ଆଜି ସାରା ଦେଶରେ ଚାଲିଛି ଷଷ୍ଠ ପର୍ୟ୍ୟୟ ଭୋଟ ଗ୍ରହଣ । ଆଜି ସକାଳେ ଭୋଟ୍ ଗ୍ରହଣ ଆରମ୍ଭ ହେବା ପରେ କେନ୍ଦ୍ରମନ୍ତ୍ରୀ ଏବଂ ଭାରତୀୟ ଜନତା ପାର୍ଟିର ପ୍ରାର୍ଥୀ ମେନକା ଗାନ୍ଧୀ ଓ ତାଙ୍କ ପ୍ରତିଦ୍ୱନ୍ଦ୍ୱୀ ପ୍ରାର୍ଥୀ ସୋନୁ ସିଂହଙ୍କ ମଧ୍ୟରେ ସାମାନ୍ୟ ଯୁକ୍ତିତର୍କ ହୋଇଥିଲା। ଉତ୍ତର ପ୍ରଦେଶର ପିଲିଭିତ ନିର୍ବାଚନ ମଣ୍ଡଳୀର ସାଂସଦ ଥିବା ମେନକା ଗାନ୍ଧୀ ସମ୍ପ୍ରତି ସୁଲତାନପୁର ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଭୋଟ ଦେବା ପାଇଁ ପହଞ୍ଚିଥିବା ବେଳେ ସେଠାରେ ଦେଖିବାକୁ ମିଳିଥିଲା ସାମାନ୍ୟା ବିବାଦ । ଯାହା ସମ୍ବନ୍ଧୀୟ ଏକ ଭିଡିଓ ଟ୍ଵିଟ କରିଛି ଏଏନଆଇ ।
#WATCH: Minor argument between Union Minister and BJP’s candidate from Sultanpur Maneka Gandhi and Mahagathbandhan candidate Sonu Singh after Gandhi alleged that Singh’s supporters were threatening voters. #LokSabhaElections #Phase6 pic.twitter.com/l2Pn1yCRVO
— ANI UP (@ANINewsUP) May 12, 2019
ଭିଡିଓରେ ଦେଖିବାକୁ ମିଳିଛି ସୋନୁଙ୍କ ସମର୍ଥକମାନେ ଭୋଟର୍ମାନଙ୍କୁ ଧମକ ଦେଉଥିବା ସେଠାରେ ଠିଆ ହୋଇଥିବା ମେନକା ଗାନ୍ଧୀ ଅଭିଯୋଗ କରିଥିଲେ । ଟୁଇଟ୍ କରିଥିବା ଭିଡିଓରେ ଦେଖାଯାଉଛି ସୋନୁ ସିଂହଙ୍କ ସହ ମେନକା ଗାନ୍ଧୀ ତାଙ୍କର ସମର୍ଥକମାନଙ୍କ ଆଚରଣ ସମ୍ପର୍କରେ ଯୁକ୍ତି କରୁଛନ୍ତି। ସେ କହିଥିଲେ, ଏଠାରେ ଗୁଣ୍ଡାଗିରି ଚଳିବ ନାହିଁ। ତାଙ୍କର ଅଭିଯୋଗକୁ ଅଗ୍ରାହ୍ୟ କରି ସେ କ’ଣ ଭୁଲ୍ କରିଛନ୍ତି ବୋଲି ସୋନୁ ପଚାରିଥିଲେ। ଏତିକି ବେଳେ ସୋନୁ ସିଂହଙ୍କ ସମର୍ଥକମାନେ ତାଙ୍କ ସପକ୍ଷରେ ସ୍ଲୋଗାନ୍ ଦେଇଥିଲେ। କ୍ରମେ ଉଭୟ ପକ୍ଷର ଲୋକେ ଘଟଣାସ୍ଥଳରୁ ପଳାଇ ଯାଇଥିଲେ ଓ ପରିସ୍ଥିତି ଶାନ୍ତ ପଡ଼ିଥିଲା।