ପାକିସ୍ତାନ ପଟୁ ଅନୁପ୍ରବେଶ କରିଥିବା ଏକ ବିମାନକୁ ଭାରତୀୟ ବାୟୁସେନା ରାଜସ୍ଥାନ ଜୟପୁର ବିମାନ ବନ୍ଦରରେ ଓହ୍ଲାଇବାକୁ ବାଧ୍ୟ କରିଛି । ଏଣ୍ଟିନୋଭ ଏଏନ୍-୧୨ ମାଲବାହୀ ବିମାନଟି ପାକିସ୍ତାନ ସୀମାରୁ ଭାରତ ସୀମାକୁ ପଶି ଆସିଥିଲା । ତେବେ ବାୟୁସେନାର ଯୁଦ୍ଧ ବିମାନ ସବୁ ତାକୁ ଘେରି ଯାଇ ଜୟପୁର ବିମାନ ବନ୍ଦରରେ ଓହ୍ଲାଇବାକୁ ବାଧ୍ୟ କରିଥିଲେ ।
ସୂଚନା ମୁତାବକ ବିମାନର ପାଇଲଟ୍କୁ ପଚରା ଉଚରା ଜାରି ରହିଛି । ତେବେ ବିମାନଟି କରାଚି ବିମାନ ବନ୍ଦରରୁ ବାହାରି ରାସ୍ତା ଭୁଲି ଭାରତ ସୀମାକୁ ଚାଲି ଆସିଥିବା କୁହାଯାଉଛି । ଅବଶ୍ୟ ବିମାନଟି ଜଜିଆରୁ ଆସିଥିଲା ବୋଲି ଜଣାପଡ଼ିଛି ।
#WATCH: Indian Air Force fighter jets force an Antonov AN-12 heavy cargo plane coming from Pakistani Air space to land at Jaipur airport. Questioning of pilots on. pic.twitter.com/esuGbtu9Tl
— ANI (@ANI) May 10, 2019