ଜାଣନ୍ତୁ କଣ ଏହି ” ୱାନ ମିନିଟ ସିଟି” ପ୍ରୋଜେକ୍ଟ, ଯେଉଁଥିରେ ବଦଳିଯିବ ସହରର ରୂପ ରଙ୍ଗ
ସ୍ୱିଡ଼େନ ସରକାର ନିଜର କିଛି ସହର ଗୁଡିକୁ ଆହୁରି ଅଧିକ ଉନ୍ନତ କରିବା ପାଇଁ ବିଭିନ୍ନ ଯୋଜନା ମାନ ପ୍ରଣୟନ କରିଛନ୍ତି । ଏନେଇ ପାର୍କିଙ୍ଗ ସ୍ପେସ ଗୁଡିକୁ ବି ଅଧିକ ଉନ୍ନତ କରାଯିବା ନେଇ ଯୋଜନା କରାଯାଉଛି । ଯାହା ଦ୍ୱାରା ବାୟୁମଣ୍ଡଳକୁ ସୁରକ୍ଷିତ ରଖାଯିବା ସହ ସହରୀ ଜୀବନ ଯାତ୍ରା ଅଧିକ ଉନ୍ନତ କରାଯାଇହେବ । ଏହି ପ୍ରୋଜେକ୍ଟର ନାଁ ” ୱାନ ମିନିଟ ସିଟି” ନାଁ ଦିଆଯାଇଛି । ଏହି ଯୋଜନା ଅଧୀନରେ ସ୍ୱିଡ଼େନର ପ୍ରତି ଗଳିକୁ ରି- ଡ଼ିଜାଇନ କରାଯିବ । ଆଉ ପଦଯାତ୍ରୀ ଓ ସାଇକେଲ ଯାତ୍ରୀ ମାନଙ୍କୁ ଅଧିକ ପ୍ରାଥମିକତା ଦିଆଯିବ । ସହରକୁ କିପରି ସମ୍ପୂର୍ଣ୍ଣ ରୂପେ କାର ମୁକ୍ତ କରାଯିବ ସେନେଇ ଏହି ଯୋଜନା ଅନ୍ତର୍ଭୁକ୍ତ କରାଯାଇଛି ।
image credit: national geographic
ସ୍ୱିଡ଼େନର ଗୋଥାନ ବର୍ଗ ନାମକ ଏକ ସହରରେ ଥିବା ଏକ ସପକୁ ନୂଆ ରଙ୍ଗ ଦିଆଯାଇ ସାଧାରଣ ଲୋକଙ୍କ ପାଇଁ ଏକ ମନୋରଞ୍ଜନ କେନ୍ଦ୍ର ଭାବେ ପ୍ରତିଷ୍ଠା କରାଯାଇଛି । ଯେଉଁଠି ଲୋକେ ବସିବା ସହ ନିଜ ନିଜ ମନୋରଞ୍ଜନ କରିପାରିବେ । ଏହି ପ୍ରୋଜେକ୍ଟରେ ସ୍ଥାନୀୟ ଅଧିବାସୀ ମାନଙ୍କୁ ସାମିଲ କରାଯାଇଥିବା ବେଳେ ସେମାନଙ୍କୁ ନିଜ ନିଜ ଗଳିର ଉନ୍ନତିକରଣ ପାଇଁ ସ୍ୱତନ୍ତ୍ର ଦାୟିତ୍ୱ ଦିଆଯାଇଛି । ଫଳରେ ଲୋକେ ନିଜ ସୁବିଧା ଅନୁଯାୟୀ ପରିବର୍ତ୍ତନ ଆଣିପାରିବେ । ଆବଶ୍ୟକ ପଡିଲେ ଏକ ୱାର୍କସପ ପ୍ରତିଷ୍ଠା ହେବ । ସ୍ଟକହୋମର ଚାରିଟି ସହରରେ ଏନେଇ ପ୍ରୋଜେକ୍ଟ ଆରମ୍ଭ କରାଯାଇଛି । ଆଉ ଖୁବ ଶୀଘ୍ର ଆଉ ତିନିଟି ସହରକୁ ଏହି ଯୋଜନାରେ ସାମିଲ କରାଯିବ । ୨୦୩୦ ସୁଦ୍ଧା ସ୍ୱିଡ଼େନର ପ୍ରତି ଗଳିର ରଙ୍ଗ ରୁପ ବଦଳାଯାଇ ନୂଆ କରି ଗଢି ତୋଳାଯିବ ।
ବିଶ୍ୱର ଅନ୍ୟ ଦେଶ ଗୁଡିକ ଏବେ “୧୫ ମିନିଟ ମଡେଲ” ଉପରେ କାର୍ଯ୍ୟ କରୁଥିବା ବେଳେ ଏହା ଜରିଆରେ ନେବରହୁଡ଼ ଅର୍ବାନ ପ୍ଳାନିଙ୍ଗ ସ୍ତରର ଯୋଜନା ମାନ ମଧ୍ୟ ଆପଣାଉ ଛନ୍ତି । ବିଶେଷ କରି ମେୟର ଏନେ ହିଡ଼ାଲିଓ ଫ୍ରାନ୍ସ ରାଜଧାନୀ ପ୍ୟାରିସକୁ ବଦଳାଇବାକୁ ପାଇଁ ଏହି ଯୋଜନା ଆପଣେଇଛନ୍ତି । ଲୋକଙ୍କ ଘର ଠାରୁ ୧୫ ମିନିଟ ଦୂରତାରେ ସମସ୍ତ ସୁବିଧା ଉପଲବ୍ଧ କରାଯିବ । ଯାହା ଦ୍ୱାରା ସହର ବାସୀଙ୍କୁ ସମସ୍ତ ପ୍ରକାର ସୁଖ ସୁବିଧା ଉପଲବ୍ଧ କରିବା ସହିତ ଗ୍ରୀନ ହାଉସ ଇଫେକ୍ଟକୁ କିଛିଟା କମ କରାଯାଇ ପାରିବ ।