ୍ରକାଶ କରିଛନ୍ତି । ଇସ୍ରୋର ଯେତେ ବି ଲଞ୍ଚ ହୁଏ, ତହାର କାଉଣ୍ଟଡାଉନ କରୁଥିବା ସ୍ୱର ବାଲାରମାତିଙ୍କର ରହିଥିଲା । ଏବେ ଆଉ ସେହି ସ୍ୱର ଶୁଣିବାକୁ ମିଳିବନି ।
ସୂଚନା ଅନୁଯାୟୀ, ତାମିଲନାଡୁର ଅରିୟାଲୁର ବାସିନ୍ଦା ବାଲାରମାତିଙ୍କର ଶନିବାର ସନ୍ଧ୍ୟାବେଳେ ଚେନ୍ନାଇରେ ହାର୍ଟଆଟାକ ହୋଇଥିଲା । ଏହା ପରେ ତାଙ୍କୁ ଚେନ୍ନାଇର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ସେ ୧୯୮୪ ମସିହାରେ ଇସ୍ରୋରେ ଯୋଗ ଦେଇଥିଲେ। କାଉଣ୍ଟଡାଉନ୍ ଘୋଷଣା ସମୟରେ ତାଙ୍କ କଣ୍ଠସ୍ୱର ସମଗ୍ର ଭାରତବାସୀଙ୍କର ବେଶ୍ ପ୍ରିୟ ହୋଇଥିଲା । ୨୦୧୫ରେ ସେ ପୂର୍ବତନ ରାଷ୍ଟ୍ରପତି ଅବ୍ଦୁଲ୍ କଲାମଙ୍କ ନାମରେ ନାମିତ ପୁରସ୍କାର ପ୍ରଥମ କରି ପାଇଥିଲେ।
The voice of Valarmathi Madam will not be there for the countdowns of future missions of ISRO from Sriharikotta. Chandrayan 3 was her final countdown announcement. An unexpected demise . Feel so sad.Pranams! pic.twitter.com/T9cMQkLU6J
— Dr. P V Venkitakrishnan (@DrPVVenkitakri1) September 3, 2023
ତାଙ୍କ ମୃତ୍ୟୁରେ ଇସ୍ରୋର ପୂର୍ବତନ ନିର୍ଦ୍ଦେଶନ ପିଭି ଭେଙ୍କଟକୃଷ୍ଣମ ଟ୍ଵିଟ୍ କରି ଦୁଃଖ ବ୍ୟକ୍ତ କରିଛନ୍ତି । ସେ ଲେଖିଛନ୍ତି, ଶ୍ରୀହରିକୋଟାରୁ ଇସ୍ରୋର ଆଗାମୀ ମିଶନ ପାଇଁ ଏବେ ଆଉ କାଉଣ୍ଟଡାଉନ ସମୟରେ ବାଲାରମାତିଙ୍କ ସ୍ୱର ଶୁଣିବାକୁ ମିଳିବ ନାହିଁ । ଚନ୍ଦ୍ରଯାନ –୩ ତାଙ୍କର ଶେଷ ଘୋଷଣାଥିଲା । ମୁଁ ବହୁତ ଦୁଃଖତ… ପ୍ରଣାମ …।
