ରାସ୍ତାରେ ଠିଆ ହୋଇ କାନ୍ଦିଲେ ଜମାଟୋ ଡେଲିଭରୀ ବଏ, ସୋସିଆଲ ମିଡିଆରେ ଭାଇରାଲ
ଜମାଟୋର ଜଣେ ଡେଲିଭରୀ ବଏ ରାସ୍ତାରେ ଠିଆ ହୋଇ କାନ୍ଦୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସ୍ଥାନଟି ଉତ୍ତର ଦିଲ୍ଲୀର ଜିଟିବି ନଗର ବୋଲି ଜଣାପଡ଼ିଛି ।
ଜମାଟୋର ଜଣେ ଡେଲିଭରୀ ବଏ ରାସ୍ତାରେ ଠିଆ ହୋଇ କାନ୍ଦୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସ୍ଥାନଟି ଉତ୍ତର ଦିଲ୍ଲୀର ଜିଟିବି ନଗର ବୋଲି ଜଣାପଡ଼ିଛି । ସୋହମ୍ ଭଟ୍ଟାଚାର୍ଯ୍ୟ ନାମକ ବ୍ୟକ୍ତି ଏହି ଡେଲିଭରୀ ବଏଙ୍କ ଫଟୋ ସହିତ ଏକ ଭାବପୂର୍ଣ୍ଣ ବାକ୍ୟ ସୋସିଆଲ ମିଡିଆରେ ସେୟାର କରିଛନ୍ତି ।
ସୋହମ୍ କହିଛନ୍ତି, ‘ଏହି ଯୁବକ ଦାବି କରିଛନ୍ତି ଯେ କିଛି ଦିନ ଭିତରେ ତାଙ୍କ ଭଉଣୀର ବାହାଘର । ହେଲେ ଜମାଟୋ ତାଙ୍କ ଆକାଉଣ୍ଟକୁ ବ୍ଲକ୍ କରି ଦେଇଛି । ଯୁବକ ଜିଟିବି ନଗର ନିକଟରେ ଠିଆ ହୋଇ କାନ୍ଦୁଥିବାର ଦେଖିବାକୁ ମିଳିଥିଲା । ସେ ଲୋକମାନଙ୍କୁ ଟଙ୍କା ମାଗୁଛନ୍ତି ଏବଂ କହୁଛନ୍ତି ଯେ ସେ କିଛି ଖାଇ ନାହାନ୍ତି । ସେ ଭଉଣୀର ବାହାଘର ପାଇଁ ଟଙ୍କା ସଂଗ୍ରହରେ ବ୍ୟସ୍ତ ଅଛନ୍ତି । ଯଦି ସମ୍ଭବ ଏହାକୁ ଭାଇରାଲ କରନ୍ତୁ’ ।
ଫଟୋରେ ଡେଲିଭରୀ ବଏ କାନ୍ଦୁଥିବାର ସ୍ପଷ୍ଟ ଦେଖାଯାଉଛି । ତେବେ ପୋଷ୍ଟଟି ସେୟାର ହେବା ପରଠାରୁ ୨୦ ଲକ୍ଷରୁ ଅଧିକ ଲୋକ ଦେଖିସାରିଲେଣି । ସେପଟେ ଏହି ଘଟଣା ସାମ୍ନାକୁ ଆସିବା ପରେ ଜମାଟୋ ମଧ୍ୟ ନିଜର ପ୍ରତିକ୍ରିୟା ଦେଇଛି ।
ଜମାଟୋ ଲେଖିଛି, ‘ଆମେ ଏପରି ମାମଲାକୁ ଗମ୍ଭୀରତାର ସହ ନେଉ । ଆମେ ଆପଣଙ୍କୁ ଆଶ୍ୱସନା ଦେଉଛୁ ଯେ ଏହି ସମସ୍ୟା ଉପରେ ଦୃଷ୍ଟି ଦେବୁ । ଆମର ଡେଲିଭରୀ ପାର୍ଟନର ଗ୍ରାହକଙ୍କ ପରି ଆମ ପାଇଁ ଗୁରୁତ୍ୱପୂର୍ଣ୍ଣ’ ।
This guy’s sister’s wedding is in few days & @zomato @zomatocare blocked his account! He was sobbing like anything near GTB Nagar, going to everyone and asking for some money. He told me he didn’t eat anything saving it all for her wedding
Please make it viral if you can pic.twitter.com/sl8juEBsaJ
— Soham Bhattacharya ⚖️ 🇮🇳 (@Sohamllb) March 28, 2024