ଚିଲି ପନୀରରୁ ବାହାରିଲା ଝିଟିପିଟି । ଲକ୍ଷ୍ନୌର ଏକ ରେଷ୍ଟୁରାଣ୍ଟରେ ଖାଉଥିବା ସମୟରେ ଗ୍ରାହକଙ୍କ ଖାଦ୍ୟରୁ ବାହାରିଲା ଛିଟିପିଟି ଲାଞ୍ଜ । ଘଟଣାକୁ ନେଇ ଅଧିକ ତଦନ୍ତ କରୁଛି ପୋଲିସ୍ ।
ସୂଚନା ଅନୁସାରେ, ହୋଟେଲ୍ ମେପଲ୍ ଡିଲାଇଟକୁ ନିଜର ଜଣେ ବନ୍ଧୁ ଆକାଶଙ୍କ ସହ ଯାଇଥିଲେ ଅଭିଷେକ ତିୱାରୀ । ଆକାଶ ଅର୍ଡର କରିଥିବା ଚିଲି ପନୀର୍ ଖାଇବା ସମୟରେ ସେଥିରେ ପଡିଥିବା ଝିଟିପିଟିର ଲାଞ୍ଜ ଉପରେ ତାଙ୍କର ନଜର ପଡିଲା । ଏହା ପରେ ଘଟଣାସ୍ଥଳରେ ହିଁ ସେ ବାନ୍ତି କରିବାକୁ ଲାଗିଥିଲେ । ଯେତେବେଳେ ହୋଟେଲର କର୍ମଚାରୀଙ୍କୁ ଏନେଇ ଅଭିଯୋଗ କରିଥିଲେ ଅଭିଷେକ ସେତେବେଳେ ସେମାନେ ଏହାକୁ ମାନିନଥିଲେ । ଯାହା ପରେ ପୋଲିସରେ ଅଭିଯୋଗ କରିଥିଲେ ଅଭିଷେକ ।
ଅଭିଷେକଙ୍କ କହିବା ଅନୁଯାୟୀ ଘଟଣାକୁ ଚାପି ଦେବାକୁ ତାଙ୍କ ଉପରେ ଚାପ ପକାଯାଇଥିଲା । ଅନ୍ୟପଟେ ହସ୍ପିଟାଲରେ ଭର୍ତ୍ତି ହୋଇଛନ୍ତି ଆକାଶ ।