ଦିଲ୍ଲୀ ନର୍ଥ ଇଷ୍ଟର ଜଣେ ଯୁବତୀଙ୍କୁ କରୋନା କହି ତାଙ୍କ ମୁଁହରେ ପାନଛେପ ଥୁକିଥିବା ବ୍ୟକ୍ତିଙ୍କୁ ପୋଲିସ ଗିରଫ କରିଛି । ତାଙ୍କ ନାଁ ଗୌରବ ବୋହରା, ବୟସ 40 । ବ୍ୟକ୍ତି ଜଣକ ସ୍କୁଟିରେ ଯାଉଥିବା ବେଳେ ରାସ୍ତାରେ ଚାଲି ଚାଲି ଯାଉଥିବା ଉକ୍ତ ଯୁବତୀଙ୍କ ଉପରେ ଥୁକି ଦେଇଥିଲେ । ଯୁବତୀଙ୍କ ଅଭିଯୋଗ ଅନୁଯାୟୀ, 22 ମାର୍ଚ୍ଚ ରାତିରେ ଜଣେ ବ୍ୟକ୍ତି ତାଙ୍କ ଉପରକୁ ପାନଛେପ ପକାଇ କହିଥିଲେ, ଏହା କରୋନା ପିକ। ଫଳରେ ଯୁବତୀ ଏ ନେଇ ମୁଖାର୍ଜୀ ନଗର ଥାନାରେ ଏତଲା ଦେଇଥିଲେ । ଅଭିଯୋଗକୁ ଭିତ୍ତି କରି ପୋଲିସ ଆଇପିସି ଦଫା 509 ଅନୁଯାୟୀ ଏକ କେସ ରୁଜୁ କରିଥିଲା । ସିସିଟିଭି ଅଧାରରେ ପୋଲିସ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି ।