ଆସୁଛି କରୋନା ଠାରୁ ବି ଅଧିକ ଭୟଙ୍କର ଭାଇରସ, ଏବେଠୁ ସତର୍କ ରହିବାକୁ WHO ଅଧ୍ୟକ୍ଷ ଦେଲେ ଚେତାବନୀ
ବିଶ୍ୱ ସ୍ୱାସ୍ଥ୍ୟ ସଂଗଠନ ଅଧ୍ୟକ୍ଷ ଟେଦ୍ରୋସ ଆଧାନୋମ ଘେବରିଏସସ ସୋମବାର ନିଜ ଭାଷଣରେ ବିଶ୍ବକୁ ଏକ ସତର୍କ ସୂଚନା ଦେଇଛନ୍ତି । ଟ୍ୱେଦ୍ରସଙ୍କ ଅନୁଯାୟୀ ଆଗାମୀ ମହାମାରୀ ଜନିତ ସଂକ୍ରମଣ ପାଇଁ ବିଶ୍ୱକୁ ପ୍ରସ୍ତୁତ ହୋଇ ରହିବାକୁ ହେବ । ଯେମିତି ଏହାଠୁ ବି ଅଧିକ ଦୁଃସମୟକୁ ବିଶ୍ୱବାସୀ ଦୃଢ଼ତାର ସହ ସାମ୍ନା କରିପାରିବେ । ତାଙ୍କ ଅନୁଯାୟୀ, କରୋନାଯେ ଶେଷ ମାରାତ୍ମକ ଭାଇରସ ତାହା ନୁହେଁ । ଏହା ପରେ ବି ଅନେକ ଭାଇରସ ବିଶ୍ୱକୁ ଆକ୍ରାନ୍ତ କରିପାରେ । ଏଣୁ ବିଶ୍ୱର ବିଭିନ୍ନ ଦେଶମାନଙ୍କୁ ନିଜ ନିଜ ଜନତାଙ୍କ ସ୍ୱାସ୍ଥ୍ୟ କ୍ଷେତ୍ରରେ ଅଧିକରୁ ଅଧିକ ଟଙ୍କା ବିନିଯୋଗ କରି ନିଜ ନିଜ ସ୍ୱାସ୍ଥ୍ୟ ସେବାକୁ ବଢାଇବାକୁ ହେବ । ଜେନେଭା ସ୍ଥିତ ବିଶ୍ୱସ୍ୱାସ୍ଥ୍ୟ ସଂଗଠନର ମୁଖ୍ୟ କାର୍ଯ୍ୟାଳୟରେ ଆୟୋଜିତ ହୋଇଥିବା ଏକ ସାମ୍ବାଦିକ ସମ୍ମିଳନୀରେ ହିଁ ଟେଡ଼ରସ ଏବାବଦରେ ସୂଚନା ଦେଇଛନ୍ତି । ବର୍ତ୍ତମାନ ସମୟ ଠାରୁ ବି ଅଧିକ ସତର୍କ ହୋଇ ରହିବାକୁ ସେ କହିଛନ୍ତି ।
କହିରଖିବା ଉଚିତ ହେବଯେ, ବର୍ତ୍ତମାନ ବିଶ୍ଵବ୍ୟାପୀ ଜାରି ରହିଥିବା କରୋନା ମହାମାରୀରେ ୨୭.୧୯ ମିଲିୟନ ଲୋକ ଆକ୍ରାନ୍ତ ହୋଇ ସାରିଥିବା ବେଳେ ୮ ଲକ୍ଷ ୮୮ ହଜାର ୩୨୬ ଜଣଙ୍କର ମୃତ୍ୟୁ ହୋଇଛି । ଯେବେକି, ୨୦୧୯ ଡିସେମ୍ବରରେ ଚୀନରୁ ହିଁ ପ୍ରଥମ ସଂକ୍ରମିତ ଚିନ୍ହଟ ହୋଇଥିଲେ । ଏବେ ସଂକ୍ରମିତ ହାର ତାଲିକାରେ ଆମେରିକା ନମ୍ବର ୧ରେ ଥିବା ବେଳେ ଦ୍ଵିତୀୟ ସ୍ଥାନରେ ଅଛି ବି ବ୍ରାଜିଲ । ଯେବେକି, ଉଭୟ ମୃତ୍ୟୁ ଓ ସଂକ୍ରମିତ ହାର ତାଲିକାର ତୃତୀୟ ସ୍ଥାନରେ ଅଛି ଆମ ଦେଶ ଭାରତ ।
