ଅପରେସନ୍ କାବେରୀ: ସୁଦାନ ବନ୍ଦରରେ ପହଞ୍ଚିଲେ ୫୦୦ ଭାରତୀୟ, ବାକିମାନଙ୍କୁ ଆଣିବା ପାଇଁ ପ୍ରସ୍ତୁତ ରହିଛି ବିମାନ, ଜାହାଜ
ସୁଦାନରେ ଫସି ରହିଥିବା ଭାରତୀୟଙ୍କୁ ଫେରାଇ ଆଣିବା ପାଇଁ ସରକାର ‘ଅପରେସନ୍ କାବେରୀ’ ନାମରେ ଅଭିଯାନ ଆରମ୍ଭ କରିଛନ୍ତି। ସମସ୍ତ ନାଗରିକଙ୍କୁ ଫେରାଇ ଆଣିବା ପାଇଁ ବିମାନ ଏବଂ ଜାହାଜ ନିୟୋଜିତ ହୋଇଥିବା ଏସ୍. ଜୟଶଙ୍କର ଟ୍ୱିଟ୍ କରି ସୂଚନା ଦେଇଛନ୍ତି।
ହିଂସାଗ୍ରସ୍ତ ସୁଦାନରେ ଫସି ରହିଥିବା ଭାରତୀୟଙ୍କୁ ସୁରକ୍ଷିତ ଭାବେ ଭାରତ ଫେରାଇ ଆଣିବା ପାଇଁ ସରକାର ସେନା ସହ ମିଶି ଆରମ୍ଭ କରିଛନ୍ତି ‘ଅପରେସନ୍ କାବେରୀ’। ଏହି ଅଭିଯାନ ଅଧୀନରେ ସୁଦାନ ବନ୍ଦରରେ ପହଞ୍ଚିଛନ୍ତି ୫୦୦ ଭାରତୀୟ। ଏ ନେଇ ଟ୍ଵିଟ୍ କରି ସୂଚନା ଦେଇଛନ୍ତି ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର।
ଭାରତୀୟ ନାଗରିକମାନଙ୍କୁ ଦେଶକୁ ଫେରାଇ ଆଣିବା ପାଇଁ ସରକାର ‘ଅପରେସନ୍ କାବେରୀ’ ଚଳାଇଥିବା ବୈଦେଶିକ ମନ୍ତ୍ରୀ ଟ୍ଵିଟ୍ କରି ଜଣାଇଛନ୍ତି। ପାଖାପାଖି ୫୦୦ ଭାରତୀୟ ନାଗରିକ ସୁଦାନ ବନ୍ଦରରେ ପହଞ୍ଚିଥିବା ବେଳେ ଅନେକ ଲୋକ ରାସ୍ତାରେ ଅଛନ୍ତି।
ବୈଦେଶିକ ମନ୍ତ୍ରୀ କହିଛନ୍ତି ଯେ ନାଗରିକମାନଙ୍କୁ ଦେଶକୁ ଫେରାଇ ଆଣିବା ପାଇଁ ଭାରତୀୟ ବାୟୁସେନା ବିମାନ ଏବଂ ନୌସେନା ଜାହାଜ ପ୍ରସ୍ତୁତ ରହିଛି।
Operation Kaveri gets underway to bring back our citizens stranded in Sudan.
About 500 Indians have reached Port Sudan. More on their way.
Our ships and aircraft are set to bring them back home.
Committed to assist all our bretheren in Sudan. pic.twitter.com/8EOoDfhlbZ
— Dr. S. Jaishankar (@DrSJaishankar) April 24, 2023
