ହଜିଯାଇଛି କୁକୁର, ଖୋଜି ଆଣିଲେ ମିଳିବ ୫ ଲକ୍ଷ ଟଙ୍କା ପୁରସ୍କାର, ଜାଣନ୍ତୁ କଣ ରହିଛି ସମ୍ପୂର୍ଣ୍ଣ ଘଟଣା
ସାଧାରଣତଃ ମଣିଷର ପଶୁପକ୍ଷୀଙ୍କ ପ୍ରତି ଭଲପାଇବାର ଉଦାହରଣ ଆପଣ ବହୁତ ଦେଖିଥିବେ କିନ୍ତୁ ଆଜି ଆମେ ଆପଣଙ୍କୁ ଏପରି ଏକ କଥା କହିବାକୁ ଯାଉଛୁ ଯାହା ଆପଣ ପୂର୍ବରୁ କେବେବି ଶୁଣିନଥିବେ । ଫ୍ରାନସିସ୍କୋର ଜଣେ ମହିଳା ନିଜ କୁକୁରକୁ ଏତେ ଭଲ ପାଆନ୍ତି ଯେ ତାକୁ ପାଇବା ପାଇଁ ସେ କିଛି ବି କରିବାକୁ ପ୍ରସ୍ତୁତ । ଆଜ୍ଞା ହଁ ଏମିଲି ଟେଲରମୋ ନାମକ ଏହି ମହିଳାଙ୍କର ୫ ବର୍ଷୀୟ କୁକୁର ହଜିଯାଇଛି । ତେବେ ମହିଳାଙ୍କ କହିବା ଅନୁଯାୟୀ ଗତ ସପ୍ତାହରେ ଏକ ଗ୍ରୋସରୀ ଷ୍ଟୋର ବାହାରୁ ତାଙ୍କର ନୀଳ ଆଖିଯୁକ୍ତ ଅଷ୍ଟ୍ରେଲିୟନ ସେଫର୍ଡ ଚୋରି ହୋଇ ଯାଇଛି । ବର୍ତ୍ତମାନ ମହିଳା ନିଜ କୁକୁର ଜ୍ୟାକସନକୁ ଖୋଜି ଆଣିଲେ ୫ ଲକ୍ଷ ଟଙ୍କାର ପୁରସ୍କାର ଘୋଷଣା କରିଛନ୍ତି । ମହିଳା ଜଣକ ଏହି ସୂଚନା ନିଜ ସୋସିଆଲ ମିଡିଆରେ ଆକାଉଣ୍ଟରେ ଦେଇଛନ୍ତି ।
ସୂଚନା ଅନୁଯାୟୀ ମହିଳାଜଣକ ନିଜର କୁକୁରକୁ ଖୋଜିବା ପାଇଁ ୮୫୦୦୦ ଟଙ୍କା ଦେଇ ଏକ ବିମାନ ଭଡାରେ ନେଇଥିଲେ । ଯାହା ସାହାଯ୍ୟରେ ସେ ସାରା ସହରରେ କୁକୁରକୁ ଖୋଜିଥିଲେ । କେବଳ ସେତିକି ନୁହେଁ ସେ ନିଜ କୁକୁରକୁ ଖୋଜିବା ପାଇଁ ଏକ ୱେବସାଇଟ(bringjacksonhome) ମଧ୍ୟ ବନାଇଛନ୍ତି ଯେଉଁଠି ସେ ପୁରସ୍କାର ରାଶି ଦେବା ପାଇଁ ଘୋଷଣା କରିଛନ୍ତି ।
କୁକୁରକୁ ନେଇ ମହିଳାଜଣକ କହିଛନ୍ତି ଯେ ତାର ଓଜନ ୧୩ କେଜି ଏବଂ ତାଠାରେ କଳା, ଧଳା ଓ ଗ୍ରେ ରଙ୍ଗର ଲୋମ ରହିଛି । ଏହାସହିତ ତାର ଆଖି ନୀଳ , ଏହାବ୍ୟତୀତ ମହିଳାଜଣକ କୁକୁରର ଟିଣ୍ଡର ଆକାଉଣ୍ଟ ମଧ୍ୟ ବନାଇଛନ୍ତି । ଏମିଲିର ଇନଷ୍ଟାଗ୍ରାମ ଦେଖିବା ଆପଣ ବୁଝିପାରୁଥିବେ ଯେ ସେ ନିଜ କୁକୁର ଜ୍ୟାକସକୁ ଏତେ ଭଲ କାହିଁକି ପାଉଥିବେ । ଇନଷ୍ଟାଗ୍ରାମରେ ତାଙ୍କର ୩୦୦୦ ରୁ ଅଧିକ ଫଲୋଅର୍ସ ଅଛନ୍ତି ।
