ଜେଇଇ ଆଡଭାନ୍ସ ପରୀକ୍ଷା ସ୍ଥଗିତ, କରୋନା ସଂକ୍ରମଣକୁ ଦୃଷ୍ଟିରେ ରଖି ଏନଟିଏ ନେଲା ନିଷ୍ପତ୍ତି
କେନ୍ଯୁଜ୍: ଜେଇଇ ଆଡଭାନ୍ସ ପରୀକ୍ଷା ସ୍ଥଗିତ । କରୋନା ସଂକ୍ରମଣକୁ ଦୃଷ୍ଟିରେ ପରୀକ୍ଷା ସ୍ଥଗିତ କଲା ଏନଟିଏ । ଜୁଲାଇ ୩ରେ ଜେଇଇ ଆଡଭାନ୍ସ ପରୀକ୍ଷା ହେବାର ଥିଲା। କିନ୍ତୁ ଏପର୍ଯ୍ୟନ୍ତ ଜେଇଇ ମେନ୍ ପରୀକ୍ଷା ଠିକ୍ ଭାବେ ହୋଇପାରିନାହିଁ।
ବର୍ତ୍ତମାନ ସୁଦ୍ଧା ଜେଇଇ ମେନ୍ର ୪ଟି ପରୀକ୍ଷାରୁ ୨ଟି ହୋଇଛି। ପ୍ରଥମ ପରୀକ୍ଷା ଫେବୃଆରୀ ଓ ଦ୍ୱିତୀୟ ପରୀକ୍ଷା ମାର୍ଚ୍ଚରେ ହୋଇଥିଲା। ବାକି ୨ଟି ପରୀକ୍ଷା ଚଳିତମାସ ୨୪ରୁ ୨୮ ମଧ୍ୟରେ ହେବାର ଥିଲା । ହେଲେ କରୋନା ମହାମାରୀ ଯୋଗୁ ପରୀକ୍ଷା ହୋଇପାରିନାହିଁ।
ତେଣୁ ସ୍ଥଗିତ ଥିବା ପରୀକ୍ଷା ହେବାର ୧୪ ଦିନ ପୂର୍ବରୁ ଏନଟିଏ ପକ୍ଷରୁ ଛାତ୍ରଛାତ୍ରୀଙ୍କୁ ସୂଚନା ଦିଆଯିବ। ବାକି ପରୀକ୍ଷା ଜୁଲାଇ ଶେଷ କିମ୍ବା ଅଗଷ୍ଟ ପ୍ରଥମ ସପ୍ତାହରେ କରିବାକୁ ଯୋଜନା ଚାଲିଛି।
