ସାନ ଫ୍ରାନ୍ସିସ୍କୋରେ ଥିବା ଭାରତୀୟ ଦୂତାବାସରେ ନିଆଁ ଲଗାଇଲେ ଖଲିସ୍ତାନୀ ସମର୍ଥକ, ଆମେରିକା କଲା ନିନ୍ଦା

ଖଲିସ୍ତାନୀ ସମର୍ଥକ ଆମେରିକାର ସାନ ଫ୍ରାନ୍ସିସ୍କୋରେ ଥିବା ଭାରତୀୟ ଦୂତାବାସରେ ନିଆଁ ଲଗାଇବାକୁ ଚେଷ୍ଟା କରିଛନ୍ତି । ତେବେ ସ୍ଥାନୀୟ ବିଭାଗ ତରଫରୁ ତୁରନ୍ତ କାର୍ଯ୍ୟାନୁଷ୍ଠାନ ହେତୁ ନିଆଁକୁ ଆୟତ୍ତ କରାଯାଇଥିଲା । ଏହି ଘଟଣା ରାତି ୧.୩୦ରୁ ୨.୩୦ ମଧ୍ୟରେ ଘଟିଛି । ଏହି ଆକ୍ରମଣକୁ ଆମେରିକା ସରକାର ଦୃଢ଼ ନିନ୍ଦା କରିଛନ୍ତି । ଏହା ପୂବରୁ ମାର୍ଚ୍ଚରେ ମଧ୍ୟ ଖଲିସ୍ତାନ ସମର୍ଥକମାନେ ନିଜେ ସାନ ଫ୍ରାନ୍ସିସ୍କୋରେ ଥିବା ଭାରତୀୟ କନସୁଲେଟକୁ ଟାର୍ଗେଟ କରିଥିଲେ ।

ଖବର ମୁତାବକ, ରାତି ୧.୩୦ ରୁ ୨.୩୦ ମଧ୍ୟରେ ଦୂତାବାସରେ ନିଆଁ ଲଗାଇ ଦେଇଥିଲେ । ତେବେ ଏହି ଆକ୍ରମଣରେ ଅଧିକ କ୍ଷୟକ୍ଷତି ହୋଇ ନାହିଁ ଏବଂ ଏହି ଘଟଣାରେ କୌଣସି କର୍ମଚାରୀ ଆହତ ହୋଇନାହାନ୍ତି । ଖଲିସ୍ତାନୀ ସମର୍ଥକମାନେ ଏହି ଘଟଣାର ଭିଡିଓ ଜାରି କରିଛନ୍ତି । ତେବେ ଭିଡିଓ ବିଷୟରେ ସତ୍ୟତା ଏପର୍ଯ୍ୟନ୍ତ ଜଣାପଡିନି । ଏହି ଘଟଣା ରବିବାର ଘଟିଛି ।

ARSON ATTEMPT AT SF INDIAN CONSULATE: #DiyaTV has verified with @CGISFO @NagenTV that a fire was set early Sunday morning between 1:30-2:30 am in the San Francisco Indian Consulate. The fire was suppressed quickly by the San Francisco Department, damage was limited and no… pic.twitter.com/bHXNPmqSVm

— Diya TV – 24/7 * Free * Local (@DiyaTV) July 3, 2023

ଏହି ମାମଲା ସାମ୍ନାକୁ ଆସିବା ପରେ ଆମେରିକା ସରକାରରେ ଆଲୋଡ଼ନ ସୃଷ୍ଟି ହୋଇଛି । ସ୍ୱରାଷ୍ଟ୍ର ବିଭାଗର ମୁଖପାତ୍ର ମାଥ୍ୟୁ ମିଲର କହିଛନ୍ତି ଯେ, ‘ରବିବାର ଦିନ ଭାରତୀୟ କନସୁଲେଟରେ ହୋଇଥିବା ବିଶୃଙ୍ଖଳା ଏବଂ ଅଗ୍ନିକାଣ୍ଡକୁ ଆମେରିକା ନିନ୍ଦା କରିଛି । ଆମେରିକାରେ କୂଟନୈତିକ ଭବନ କିମ୍ବା ବିଦେଶୀ କୂଟନୀତିଜ୍ଞଙ୍କ ବିରୋଧରେ ହିଂସା କିମ୍ବା ଶୋଷଣ ଏକ ଗମ୍ଭୀର ଅପରାଧ । ତେବେ ଯେଉଁମାନେ ଏଭଳି କାଣ୍ଡ ଘଟାଇଛନ୍ତି, ସେମାନଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।

The U.S. strongly condemns the reported vandalism and attempted arson against the Indian Consulate in San Francisco on Saturday. Vandalism or violence against diplomatic facilities or foreign diplomats in the U.S. is a criminal offense.

— Matthew Miller (@StateDeptSpox) July 3, 2023

ଆମେରିକାରେ ମାର୍ଚ୍ଚରେ ହୋଇଥିବା ବିରୋଧ ପ୍ରଦର୍ଶନରେ ଖଲିସ୍ତାନୀ ସମର୍ଥକ ନାରାବାଜୀ କରିଥିଲେ । ଖଲିସ୍ତାନୀ ସମର୍ଥକ ପୋଲିସର ଅସ୍ଥାୟୀ ଟେଣ୍ଟକୁ ଭାଙ୍ଗିଦେଇଥିଲେ । ଏହାଛଡା ଦୂତାବାସ ପରିସରରେ ଦୁଇଟି ଖଲିସ୍ତାନୀ ପତାକା ଲଗାଇଥିଲେ । ତେବେ ତୁରନ୍ତ ଏହି ପତାକାକୁ ଦୂତାବାସ କର୍ମଚାରୀ କାଢିଦେଇଥିଲେ ।