ସୁଧୁରିବାର ନାଁ ଧରୁନାହାନ୍ତି କ୍ୱାରେଣ୍ଟାଇନରେ ଥିବା ଜମାତି, ଫିଙ୍ଗୁଛନ୍ତି ପରିସ୍ରା ଭର୍ତ୍ତି ବୋତଲ
କରୋନା ସଂକ୍ରମଣର ଶିକାର ହୋଇ କ୍ୱାରେଣ୍ଟାଇନରେ ଥିବା ଲୋକଙ୍କ ଉତ୍ପାତ ଥମିବାର ନାଁ ଧରୁନି। ଡାକ୍ତରଙ୍କ ହେପାଜତରେ ଥିବା ଏହି ରୋଗୀମାନେ ଡାକ୍ତରଙ୍କ ପରାମର୍ଶ ମାନିବା ପରିବର୍ତ୍ତେ ନିଜ ମନଇଚ୍ଛା କାମ କରୁଛନ୍ତି। ଫଳରେ ସ୍ୱାସ୍ଥ୍ୟକର୍ମୀ ନିଜ କାମ ଠିକ ଭାବେ କରିପାରୁନଥିବା ଅଭିଯୋଗ ହୋଇଛି। ଏଭଳି ଘଟଣା ଦେଖିବାକୁ ମିଳିଛି ନୂଆଦିଲ୍ଲୀରେ।
The complaint by civil defence personnel of Delhi Urban Shelter Improvement Board (DUSIB), on the basis of which the FIR has been registered, states that some people had thrown bottles filled with urine in the premises of the quarantine facility. https://t.co/7cgGeTgt20
— ANI (@ANI) April 8, 2020
ନୂଆଦିଲ୍ଲୀର ଦ୍ୱାରକା ନର୍ଥ ପୋଲିସ ଷ୍ଟେସନ ଅନ୍ତର୍ଗତ ଏକ ସ୍ଥାନରେ କ୍ୱାରେଣ୍ଟାଇନରେ ଥିବା ଲୋକଙ୍କ ଉପରକୁ କେହି ଦୁର୍ବୃତ୍ତ ପରିସ୍ରା ପୂରାଇ ବୋତଲ ଫିଙ୍ଗିଥିବା ଅଭିଯୋଗ ହୋଇଛି। ଏନେଇ ଜଣାପଡ଼ିବା ପରେ ଦିଲ୍ଲୀ ପୋଲିସ ପରିସ୍ରା ବୋତଲ ଜବତ କରିବା ସହ ଆଇପିସିର ଧାରା ୨୬୮ ଓ ୨୭୦ ଅନୁସାରେ ମାମଲା ରୁଜୁ କରିଛି।
ସୂଚନାଯୋଗ୍ୟ ଯେ କିଛି ଦିନ ତଳେ ମରକଜରୁ ଫେରିଥିବା କିଛି କରୋନା ଆକ୍ରାନ୍ତ ମେଡିକାଲରେ ଗଣ୍ଡଗୋଳ କରିଥିଲେ। ଜମାତି ମହମ୍ମଦ ଫହଦ ଓ ଅଦନାନ ଜହିର କ୍ୱାରେଣ୍ଟାଇନରେ ରହି ପାଟିତୁଣ୍ଡ କରିବା ସହ ନିଜ କୋଠରୀ ସାମ୍ନାରେ ଶୌଚ କରିଥିବା ନେଇ ଅଭିଯୋଗ ହୋଇଥିଲା। ପରେ ସେମାନଙ୍କୁ ସେଠାରୁ ସ୍ଥାନାନ୍ତର କରାଯାଇଥିଲା।
