ଦଶମ ଶ୍ରେଣୀ ଛାତ୍ର ଓ ଶିକ୍ଷୟତ୍ରୀଙ୍କ ଫଟୋସୁଟ୍କୁ ନେଇ ଚର୍ଚ୍ଚା, ଭିଡିଓ ଭାଇରାଲ
କର୍ଣ୍ଣାଟକର ମୁରୁଗାମଲା ଠାରେ ଥିବା ଏକ ସରକାରୀ ହାଇସ୍କୁଲର ଜଣେ ଶିକ୍ଷୟତ୍ରୀଙ୍କ ଫଟୋସୁଟ୍ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରିଛି । ଭାଇରାଲ ଭିଡିଓ ସମ୍ପର୍କରେ ଅଭିଯୋଗ ପାଇବା ପରେ ଡେପୁଟି ଡାଇରେକ୍ଟର ଅଫ୍ ପବ୍ଲିକ୍ ଇନଷ୍ଟ୍ରକ୍ସନ୍ ଶିକ୍ଷୟତ୍ରୀଙ୍କୁ ନିଲମ୍ବିତ କରିଛନ୍ତି ।
କର୍ଣ୍ଣାଟକର ମୁରୁଗାମଲା ଠାରେ ଥିବା ଏକ ସରକାରୀ ହାଇସ୍କୁଲର ଜଣେ ଶିକ୍ଷୟତ୍ରୀଙ୍କ ଫଟୋସୁଟ୍ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରିଛି । ବାସ୍ତବରେ ଏହି ଫଟୋସୁଟ୍ ଶିକ୍ଷୟତ୍ରୀ ଦଶମ ଶ୍ରେଣୀର ଛାତ୍ରଙ୍କ ସହ କରାଯାଇଥିଲା । ସେହି ଭିଡିଓ ଭାଇରାଲ ହେବା ପରେ ସେଥିରେ ଉଭୟଙ୍କ ମଧ୍ୟରେ ଆପତ୍ତିଜନକ ପୋଜ୍ ଦେଖିବାକୁ ମିଳିଥିଲା ।
ଭାଇରାଲ ଭିଡିଓ ସମ୍ପର୍କରେ ଅଭିଯୋଗ ପାଇବା ପରେ ଡେପୁଟି ଡାଇରେକ୍ଟର ଅଫ୍ ପବ୍ଲିକ୍ ଇନଷ୍ଟ୍ରକ୍ସନ୍ ଶିକ୍ଷୟତ୍ରୀଙ୍କୁ ନିଲମ୍ବିତ କରିଛନ୍ତି । ସେ ଏହି ମାମଲାର ତଦନ୍ତକୁ ବ୍ଲକ ଶିକ୍ଷା ଅଧିକାରୀ ଉମାଦେବୀଙ୍କୁ ଦେଇଛନ୍ତି । ପ୍ରାଥମିକ ଅନୁସନ୍ଧାନ ପାଇଁ ବିଇଓ ମଧ୍ୟ ବିଦ୍ୟାଳୟ ପରିଦର୍ଶନ କରିଥିଲା । ଏହି ସମୟରେ ନିଲମ୍ବିତ ଶିକ୍ଷୟତ୍ରୀ ପୁଷ୍ପାଲତା ଏହି ସମ୍ପର୍କରେ କହିଛନ୍ତି ଯେ ଫଟୋସୁଟରେ ସେ ଜଣେ ମା ଏବଂ ପୁଅଙ୍କ ସମ୍ପର୍କ ଦେଖାଇବାକୁ ଚେଷ୍ଟା କରୁଥିଲେ ।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଅମିତ ସିଂ ରାଜୱାଟ ନାମକ ଜଣେ ୟୁଜର ଏହି ଭିଡିଓ ସେୟାର କରିଥିଲେ । ଏହି ଫଟୋଗୁଡ଼ିକରେ ଜଣେ ଶିକ୍ଷୟତ୍ରୀ ଛାତ୍ରମାନଙ୍କ ସହ ଅନେକ ଫଟୋରେ ନଜର ଆସିଛନ୍ତି । ଲୋକମାନେ ଏହି କିଛି ପୋଜ୍ ଉପରେ ଆପତ୍ତି କରୁଛନ୍ତି । ଅମିତ ତାଙ୍କ ପୋଷ୍ଟରେ ଲେଖିଛନ୍ତି, ଆମେ କେଉଁ ସମାଜକୁ ଯାଉଛୁ ? ଅମିତ ତାଙ୍କ ପୋଷ୍ଟରେ ଲେଖିଛନ୍ତି, ‘‘କର୍ଣ୍ଣାଟକର ମୁରୁଗାମାଲା ଚିକକବାଲାପୁର ଜିଲ୍ଲାର ଜଣେ ଦଶମ ଶ୍ରେଣୀ ଛାତ୍ରଙ୍କ ସହ ଜଣେ ଶିକ୍ଷକଙ୍କ ଫଟୋସୁଟର ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି । ଏହା ପରେ ଛାତ୍ରଙ୍କ ପିତାମାତା ବ୍ଲକ ଶିକ୍ଷା ଅଧିକାରୀରେ ଅଭିଯୋଗ କରିଥିଲେ । ଏପରି ଭାବେ ସେ ଶିକ୍ଷୟତ୍ରୀଙ୍କ ଆଚରଣର ତଦନ୍ତ ଦାବି କରିଛନ୍ତି ।
ସୋସିଆଲ ମିଡିଆରେ ଏହି ପୋଷ୍ଟ ଦେଖିବା ପରେ ଏହାକୁ ନେଇ ବହୁତ ଲୋକ ତାଙ୍କ ପ୍ରତିକ୍ରିୟା ପ୍ରକାଶ କରିଛନ୍ତି । କିଛି ୟୁଜର ଶିକ୍ଷୟତ୍ରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଥିଲେ । ଏଥି ସହିତ କିଛି ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ଆଲୋଚନା କରିଛନ୍ତି । ତେବେ ଜଣେ ୟୁଜର ପ୍ରଶ୍ନ କରିଛନ୍ତି ଯେ ଫଟୋସୁଟକୁ ନେଇ କାହିଁକି ଗଣ୍ଡଗୋଳ ହେଉଛି ? ଏଥିରେ କିଛି ଭୁଲ୍ ନାହିଁ ଏବଂ ଯଦି କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ ତେବେ ଏହା ଉଭୟଙ୍କ ବିରୁଦ୍ଧରେ ହେବା ଉଚିତ୍ ।
