ଗୁରୁଜୀ ଡ. ଚନ୍ଦ୍ରଭାନୁ ଶତପଥୀଙ୍କ ଉପସ୍ଥିତିରେ ନ୍ୟୁଜିଲାଣ୍ଡ ଅକଲାଣ୍ଡରେ ସାଇ ମନ୍ଦିର ପ୍ରତିଷ୍ଠା ଉତ୍ସବ

() ନିଉଜିଲାଣ୍ଡର ଅକଲାଣ୍ଡ ସହରରେ ପ୍ରତିଷ୍ଠିତ ହୋଇଥିବା ଶିରିଡ଼ି ସାଇବାବା ମନ୍ଦିରର ୧୦ମ ବାର୍ଷିକ ପ୍ରତିଷ୍ଠା ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଗୁରୁଜୀ ଡ. ଚନ୍ଦ୍ରଭାନୁ ଶତପଥୀ ଏହି ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଠିକ୍ ଦଶ ବର୍ଷ ତଳେ ଗୁରୁଜୀ ଏହି ମନ୍ଦିରର ପ୍ରାଣ ପ୍ରତିଷ୍ଠା କରିଥିଲେ । ଏହା ମଧ୍ୟରେ ମନ୍ଦିରର ବହୁ ଅଗ୍ରଗତି ଘଟିଛି ।

ଗୁରୁଜୀ ପହଞ୍ଚିବା ପରେ ସ୍ଥାନୀୟ ମାଉରି ପରମ୍ପରାରେ ତାଙ୍କର ସ୍ୱାଗତ କରାଯାଇଥିଲା । ଏହି ଅବସରରେ ନିଉଜିଲାଣ୍ଡର ଶିରିଡ଼ି ସାଇ ସଂସ୍ଥାନ ପକ୍ଷରୁ ଗୁରୁଜୀ ୩ ଲକ୍ଷ ନିଉଜିଲାଣ୍ଡ ଡଲାର ମୂଲ୍ୟର ଏକ ଆମ୍ବୁଲାନ୍ସ ସେଣ୍ଟ ଜୋନ୍ସ ହସ୍ପିଟାଲକୁ ପ୍ରଦାନ କରିଥିଲେ । ଉତ୍ସବରେ ବର୍ତ୍ତମାନର ସାଂସଦ, ପ୍ରାକ୍ତନ ସାଂସଦଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଏବଂ ସ୍ଥାନୀୟ ନେତୃବୃନ୍ଦ ଯୋଗ ଦେଇଥିଲେ ।

ଗୁରୁଜୀ ତାଙ୍କ ଉଦ୍ବୋଧନରେ ଏପରି ସେବା କାର୍ଯ୍ୟର ମହତ୍ତ୍ୱ ଉପରେ ଗୁରୁତ୍ୱାରୋପ କରିଥିଲେ । ସଂସ୍ଥାନ ପକ୍ଷରୁ ଫିଜି, ଚେନ୍ନାଇ ଓ ଅକ୍ଲାଣ୍ଡର ବନ୍ୟା ପୀଡ଼ିତଙ୍କ ନିକଟରେ ପହଞ୍ଚି ସେମାନଙ୍କର ସହାୟତା କରାଯାଇଥିବାରୁ ଏହି କାର୍ଯ୍ୟକୁ ଗୁରୁଜୀ ପ୍ରଶଂସା କରିଥିଲେ ।