ସଡକ ଦୁର୍ଘଟଣାରେ ସବୁଠାରୁ ଅଧିକ ଜୀବନ ଯାଉଥିବା ଦେଶ ମାନଙ୍କ ରେସରୁ ବାହାରକୁ ବହାରିବା ପାଇଁ ଭାରତ ସରକାର ସେପ୍ଟେମ୍ବର ୧ରୁ ନୂଆ ମୋଟର ବାହାନ ଅଧିନିୟମ ୨୦୧୯ ଲାଗୁ କରିଛନ୍ତି । ଏହାପରେ ସବୁ ରାଜ୍ୟ ଏବଂ ରାଜନୈତିକ ଦଳ ମାନଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି । ବହୁ ରାଜ୍ୟରେ ନୂଆ ମୋଟର ଭେହିକିଲ୍ ଆକ୍ଟ ୨୦୧୯ ଲାଗୁ କରାଯାଇନଥିବାବେଳେ କିଛ ରାଜ୍ୟ ଜରିମନା କମ୍ କରିବା ପାଇଁ କେନ୍ଦ୍ର ସରକାରଙ୍କୁ ପତ୍ର ଲେଖିଛନ୍ତି ।
ସୂଚନା ଅନୁଯାୟୀ,ଶକ୍ତ ଟ୍ରାଫିକ୍ ନିୟମ ଥିବା ଦେଶ ମାନଙ୍କ ମଧ୍ୟରେ ଭାରତ ଏକା ନୁହେଁ । ଏମିତି ବହୁତ ଦେଶ ଅଛନ୍ତ ଯେଉଁଠାରେ ଟ୍ରାଫିକ୍ ଚାଲାଣର ଜରିମନା ଭାରତ ଠାରୁ ବହୁ ଗୁଣରେ ଅଧିକ । ଭାରତ ଠାରୁ ବହୁତ ଛୋଟ ଏବଂ ଆର୍ଥିକ ରୂପରେ ଦୁର୍ବଳ ଥିବା ଦେଶ ମାନଙ୍କରେ ମଧ୍ୟ ଏହି ଟ୍ରାଫିକ୍ ଜରିମନା ରାଶି ଆମଠାରୁ ମଧ୍ୟ ଅଧିକ ରହିଛି । ଏଠାରେ ଭାରି ଜରିମନା ସହିତ ଦଣ୍ଡ ବିଧାନର ବ୍ୟବସ୍ଥା ମଧ୍ୟ ରହିଛି । ବହୁ ସ୍ଥାନରେ ଜରିମନା ଦେବା ପାଇଁ ଲୋକଙ୍କୁ ଲୋନ୍ ନେବାକୁ ପଡିଥାଏ କିମ୍ବା ନିଜର କ୍ରେଡିଟ୍ କାର୍ଡ ଆଦିରୁ ଭାରି ରକମର ଜରିମନା ଦେଇଥାନ୍ତି । ଏଠାରେ ଜରିମନା ବ୍ୟକ୍ତିଙ୍କର ଏକ ମାସର ଦରମା ଠାରୁ ମଧ୍ୟ ଅଧିକ ହୋଇଥାଏ ।
ଆସନ୍ତୁ ଜାଣିବା ଶକ୍ତ ଯାତାୟତ ନିୟମ ପ୍ରଚଳିତ ଥିବା ଦେଶ ଓ ସେମାନଙ୍କର ଜରିମନା ସମ୍ପର୍କରେ :
ଆମେରିକା:
ଆମେରିକାରେ ଟ୍ରାଫିକ୍ ନିମୟ ବହୁତ କଠୋର । ଏଠାରେ ରାସ୍ତାରେ ଲାଗିଥିବା ସାଇନ୍ ବୋର୍ଡ ମାନଙ୍କର ମଧ୍ୟ ଠିକ୍ ଭାବେ ପାଳନ କରିବାକୁ ପଡିଥାଏ । ଯାହାକୁ ଭାରତରେ କରିବାକୁ ପଡିନଥାଏ ।
ଏଠାରେ ଜରିମନା କେତେ ଦେବାକୁ ପଡିଥାଏ:
-ବିନା ସିଟ୍ ବେଲ୍ଟ-୧୮,୦୦୦ ଟଙ୍କା
-ବିନା ଲାଇସେନ୍ସ-୭୨,୦୦୦ ଟଙ୍କା
-ବିନା ହେଲମେଟ୍-୨୨,୦୦୦ଟଙ୍କା
