କେମିତି ଏତେ ଥଣ୍ଡା ସହି ପାରୁଛନ୍ତି ରାହୁଲ? ହାଡ଼ ଭଙ୍ଗା ଶୀତରେ ହାଫ୍ ଟି-ସାର୍ଟରେ ବୁଲିବାକୁ ନେଇ ଚର୍ଚ୍ଚା; ଏବେ ସାମ୍ବାଦିକଙ୍କ ପ୍ରଶ୍ନରେ ଏମିତି ଦେଲେ ଉତ୍ତର
କେମିତି ଏତେ ଥଣ୍ଡା ସହି ପାରୁଛନ୍ତି ରାହୁଲ? ହାଡ଼ ଭଙ୍ଗା ଶୀତରେ କେମିତି ଖାଲିପାଦ ଓ ଟି-ସାର୍ଟ ପିନ୍ଧି ଚାଲି ପାରୁଛନ୍ତି? କିଏ ଏହାକୁ ନାଟକବାଜି କହୁଛି ତ କିଏ କହୁଛି ସୁପରହ୍ୟୁମାନ । କିନ୍ତୁ ଏହା ପଛରେ କିଛି ବିଜ୍ଞାନ ଅଛି କି? ହଁ ଅଛି।
କେବଳ ରାହୁଲ ନୁହଁନ୍ତି, ବିଶ୍ୱର ୮୦୦ କୋଟି ଲୋକଙ୍କ ଭିତରୁ ୧୫୦ କୋଟି ଲୋକ ଅତ୍ୟଧିକ ଥଣ୍ଡା ଅନୁଭବ କରନ୍ତି ନାହିଁ । ଏହାର କାରଣ ହେଉଛି ସେମାନଙ୍କ ଫାଷ୍ଟ-ଟ୍ଵିଚ୍ ସ୍କେଲିଟାଲ ମସଲ ଫାଇବରରେ ଏକ ନିର୍ଦ୍ଦିଷ୍ଟ ପ୍ରକାରର ପ୍ରୋଟିନ୍ ନ ଥାଏ । ଏହି ପ୍ରୋଟିନ୍ର ନାଁ ହେଉଛି a-actinin-3 । ଏହି ପ୍ରୋଟିନ୍ ନ ଥିବା କାରଣରୁ ସେମାନ ବେଶି ଥଣ୍ଡା ଅନୁଭବ କରି ପାରନ୍ତି ନାହିଁ । ଏହା ମଧ୍ୟ ବଂଶାନୁକ୍ରମିକ। ପୃଥିବୀରେ ୮୦୦ କୋଟି ଲୋକଙ୍କ ମଧ୍ୟରେ ଏଭଳି ୧୫୦ କୋଟି ଲୋକ ଅଛନ୍ତି । ଏ ନେଇ ଆମେରିକାର ଏକ ପତ୍ରିକା ‘ହ୍ୟୁମାନ ଜେନେଟିକ୍ସ’ରେ ଏକ ରିପୋର୍ଟ ପ୍ରକାଶ ପାଇଛି।
ଭାରତ ଯୋଡ଼ୋ ଯାତ୍ରା ସମୟରେ କଂଗ୍ରେସ ନେତା ରାହୁଲ ଗାନ୍ଧୀ ଟି-ସାର୍ଟରେ ବୁଲୁଥିବାର ଅନେକ ଫଟୋ ଭାଇରାଲ ହୋଇଛି। ତାମିଲନାଡୁରୁ ଯାତ୍ରା ଆରମ୍ଭ ସମୟରେ ତାଙ୍କ ଧଳା ଟି-ସାର୍ଟ ଉପରେ ଅନେକ ଥର ଚର୍ଚ୍ଚା ହୋଇସାରିଛି। ତେବେ ବର୍ତ୍ତମାନ ଯେଉଁ ପ୍ରସଙ୍ଗ ଉପରେ ଚର୍ଚ୍ଚା ହେଉଛି, ତାହା ହେଉଛି ରାହୁଲ ପ୍ରବଳ ଥଣ୍ଡାରେ ବି ହାଫ୍ ଟି-ସାର୍ଟରେ ବୁଲୁଛନ୍ତି। ଏ ନେଇ ବିଜେପି ରାହୁଲଙ୍କୁ ଘେରି ରହିଛି।
#WATCH | Congress MP Rahul Gandhi replies to a question about him wearing a T-shirt.
Reporter to Rahul Gandhi: Today also in T-shirt…
Rahul Gandhi: T-shirt hi chal rahi hai aur jab tak chal rahi hai chalayenge… pic.twitter.com/S5OB4TuKfZ
— ANI (@ANI) December 28, 2022
ଇତି ମଧ୍ୟରେ ରାହୁଲ ଗାନ୍ଧୀଙ୍କର ଏହା ଉପରେ ବୟାନ ସାମ୍ନାକୁ ଆସିଛି। ଯେତେବେଳେ ଆଜି ରାହୁଲ ଦିଲ୍ଲୀରେ କଂଗ୍ରେସର ସ୍ଥାପନା ଦିବସ କାର୍ଯ୍ୟକ୍ରମରେ ଭାଗ ନେବାକୁ ଯାଉଥିଲେ, ସେତେବେଳେ ଜଣେ ସାମ୍ବାଦିକ ତାଙ୍କୁ ତାଙ୍କର ଟି-ସାର୍ଟ ବିଷୟରେ ପ୍ରଶ୍ନ କରିଥିଲେ। ସାମ୍ବାଦିକ ତାଙ୍କୁ ପଚାରିଥିଲେ, ‘ଆଜି ବି ଆପଣ ଟି-ସାର୍ଟରେ’। ତ ଏହା ଉପରେ ରାହୁଲ ମଜାଳିଆ ଢଙ୍ଗରେ କହିଥିଲେ, ‘ଟି-ସାର୍ଟ ହିଁ ଚାଲୁଛି ଏବଂ ଯେ ପର୍ଯ୍ୟନ୍ତ ଚାଲିବ, ଚଲାଇବା…। ଯେତେବେଳେ ଟି-ସାର୍ଟ କାମ ନ କରିବ, ସେତେବେଳେ ଦେଖିବା’। ସାମ୍ବାଦିକଙ୍କ ପ୍ରଶ୍ନରେ ରାହୁଲ ଗାନ୍ଧୀଙ୍କର ଏପରି ଜବାବ ଏବେ ଚର୍ଚ୍ଚାର ବିଷୟ ହୋଇଛି।
