ମଧ୍ୟାହ୍ନ ଭୋଜନ ଖାଦ୍ୟ ପ୍ରସ୍ତୁତ ବେଳେ ଡାଲି ହଣ୍ଡାରେ ପଡି ୩ ବର୍ଷର ଶିଶୁ ମୃତ
ଉତ୍ତର ପ୍ରଦେଶ ମିର୍ଜାପୁରର ଏକ ସ୍କୁଲରେ ଅବହେଳା କାରଣରୁ ଏକ ବହୁତ ବଡ ମାମଲା ସାମ୍ନାକୁ ଆସିଛି। ଏଠାରେ ଥିବା ଏକ ପ୍ରାଥମିକ ବିଦ୍ୟାଳୟରେ ମଧ୍ୟାହ୍ନ ଭୋଜନ ମିଲରେ ପଡି ଜଣେ ୩ ବର୍ଷର ଶିଶୁର ମୃତ୍ଯୁ ହୋଇଛି। ଘରର ଅଲିଅଳି ଝିଅର ଅକାଳ ମୃତ୍ଯୁ ହେବା ପରେ ପରିବାରରେ ଦୁଃଖର ପାହାଡ ଲଦି ପଡିଛି। ଘଟଣାରେ ଜିଲ୍ଲାଧିକାରୀ ସ୍କୁଲର ପ୍ରଧାନଶିକ୍ଷକଙ୍କୁ ନିଲମ୍ବିତ କରିଦେଇଛନ୍ତି। ମାମଲାର ଯାଞ୍ଚ ଚାଲୁଛି।
ସୂଚନା ଅନୁଯାୟୀ ୩ ବର୍ଷର ଝିଅ ଆଞ୍ଚଲ୍ ନିଜର ଦୁଇ ଭାଇଙ୍କ ସହିତ ସ୍କୁଲକୁ ଯାଇଥିଲା। ଏହି ସମୟରେ ଖେଳୁ ଖେଳୁ ସେ ଯାଇ ଡାଲି ହଣ୍ଡା ଭିତରେ ପଡିଯାଇଥିଲା। ଗୁରୁତର ଅବସ୍ଥାରେ ତାକୁ ହସପିଟାଲ ନିଆଗଲା କିନ୍ତୁ ଚିକିତ୍ସା ସମୟରେ ତାର ମୃତ୍ଯୁ ହୋଇଛି।
