ମର୍ମନ୍ତୁଦ ସଡ଼କ ଦୁର୍ଘଟଣା: ବାହାଘରକୁ ଯାଉଥିବା ବେଳେ ନଦୀକୁ ଓଲଟିଲା ମିନି ଟ୍ରକ, ୧୨ ମୃତ ଓ ୩୦ରୁ ଅଧିକ ଆହତ
ବାହାଘରରେ ଯୋଗ ଦେବା ପାଇଁ ଖୁସିରେ ଯାଉଥିଲେ । ହେଲେ ବାଟରେ ଜଗିଥିଲା ଯମ । ନଦୀରେ ମିନିଟ୍ରକ ଓଲଟିବାରୁ ୧୨ ମୃତ। ୩୦ରୁ ଅଧିକ ଆହତ । ମଧ୍ୟପ୍ରଦେଶ ଦାତିୟାରେ ଘଟିଛି ଏଭଳି ଘଟଣା ।
ମଧ୍ୟପ୍ରଦେଶର ଦାତିୟା ଦୁରସଡା ଥାନା ଅନ୍ତର୍ଗତ ବୁହାରାରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୨ ଜଣ ମୃତ୍ୟୁ ଘଟିଛି । ୩୬ ଜଣରୁ ଅଧିକ ଆହତ ହୋଇଛନ୍ତି । ତେବେ ମିନି ଟ୍ରକଟି ନଦୀରେ ଖସିପଡିବାରୁ ଏଭଳି ଦୁର୍ଘଟଣା ଘଟିଛି।
ଖବର ମୁତାବକ, ମିନି ଟ୍ରକରେ ଥିବା ଲୋକେ ଗ୍ଵାଲିୟରରେ ଥିବା ବିଲହେଟୀ ଗାଁରୁ ଟିକମଗଢର ଜତାରା ଏକ ବିବାହ ସମାରୋହରେ ଯୋଗ ଦେବାକୁ ଯାଉଥିଲେ । ଟ୍ରକଟି ବୁହାରା ଗାଁ ନିକଟରେ ନିର୍ମାଣାଧୀନ ବ୍ରିଜ ପାଖରେ ଗାଡି ଓଲଟିବା ଯୋଗୁଁ ଏଭଳି ଘଟିଛି । ଘଟଣା ବିଷୟରେ ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲା । ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି । ଦତିୟା ଏସପି ପ୍ରଦୀପ ଶର୍ମା ଘଟଣା ସ୍ଥଳରେ ପହଞ୍ଚି ସ୍ଥିତି ତଦାରଖ କରିଛନ୍ତି ।
दतिया जिले में बुहारा नदी के पुल पर एक ट्रक पलटने से 5 लोगों की मृत्यु और कई लोगों के घायल होने का दुखद समाचार मिला है।
पुलिस-प्रशासन ने मौके पर पहुंचकर कई लोगों को रेस्क्यू कर लिया है। घायलों को इलाज के लिए जिला अस्पताल भेजा गया है।
ईश्वर से इस दुर्घटना में दिवंगत सभी आत्माओं… pic.twitter.com/LllEROWSdn
— Dr Narottam Mishra (@drnarottammisra) June 28, 2023
ଏହି ଘଟଣାରେ ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ରା ଟ୍ଵିଟ୍ କରି ଦୁଃଖ ପ୍ରକାଶ କରିଛନ୍ତି । ପୀଡିତଙ୍କୁ ସବୁ ପ୍ରକାରର ଚିକିତ୍ସା ଯୋଗାଇବାକୁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏହି ଘଟଣାରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ଵାନ ମୃତକଙ୍କୁ ୪ ଲକ୍ଷ ଟଙ୍କା ଏବଂ ଆହତଙ୍କୁ ୫୦ ହଜାର ଟଙ୍କା ଆର୍ଥିକ ସହାୟତା ଦେବାକୁ ଘୋଷଣା କରିଛନ୍ତି ।
