Vistara ବିମାନରେ ଫୋନ୍ରେ ‘ଅପହରଣ’ ବିଷୟରେ କଥା ହେଉଥିଲେ ଯାତ୍ରୀ, ଗିରଫ କଲା ମୁମ୍ବାଇ ପୋଲିସ
ବିମାନରେ ଯାତ୍ରା କରୁଥିବା ବେଳେ ଫୋନ୍ରେ ଅପହରଣ ବିଷୟରେ କଥା ହେଉଥିଲେ ଜଣେ ଯାତ୍ରୀ। ଏ ନେଇ ଅଭିଯୋଗ ମିଳିବା ପରେ ମୁମ୍ବାଇ ପୋଲିସ ସମ୍ପୃକ୍ତ ଯାତ୍ରୀଙ୍କୁ ଗିରଫ କରିଛି।
ଭିସ୍ତାରା ଏୟାରଲାଇନ୍ସର ଏକ ବିମାନ ଯାତ୍ରୀଙ୍କୁ ମୁମ୍ବାଇ ପୋଲିସ ଗିରଫ କରିଛି। ତାଙ୍କ ନାଁ ରିତେଶ ସଞ୍ଜୟକୁକର ଜୁନେଜା। ଏହି ବ୍ୟକ୍ତି ଭିସ୍ତାରା ବିମାନରେ ଯାତ୍ରା କରୁଥିଲେ। ଚାଳକ ଦଳର ସଦସ୍ୟମାନଙ୍କ ଅଭିଯୋଗ ଆଧାରରେ ତାଙ୍କୁ ଗିରଫ କରାଯାଇଛି। ଅଭିଯୋଗ ଅନୁସାରେ, ବ୍ୟକ୍ତି ଜଣକ ଯାତ୍ରା ବେଳେ କାହା ସହିତ ଫୋନ୍ରେ ଅପହରଣ ବିଷୟରେ କଥା ହେଉଥିଲେ।
ମୁମ୍ବାଇ ପୋଲିସର ସୂଚନା ମୁତାବକ, ଯାତ୍ରୀ ଜଣକ କହୁଛନ୍ତି ଯେ ସେ ମାନସିକ ରୂପେ ଦୁର୍ବଳ, ଯେଉଁ କାରଣରୁ ସେ ଫ୍ଲାଇଟ୍ରେ ଏପରି କଥାବାର୍ତ୍ତା କରୁଥିଲେ। ତେବେ ଉକ୍ତ ବିମାନ କେଉଁ ରୁଟ୍ରେ ଯାତ୍ରା କରୁଥିଲା, ସେ ବିଷୟରେ ଏ ପର୍ଯ୍ୟନ୍ତ କୌଣସି ସୂଚନା ମିଳିପାରି ନାହିଁ।
ପୋଲିସ ଆଇପିସି ଧାରା ୩୩୬ (ଅନ୍ୟର ଜୀବନ କିମ୍ବା ବ୍ୟକ୍ତିଗତ ସୁରକ୍ଷାକୁ ବିପଦରେ ପକାଇବାର ଅପରାଧ) ଏବଂ ୫୦୫(୨) (ଗୁଜବ ପ୍ରସାର କିମ୍ବା ଚିନ୍ତାଜନକ ଖବର ପ୍ରସାର ଭଳି ଅପରାଧ) ଅଧୀନରେ ମାମଲା ରୁଜୁ କରିଛି। ମାମଲାର ତଦନ୍ତ ଜାରି ରହିଛି।
