ପିଏମ କେୟାର୍ସ ଫଣ୍ଡରୁ ଟଙ୍କା ଟ୍ରାନ୍ସଫର କରିବାର ଆବଶ୍ୟକତା ନାହିଁ । ଏ ସଂପର୍କିତ ଏକ ଆବେଦନକୁ ଖାରଜ କରି ସୁପ୍ରିମକୋର୍ଟ କହିଛନ୍ତି, ପିଏମ୍ କେୟାର୍ସ ଫଣ୍ଡ ଅଧୀନରେ ସଂଗ୍ରହ ହୋଇଥିବା ଟଙ୍କା ଏନଡିଆରଏଫ୍କୁ ଟ୍ରାନ୍ସଫର କରିବାର ଆବଶ୍ୟକତା ନାହିଁ । ଏଭଳି କରିବା ଆବଶ୍ୟକ ବୋଲି ଯଦି ସରକାର ନିଜେ ଅନୁଭବ କରିବେ, ତେବେ ଟ୍ରାନ୍ସଫର କରିପାରିବେ । ଏନଡିଆରଏଫ୍କୁ ଯେକୌଣସି ବ୍ୟକ୍ତି ଚାହିଁଲେ ସିଧାସଳଖ ଟଙ୍କା ଦେଇପାରିବେ ବୋଲି ଦେଶର ସର୍ବୋଚ ଅଦାଲତ ସ୍ପଷ୍ଟ କରିଛନ୍ତି । କହିରଖିବା ଉଚିତ ହେବଯେ, ଏକ ଏନଜିଓ ସଂସ୍ଥା ପକ୍ଷରୁ ଏନେଇ ଆବେଦନ ହୋଇଥିଲା ।
କରୋନା ପାଇଁ ପିଏମ କେୟାର ଫଣ୍ଡଙ୍କୁ ମିଳିଥିବା ଟଙ୍କା ଏନଡିଆରଏଫ୍କୁ ଟ୍ରାନ୍ସଫର ପାଇଁ ନିର୍ଦ୍ଦେଶ ଦେବାକୁ ଉକ୍ତ ଆବେଦନ ପତ୍ରରେ ଦର୍ଶା ଯାଇଥିଲା । ଦେଶରେ ଜାରି ରହିଥିବା ଡିଜାଷ୍ଟର ମ୍ୟାନେଜମେଣ୍ଟ ଆକ୍ଟକୁ ପିଏମ କେୟାର୍ସ ଫଣ୍ଡ ଉଲଂଘନ କରୁଥିବା ଆବେଦନକାରୀ କୋର୍ଟରେ ଯୁକ୍ତି ବାଢ଼ିଥିଲେ । ତେବେ ଏଘଟଣାରେ କୌଣସି ପ୍ରକାର ନିର୍ଦ୍ଦେଶ ଦେବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି । ତିନି ଜଣିଙ୍କୁ ନେଇ ଗଠିତ ହୋଇଥିବା ଏକ ଖଣ୍ଡପୀଠ ମାମଲାର ଶୁଣାଣି କରିଥିଲେ ।