-ନିଶାରେ ଡ୍ରାଇଭିଙ୍ଗ୍ କରିବା- ତିନି ମାସ ଯାଏଁ ଲାଇସେନ୍ସ କ୍ୟାନସଲ୍ ହେବା ସହିତ ଜରିମନା
ଡ୍ରାଇଭିଙ୍ଗ ସମୟରେ ଫୋନର ବ୍ୟବହାର-୭.୨୩ ଲକ୍ଷ ଟଙ୍କା
ସିଙ୍ଗାପୁର:
-ବିନା ସିଟ୍ ବେଲ୍ଟ-୮,୦୦୦ଟଙ୍କା
-ବିନା ଲାଇସେନ୍ସ-୩ଲକ୍ଷ ଟଙ୍କା
-ନିଶାରେ ଡ୍ରାଇଭିଙ୍ଗ୍ କଲେ-୩.୫୯ ଲକ୍ଷ ଟଙ୍କା ବା ୩ମାସ ଜେଲ୍, ଦ୍ୱିତୀୟ ଥର କଲେ ୭ଲକ୍ଷ ଟଙ୍କା ଜରିମନା
ଡ୍ରାଇଭିଙ୍ଗ ସମୟରେ ଫୋନର ବ୍ୟବହାର-୭୨,୦୦୦ଟଙ୍କା ବା ୬ମାସ ଜେଲ୍
ଋଷ:
ଏଠାରେ ଟ୍ରାଫିକ୍ ନିୟମ ଖାଲି ଭାଙ୍ଗିବାରେ ଜରିମନା ଲାଗିନଥାଏ ବରଂ ଗାଡି ସଫା ଏବଂ ସୁନ୍ଦର ରଖିବା ମଧ୍ୟ ଜରୁରୀ ହୋଇପଡିଥାଏ । ଗାଡି ଅପରିଷ୍କାର ହେବାରେ ମଧ୍ଯ ୩୨୪୦ଟଙ୍କା । ଚାଲାଣ କଟାଯାଇଥାଏ । ଜୋରରେ ଗାଡି ଚଲାଇବା ଏଠାରେ ଏକ ଅପରାଧ ଶ୍ରେଣୀଭୁକ୍ତ ଅଟେ । ଗାଡିରେ ବସିଥିବା ପ୍ରତ୍ୟେକ ପ୍ୟକ୍ତଙ୍କୁ ସିଟ୍ ବେଲ୍ଟ ପିନ୍ଧିବାକୁ ପଡିଥାଏ । ନିଶା ଶକ୍ତ ଅବସ୍ଥାରେ ଗାଡି ଚଲାଇଲେ ୫୪,୦୦୦ଟଙ୍କା ଚାଲାଣ କଟାଯାଇଥାଏ । ଏହାସହିତ ତିନି ବର୍ଷ ଯାଏଁ ଡ୍ରାଇଭିଙ୍ଗ ଲାଇସେନ୍ସ କ୍ୟାନସଲ୍ କରିଦିଆଯାଇଥାଏ ।
ଦୁବାଇ:
ଅପରିଷ୍କାର ଗାଡି ପାଇଁ ଏଠାରେ ୧୦,୦୦୦ଟଙ୍କା ଜରିମନା ଆଦାୟ କରାଯାଇଥାଏ । ଭଙ୍ଗା ଗାଡିକୁ ମଧ୍ୟ ଏଠାରେ କ୍ଷତିଗ୍ରସ୍ତ ଗାଡିଭାବେ ଘୋଷିତ କରାଯାଇଥାଏ ।
ଭୁଟାନ୍:
ଏହି ଦେଶ ଭାରତଠାରୁ ବହୁ ପଛରେ ଅଛି ସତ କିନ୍ତୁ ଯାତାୟତ ନିମୟ ପାଳନ କରିବାରେ ଆମ ଦେଶ ଠାରୁ ଏହା ବହୁ ଆଗରେ । ଏଠାରେ ବିନା ଟ୍ରାଫିକ୍ ସିଗନାଲରେ ମଧ୍ୟ ଯାତାୟତ ସୂଚାରୁ ରୂପେ ଚାଲିଥାଏ । ଏଠାରେ ଭାରତ ଭଳି ଟ୍ରାଫିକ୍ ଜାମ୍ ହେଲେ ଅନ୍ୟ କେଉଁ ଗଳି ବାଟ ଦେଇ ଯିବା ଭଳି ନିମୟକୁ ପାଳନ କରାଯାଇନଥାଏ । ଏଠାରେ ଏପରି କରିବା ମନା । ଏଠାରେ ଲେନ୍ ଡ୍ରାଇଭିଙ୍ଗକୁ ପାଳନ କରାଯାଇନଥାଏ।
ଏହାସହ ପଢନ୍ତୁ:
