ପାଞ୍ଚ ହଜାର ହୀରା ଲାଗିଥିବା ହାରକୁ ଅଯୋଧ୍ୟା ରାମ ମନ୍ଦିରକୁ ଦାନ, ରାମ ମନ୍ଦିର ଥିମରେ ପ୍ରସ୍ତୁତ ହାର କରିବାକୁ ଲାଗିଲା ୩୫ ଦିନ
ନୂତନ ଭାବେ ନିର୍ମିତ ରାମ ମନ୍ଦିର ଢାଞ୍ଚାରେ ଏହି ହାରଟି ତିଆରି କରିଛନ୍ତି । ୨ କେଜି ରୁପାରେ ନିର୍ମିତ ଏହି ହାରରେ ୫ ହଜାର ଆମେରିକାନ୍ ହୀରା ଲାଗିଛି । ୪୦ ଜଣ କାରିଗର ୩୫ ଦିନ ଲାଗି ଏହାକୁ ତିଆରି କରିଛନ୍ତି ।
ଆସନ୍ତା ଜାନୁଆରୀ ୨୨ ତାରିଖରେ ଅଯୋଧ୍ୟା ରାମମନ୍ଦିର ଉଦ୍ଘାଟନ ହେବ । ଯେତେ ଯେତେ ତାରିଖ ପାଖେଇ ଆସୁଛି, ଏହାକୁ ନେଇ ଶ୍ରଦ୍ଧାଳୁଙ୍କ ଉତ୍ସାହ ବଢିବାରେ ଲାଗିଛି । ମନ୍ଦିର ପାଇଁ ପାଞ୍ଚ ହଜାର ହୀରା ଲାଗିଥିବା ଏକ ନେକଲେସ୍ ଅଯୋଧ୍ୟ ରାମ ମନ୍ଦିରକୁ ଦାନ କରିବେ ସୁରଟର ଜଣେ ହୀରା ବ୍ୟବସାୟୀ ।
ନୂତନ ଭାବେ ନିର୍ମିତ ରାମ ମନ୍ଦିର ଢାଞ୍ଚାରେ ସେ ଏହି ହାରଟି ତିଆରି କରିଛନ୍ତି । ୨ କେଜି ରୁପାରେ ନିର୍ମିତ ଏହି ହାରରେ ୫ ହଜାର ଆମେରିକାନ୍ ହୀରା ଲାଗିଛି । ୪୦ ଜଣ କାରିଗର ୩୫ ଦିନ ଲାଗି ଏହାକୁ ତିଆରି କରିଛନ୍ତି । ହାରଟିରେ ରାମ ମନ୍ଦିର ସମ୍ମୁଖରେ ପ୍ରଭୁ ରାମ, ଲକ୍ଷ୍ମଣ ସୀତା ଏବଂ ହନୁମାନଙ୍କ ପ୍ରତିକୃତି ରହିଛି । ଏହି ବହୁମୂଲ୍ୟ ହାରକୁ ରାମ ମନ୍ଦିରକୁ ଦାନ କରାଯିବ ବୋଲି ରାସେଶ ଜୁଏଲସର ନିର୍ଦ୍ଦେଶକ କୌଶିକ କାକଦିୟା କହିଛନ୍ତି ।
#WATCH | Gujarat: A diamond necklace has been made on the theme of Ram temple in Surat. 5,000 American diamonds have been used in this entire design.
The diamond necklace is made of 2 kg silver, 40 artisans completed this design in 35 days.
The diamond merchant said, “It is… pic.twitter.com/sf7jGmq1b5
— ANI (@ANI) December 19, 2023
ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ସମାରୋହ ୧୬ ଜାନୁଆରୀରୁ ଆରମ୍ଭ ହେବ । ଏହାକୁ ପ୍ରଧାନମନ୍ତ୍ରୀ ମୋଦି ଉଦ୍ଘାଟନ କରିବେ । ଏହି ଅବସରରେ ବିଶ୍ୱର ୮୦ଟି ରାଷ୍ଟ୍ରର ମୁଖ୍ୟଙ୍କୁ ନିମନ୍ତ୍ରଣ ପତ୍ର ପଠାଯିବ । ମନ୍ଦିର ଟ୍ରଷ୍ଟ ପକ୍ଷରୁ ଏନେଇ ଏକ ଲିଷ୍ଟ ପ୍ରସ୍ତୁତ କରାଯାଇଛି ।
