ଡକାଗଲା ସଂସଦର ବିଶେଷ ଅଧିବେଶନ, ସେପ୍ଟେମ୍ବର ୧୮ରୁ ୨୨ ପର୍ଯ୍ୟନ୍ତ ହେବ ୫ଟି ବୈଠକ
ସଂସଦର ବିଶେଷ ଅଧିବେଶନ ଡକାଯାଇଛି। ଏହି ଅଧିବେଶନ ସେପ୍ଟେମ୍ବର ୧୮ରୁ ୨୨ ପର୍ଯ୍ୟନ୍ତ ଚାଲିବ। ଏହି ବିଶେଷ ଅଧିବେଶନରେ ମୋଟ ୫ଟି ବୈଠକ ହେବ।
ସଂସଦର ବିଶେଷ ଅଧିବେଶନ ଡକାଯାଇଛି। ଏହି ଅଧିବେଶନ ସେପ୍ଟେମ୍ବର ୧୮ରୁ ୨୨ ପର୍ଯ୍ୟନ୍ତ ଚାଲିବ। ଏହି ବିଶେଷ ଅଧିବେଶନରେ ମୋଟ ୫ଟି ବୈଠକ ହେବ। କୁହାଯାଉଛି କି, ଅମୃତକାଳ ମଧ୍ୟରେ ଏହି ଅଧିବେଶନ ଡକାଯାଇଛି।
ସଂସଦୀୟ କାର୍ଯ୍ୟ ମନ୍ତ୍ରୀ ପ୍ରହ୍ଲାଦ ଯୋଶୀ ଏକ୍ସରେ ଏକ ପୋଷ୍ଟ୍ କରି ଲେଖିଛନ୍ତି ଯେ ସେପ୍ଟେମ୍ବର ୧୮ରୁ ୨୨ ପର୍ଯ୍ୟନ୍ତ ସଂସଦର ଏକ ବିଶେଷ ଅଧିବେଶନ ଡକାଯାଇଛି। ମିଳିଥିବା ସୂଚନା ମୁତାବକ, ଏହି ଅଧିବେଶନରେ କେନ୍ଦ୍ର ସରକାର ୧୦ରୁ ଅଧିକ ଗୁରୁତ୍ୱପୂର୍ଣ୍ଣ ବିଲ୍ ଉପସ୍ଥାପନ କରିପାରନ୍ତି, ଯେଉଁ ପରିପ୍ରେକ୍ଷୀରେ ବିଶେଷ ଅଧିବେଶନ ଡକାଯାଇଛି।
କହି ରଖୁଛୁ କି, ଏହା ୧୭ତମ ଲୋକସଭାର ୧୩ତମ ଅଧିବେଶନ ଏବଂ ରାଜ୍ୟସଭାର ୨୬୧ତମ ଅଧିବେଶନ ହେବ। ସମ୍ବିଧାନର ଧାରା ୮୫ ମୁତାବକ, ସଂସଦର ବିଶେଷ ଅଧିବେଶନ ଡାକିବାର ସରକାରଙ୍କର ଅଧିକାର ରହିଛି। ଧାରା ୮୫ ଅଧୀନରେ ସଂସଦୀୟ ବ୍ୟାପାରର ମନ୍ତ୍ରୀମଣ୍ଡଳ କମିଟି ସଂସଦର ଅଧିବେଶନ ଡାକିବାକୁ ନିର୍ଣ୍ଣୟ ନେଇଥାଏ, ଯେଉଁଥିରେ ରାଷ୍ଟ୍ରପତି ଔପଚାରିକ ଭାବେ ନିଜର ସମ୍ମତି ଜଣାଇ ଥାଆନ୍ତି।
ଏହା ପୂର୍ବରୁ ଜୁଲାଇ ୨୦ରୁ ଅଗଷ୍ଟ ୧୧ ପର୍ଯ୍ୟନ୍ତ ସଂସଦର ମୌସୁମୀ ଅଧିବେଶନ ଚାଲିଥିଲା। ଏଥିରେ ମଣିପୁର ହିଂସା ସମେତ ଅନେକ ପ୍ରସଙ୍ଗ ଉପରେ ଉଭୟ ଗୃହରେ ଖୁବ୍ ତର୍କ ବିତର୍କ ହୋଇଥିଲା।
Special Session of Parliament (13th Session of 17th Lok Sabha and 261st Session of Rajya Sabha) is being called from 18th to 22nd September having 5 sittings. Amid Amrit Kaal looking forward to have fruitful discussions and debate in Parliament.
ಸಂಸತ್ತಿನ ವಿಶೇಷ ಅಧಿವೇಶನವನ್ನು… pic.twitter.com/k5J2PA1wv2
— Pralhad Joshi (@JoshiPralhad) August 31, 2023
