ଫେସବୁକ ଓ ଟ୍ବିଟର ପରେ ଟ୍ରମ୍ପଙ୍କ ୟୁଟ୍ଯୁବ ଚ୍ଯାନେଲକୁ ବ୍ଯାନ୍ କଲା ଗୁଗଲ, ଏବେ ଆଉ କିଛି କରିପାରିବେନି ଅପଲୋଡ୍
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ୟୁଟ୍ଯୁବ ଆକାଉଣ୍ଟକୁ ବ୍ଲକ କରିଛି ଗୁଗଲ। ଟ୍ରମ୍ପଙ୍କର ଏହା ଅଫିସିଆଲ ଆକାଉଣ୍ଟ। ଗତ କିଛିଦିନ ତଳେ ଟ୍ରମ୍ପଙ୍କ ଫେସବୁକ ଏବଂ ଟ୍ବିଟର ଆକାଉଣ୍ଟକୁ ବ୍ଯାନ୍ ହୋଇଥିଲା। ପରେ ଟ୍ବିଟର ପକ୍ଷରୁ ତାଙ୍କ ଆକାଉଣ୍ଟକୁ ରିଷ୍ଟୋର କରାଯାଇଥିଲା ସତ କିନ୍ତୁ ଚେତାବନୀ ଦେଇଥିଲା।
ଟ୍ବିଟର ପକ୍ଷରୁ କୁହାଯାଇଥିଲା ଯେ, ଯଦି ଟ୍ରମ୍ପ ଏହା ପରେ କୌଣସି ପଲିସିର ଉଲଙ୍ଘନ କରନ୍ତି, ତେବେ ସବୁଦିନ ପାଇଁ ଆକାଉଣ୍ଟକୁ ବ୍ଲକ୍ କରିଦିଆଯିବ। ଏହାସହିତ ଫେସବୁକ ମଧ୍ୟ ଅନିଶ୍ଚିତ କାଳ ପାଇଁ ଟ୍ରମ୍ପଙ୍କ ଆକାଉଣ୍ଟକୁ ସସପେଣ୍ଡ କରିଦେଇଥିଲା।
ଏହା ପରେ ଏବେ ଟ୍ରମ୍ପଙ୍କ ଅଫିସିଆଲ ୟୁଟ୍ଯୁବ ଚ୍ଯାନେଲକୁ ମଧ୍ୟ ବ୍ଯାନ କରାଯାଇଛି। ଅତିକମରେ ସାତ ଦିନ ପର୍ଯ୍ଯନ୍ତ ଟ୍ରମ୍ପଙ୍କ ୟୁଟ୍ଯୁବ ଚ୍ଯାନେଲରେ କୌଣସି କଣ୍ଟେଣ୍ଟ ଅପଲୋଡ ହୋଇପାରିବ ନାହିଁ। ଏହାସହିତ ପୁରୁଣା ଭିଡିଓରେ ମଧ୍ୟ କୌଣସି କମେଣ୍ଟ ଅପସନକୁ ହଟାଇଦିଆଯାଇଛି।
YouTube bars Trump’s account from uploading videos for one week
Read @ANI Story | https://t.co/9GkNMAtjFD pic.twitter.com/5nRH8RmWGi
— ANI Digital (@ani_digital) January 13, 2021
ଏହା ହେଉଛି କାରଣ :
ଟ୍ରମ୍ପ ଗତ କିଛିଦିନରୁ ଆମେରିକା କ୍ଯାପିଟାଲରେ ହିଂସା ବଢାଇବାକୁ ନେଇ ବିବାଦରେ ରହିଥିଲେ। ଗୁଗଲ ଟ୍ବିଟ କରି କହିଛି କି, ‘ପଲିସି ନିୟମ ଉଲ୍ଲଙ୍ଘନ ଏବଂ ସମ୍ଭାବିତ ହିଂସାକୁ ଦୃଷ୍ଟିରେ ରଖି ଟ୍ରମ୍ପଙ୍କ ଆକାଉଣ୍ଟକୁ ସସପେଣ୍ଡ କରିଦିଆଯାଇଛି। ଯେଉଁଥିରେ ସେ କିଛି ବି ନୂଆ କେଣ୍ଟଣ୍ଟ ଅପଲୋଡ କରିପାରିବେ ନାହିଁ।
ସିଭିଲ ରାଇଟ ଗ୍ରୁପ ପକ୍ଷରୁ ଗୁଗଲକୁ ଟ୍ରମ୍ପଙ୍କ ୟୁଟ୍ଯୁବ ଆକାଉଣ୍ଟ ସସପେଣ୍ଡ କରିବାକୁ କୁହାଯାଇଥିଲା। ଯଦି ଗୁଗଲ ଏମିତି କରିନଥାନ୍ତା, ତେବେ ସିଭିଲ ରାଇଟସ ଗ୍ରୁପ ପକ୍ଷରୁ ୱାଲଡ ୱାଇଡ ୟୁଟ୍ଯୁବକୁ ବଏକଟ କରିବାର ଧମକ ମଧ୍ୟ ମିଳିଥିଲା।
