ସୁପ୍ରିମ୍କୋର୍ଟରେ ବିହାର ଜାତି ଜନଗଣନା ମାମଲା; ଅକ୍ଟୋବର ୬ରେ ଶୁଣାଣି
ବିହାରରେ ଜାତି ଜନଗଣନାକୁ ନେଇ ସୁପ୍ରିମ୍କୋର୍ଟ ଅକ୍ଟୋବର ୬ରେ ଶୁଣାଣି କରିବେ। ସୁପ୍ରିମ୍କୋର୍ଟ କହିଛନ୍ତି ଯେ ଏହି ମାମଲାରେ ଅକ୍ଟୋବର ୬ରେ ଶୁଣାଣି ହେବ। ଆବେଦନକାରୀଙ୍କ ଓକିଲ ସୁପ୍ରିମ୍କୋର୍ଟଙ୍କୁ କହିଛନ୍ତି ଯେ ବିହାର ସରକାର ଜାତି ସର୍ବେକ୍ଷଣ ତଥ୍ୟ ଜାରି କରିଛନ୍ତି।
ବିହାରରେ ଜାତି ଜନଗଣନାକୁ ନେଇ ସୁପ୍ରିମ୍କୋର୍ଟ ଅକ୍ଟୋବର ୬ରେ ଶୁଣାଣି କରିବେ। ସୁପ୍ରିମ୍କୋର୍ଟ କହିଛନ୍ତି ଯେ ଏହି ମାମଲାରେ ଅକ୍ଟୋବର ୬ରେ ଶୁଣାଣି ହେବ। ଆବେଦନକାରୀଙ୍କ ଓକିଲ ସୁପ୍ରିମ୍କୋର୍ଟଙ୍କୁ କହିଛନ୍ତି ଯେ ବିହାର ସରକାର ଜାତି ସର୍ବେକ୍ଷଣ ତଥ୍ୟ ଜାରି କରିଛନ୍ତି।
ସୁପ୍ରିମ୍କୋର୍ଟରେ ଜାତି ଜନଗଣନାକୁ ନେଇ ଅକ୍ଟୋବର ୩ରେ ଶୁଣାଣି ହେବାର ଥିଲା, କିନ୍ତୁ ଏବେ ଏହାକୁ ଅକ୍ଟୋବର ୬କୁ ଘୁଞ୍ଚାଇ ଦିଆଯାଇଛି। ବିହାର ସରକାରଙ୍କ ଓକିଲ କୋର୍ଟରେ କହିଥିଲେ କି, ତାଙ୍କ ଓକିଲ କୌଣସି କାମରେ ଫସି ରହିଛନ୍ତି। ତେଣୁ ତାଙ୍କୁ ପରବର୍ତ୍ତୀ ତାରିଖ ଦରକାର, ଯାହା ପରେ କୋର୍ଟ ଅକ୍ଟୋବର ୬ର ତାରିଖ ଦେଇଛନ୍ତି।
କହି ରଖୁଛୁ ଯେ ଜାତିଗତ ଜନଗଣନାର ତଥ୍ୟ ଜାରି ଉପରେ ରୋକ୍ ଲଗାଇବା ପାଇଁ ପାଟନା ହାଇକୋର୍ଟରେ ଏକ ପିଟିସନ ଦାଖଲ କରାଯାଇଥିଲା। କିନ୍ତୁ ଏହି ମାମଲାର ଶୁଣାଣି ବେଳେ କୋର୍ଟ ବିହାର ସରକାରଙ୍କ ସପକ୍ଷରେ ରାୟ ଦେଇଥିଲେ ଏବଂ ସରକାରଙ୍କ ଏହି ପଦକ୍ଷେପକୁ ଆଇନଗତ ବୈଧ ବୋଲି କହିଥିଲେ। ଏହାପରେ ବିହାର ସରକାର ଜାତି ସର୍ବେକ୍ଷଣ କାର୍ଯ୍ୟ ଆରମ୍ଭ କରିଥିଲେ।
ପାଟନା ହାଇକୋର୍ଟଙ୍କ ଏହି ନିଷ୍ପତ୍ତି ବିରୋଧରେ ଆବେଦନକାରୀ ସୁପ୍ରିମକୋର୍ଟଙ୍କ ପାଖରେ ପହଞ୍ଚିଥିଲେ ଏବଂ ବର୍ତ୍ତମାନ ରିପୋର୍ଟ ଜାରି ନ କରିବାକୁ ଅନୁରୋଧ କରିଥିଲେ। କିନ୍ତୁ ସୁପ୍ରିମକୋର୍ଟ ଏହା କରିବାକୁ ମନା କରି ଦେଇଥିଲେ। ସୂଚନାଥାଉ କି, ବିହାର ସରକାର ଅକ୍ଟୋବର ୨ରେ ଜାତିଗତ ସର୍ଭେ ତଥ୍ୟ ଜାରି କରିଛନ୍ତି।
ବିହାର ସରକାରଙ୍କ ମୁଖ୍ୟ ସଚିବଙ୍କ ସମେତ ଅନ୍ୟ ଅଧିକାରୀମାନେ ରିପୋର୍ଟ ଜାରି କରିଛନ୍ତି। ସାମ୍ବାଦିକ ସମ୍ମିଳନୀରେ ମୁଖ୍ୟ ସଚିବ ବିବେକ ସିଂ କହିଥିଲେ ଯେ ଜାତିଗତ ସର୍ଭେ ମୁତାବକ, ବିହାରର ମୋଟ ଜନସଂଖ୍ୟା ୧୩ କୋଟି।