ନୂଆଦିଲ୍ଲୀ: ପୁଣି ଟ୍ରକ ଡ୍ରାଇଭରଙ୍କୁ ଓଭରଲୋଡିଂ ପଡ଼ିଲା ମହଙ୍ଗା, ଗଣିଲେ ୨ ଲକ୍ଷ ୫ ଶହ ଟଙ୍କାର ଫାଇନ୍
ତାଇଓ୍ଵାନ୍:
ଭାରତ ଠାରୁ ବହୁ ଛୋଟ ହୋଇଥିବା ଏହି ଦେଶ ପାଖାପାଖି ସବୁ ମାମଲଶରେ ଭାରତଠାରୁ ପଛରେ । ତାଇଓ୍ଵାନ୍ କେବେ ଚୀନ୍ ର ଭାଗ ଥିଲା । ଏଠାରେ ନିଶାରେ ଗାଡି ଚଲାଇଲେ ୪ଲକ୍ଷ ଟଙ୍କା ଯାଏ ଜରିମନା ଆଦାୟ କରାଯାଇଥାଏ ।
ଫିନଲ୍ୟାଣ୍ଡ:
ଏଠାରେ ଚାଲାଣ ରାଶି ଅଲଗା ଅଲଗା ରହିଛି । ଏହି ଟ୍ରାଫିକ୍ ଉଲ୍ଲଙ୍ଘନ କରିବା ବ୍ୟକ୍ତିଙ୍କ ଆର୍ଥିକ ସ୍ଥିତି ଅନୁସାରେ ଜରିମନା ଆଦାୟ କରାଯାଇଥାଏ । ରୋଜଗାର ଆଧାରରେ ଚାଲାଣ କଟାଯାଉଥିବା ଫିନଲ୍ୟାଣ୍ଡ ଦୁନିଆର ଏକମାତ୍ର ଦେଶ ଭାବେ ପରିଚିତ ।
ଓମାନ୍:
ଆଫ୍ରିକା ଦେଶ ଓମାନ୍ ର ଗଣତି ପଛୁଆ ଦେଶ ମାନଙ୍କରେ ହୋଇଥାଏ । ଏଠାକାର ଆର୍ଥିକ ଅବସ୍ଥା ତେଲ ଉପରେ ନିର୍ଭର କରିଥାଏ । ଏହାବ୍ୟତିତ ଏଠାରେ ଯାତାୟତ ନିୟମ ବହୁତ ଶକ୍ତ । ଏଠାରେ ଫୋନ୍ରେ କଥା ହୋି ଗାଡି ଚଲାଇଲେ ପାଖଶପାଖଇ ୫୦ଟଙ୍କା ଯାଏ ଚାଲାଣ କଟାଯାଇଥାଏ ।
ଜାପାନ:
ଏଠାରେ ସଡକରେ ଚାଲିକି ଯାଉଥିବା ବ୍ୟକ୍ତିଙ୍କୁ ଖାସ୍ ନଜର ଦିଆଯାଇଥାଏ । ଏଠାରେ କୌଣସି ଚାଳକ ଯଦି ପାଦରେ ଚାଲିକି ଯାଉଥିବା ବ୍ୟକ୍ତିଙ୍କ ଉପରକୁ କାଦୁଅ କିମ୍ବା ପାଣି ପକାଇଥାଏ ତେବେ ତାଙ୍କ ଉପରେ ଭାରି ରକମର ଜରିମନା ଆଦାୟ କରାଯାଇଥାଏ ।
ୟୁଏଇ:
ଆରବ ଦେଶ ନିଜର ଶକ୍ତ ନିୟମ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି । ୟୁଏଇରେ ନିଶା ଶକ୍ତ ଅବସ୍ଥାରେ ଗାଡି ଚଲାଇଲେ କଣ୍ଟାରେ ପିଟିବା ଭଳି ଭୟାନକ୍ ଦଣ୍ଡ ଦିଆଯାଇଥାଏ । ତେଣୁ ଏଠାରେ ଟ୍ରାଫିକ୍ ନିୟମ ଭାଙ୍ଗିବା ପାଖାପାଖି ନା କହିଲେ ଚଳେ ।
ହଲ୍ୟାଣ୍ଡ:
ଏଠାକାର ଲୋକେ ଭୁଲରେ ବି ସ୍ପିଡ୍ ରେ ସଡକରେ ଗାଡି ଚଲାଇ ପାରିବେ ନାହିଁ । ଏଠାରେ ନିର୍ଦ୍ଧାରିତ ଗତି ସୀମାର ଉଲ୍ଲଙ୍ଘନ କଲେ ଗାଡିକୁ ସବୁଦିନ ପାଇଁ ଜବତ କରିଦିଆଯାଇଥାଏ ।