ଖୋଲିବ ଲୋହିତ ଗ୍ରହର ରହସ୍ୟ, ମଙ୍ଗଳ ଗ୍ରହକୁ ନାସା ପଠାଇଲା ପର୍ସିଭେରାନ୍ସ ରୋଭର୍
କେନ୍ୟୁଜ୍(ବ୍ୟୁରୋ): ନାସାର ମିଶନ ମଙ୍ଗଳ । ଖୋଲିବ ଲୋହିତ ଗ୍ରହର ରହସ୍ୟ । ମଙ୍ଗଳ ଗ୍ରହକୁ ଗଲା ପର୍ସିଭେରାନ୍ସ ରୋଭର୍ । ଆଜି ଫ୍ଲୋରିଡାର କେପ୍ କାନାଭେରାଲ୍ perseverance rover nasaperseverance roverଏୟାର ଫୋର୍ସ ଷ୍ଟେସନରୁ ମଙ୍ଗଳ ଅଭିମୁଖେ ଯାଇଛି ରୋଭର୍ । ସାଙ୍ଗରେ ନେଇ ଯାଇଛି ଆଟଲାସ୍ ଫାଇବ୍ ରକେଟ୍ । ଲୋହିତ ଗ୍ରହରେ ଜୀବ ସତ୍ତା କେବେ ଥିଲା କି ନାହିଁ ସନ୍ଧାନ କରିବ ପର୍ସିଭେରାନ୍ସ ରୋଭର୍ । ମଙ୍ଗଳରେ ପହଞ୍ଚିବା ପାଇଁ ଲାଗିବ ୭ ମାସ । କୁହାଯାଉଛି ୨୦୨୧ ଫେବ୍ରୁଆରୀ ୧୮ ତାରିଖରେ ଲୋହିତ ଗ୍ରହରେ ଅବତରଣ କରିବ ।
And liftoff! 🚀 Farewell to @NASAKennedy. Here we come @NASAMars! #CountdowntoMars pic.twitter.com/aG5VIq2F9Z
— NASA 360 (@NASA360) July 30, 2020
ପୂର୍ବରୁ ନାସା ମଙ୍ଗଳକୁ ପଠାଇଥିଲା କ୍ୟୁରେସିଟି । ସେ କେବଳ ଫଟୋ ପଠାଇଥିଲା । ଏବେ ପର୍ସିଭେରାନ୍ସ ରୋଭର୍ ମଙ୍ଗଳ ପୃଷ୍ଠରେ ଖନନ କରିବ । ଏଥିରେ ସେଭଳି ଅତ୍ୟାଧୁନିକ ଯନ୍ତ୍ରପାତି ରହିଛି । ଖୋଳିବା ପରେ ପାଣି ଅଛି ନା ନାହିଁ ସନ୍ଧାନ ମିଳିବ । ଜେଜେରୋ କ୍ରେଟରରେ ଲ୍ୟାଣ୍ଡ କରିବ ପର୍ସିଭେରାନ୍ସ ରୋଭର୍ । କ୍ରେଟର ଏକ ଖୋଲା ସ୍ଥାନ । ଯେଉଁଠାରେ ପୂର୍ବରୁ ପାଣି ଥିବା କୁହାଯାଉଛି । ପାଖରେ ନଦୀ ଥିବା ସନ୍ଧାନ ରହିଛି ।
🚀 We have LIFTOFF to Mars! The @ulalaunch Atlas V takes flight with our @NASAPersevere rover. The #CountdownToMars continues as Perseverance begins her 7-month journey to the Red Planet! pic.twitter.com/3RTL1CR4WS
— NASA (@NASA) July 30, 2020
ନାସା ବୈଜ୍ଞାନିକ ଦାବି କରିଛନ୍ତି, ମଙ୍ଗଳ ଗ୍ରହରେ ଜୀବ ସତ୍ତା ରହିଛି । ଯଦି ପାଣି ଥିବା ଖୋଳିଲେ ଜଣା ପଡ଼ିବ । ପୃଥିବୀ ସହ ମଙ୍ଗଳ ଗ୍ରହର ସାମଞ୍ଜସ୍ୟ ରହିଛି । କୁହାଯାଉଛି, ମଙ୍ଗଳରେ ରହିଛି ଲାଭା ଉଦଗୀରଣ । ନଦୀ ସ୍ରୋତ ବି ରହିଛି । ପୂର୍ବରୁ ପାଣି ଥିବାର ଯଥେଷ୍ଟ ପ୍ରମାଣ ଥିବା ଦାବି କରିଛନ୍ତି ବୈଜ୍ଞାନିକ ।
ସବୁଠୁ ବଡ଼ କଥା ହେଲେ କରୋନା ମହାମାରୀ ଭିତରେ ମଙ୍ଗଳ ମିଶନ ଆରମ୍ଭ କରିଛି ନାସା । କାରଣ ପୃଥିବୀ ଓ ମଙ୍ଗଳ ଗୋଟିଏ ରେଖାରେ ଥିବା ବେଳେ ମଙ୍ଗଳକୁ ପର୍ସିଭେରାନ୍ସ ରୋଭର୍ ପଠାଯିବାର ଥିଲା । ଅଗଷ୍ଟ ୧୫ ଭିତରେ ନ ପଠାଯାଇଥିଲେ ବିଳମ୍ବ ହୋଇ ଥାଆନ୍ତା । ଏବେ ପର୍ସିଭେରାନ୍ସ ରୋଭର୍ ମଙ୍ଗଳରେ ଓହ୍ଲାଇବା ପରେ ବହୁ ତଥ୍ୟ ଜଣା ପଡ଼ିବ ।
