ମଣିଷ ପୂର୍ବରୁ କେଉଁ ଜିନିଷ ସଂପର୍କରେ ଆସିବେ ଏଲିଅନ୍ସ, ଜାଣନ୍ତୁ କଣ କହିଛନ୍ତି ହାଓ୍ଵର୍ଡ଼ ୟୁନିଭର୍ସିଟି ପ୍ରଫେସର
ଅନେକ ସମୟରେ ଏଲିଅନ୍ସକୁ ନେଇ ଭିନ୍ନ ଭିନ୍ନ ଦାବି କରାଯାଇଛି । ସେହିପରି ବୈଜ୍ଞାନିକମାନେ ମହାକାଶରେ ଜୀବନ ରହିଛି କି ନାହିଁ ତାର ସନ୍ଧାନ କରୁଛନ୍ତି । କିନ୍ତୁ ଆଜି ମଧ୍ୟ ବୈଜ୍ଞାନିକଙ୍କ ପାଇଁ ସବୁଠାରୁ ବଡ଼ ପ୍ରଶ୍ନ ହେଉଛି ମହାକାଶରେ ପ୍ରକୃତରେ ଏଲିଅନ୍ସ ଅଛନ୍ତି କି? ଯଦି ଏଲିଅନ୍ସ ସତରେ ଅଛନ୍ତି, ତେବେ ମଣିଷ ସେମାନଙ୍କ ସହ କେବେ ଯୋଗାଯୋଗ କରିବେ ।
ମହାକାଶ ଅନେକ ରହସ୍ୟରେ ଭରି ରହିଛି । ମଣିଷ ପାଇଁ ଏଲିଅନ୍ସ ଏବଂ ସେମାନଙ୍କ ଦୁନିଆ ସର୍ବଦା ରହସ୍ୟମୟ ହୋଇରହିଛି । ଅନେକ ସମୟରେ ଏଲିଅନ୍ସକୁ ନେଇ ଭିନ୍ନ ଭିନ୍ନ ଦାବି କରାଯାଇଛି । ସେହିପରି ବୈଜ୍ଞାନିକମାନେ ମହାକାଶରେ ଜୀବନ ରହିଛି କି ନାହିଁ ତାର ସନ୍ଧାନ କରୁଛନ୍ତି । କିନ୍ତୁ ଆଜି ମଧ୍ୟ ବୈଜ୍ଞାନିକଙ୍କ ପାଇଁ ସବୁଠାରୁ ବଡ଼ ପ୍ରଶ୍ନ ହେଉଛି ମହାକାଶରେ ପ୍ରକୃତରେ ଏଲିଅନ୍ସ ଅଛନ୍ତି କି? ଯଦି ଏଲିଅନ୍ସ ସତରେ ଅଛନ୍ତି, ତେବେ ମଣିଷ ସେମାନଙ୍କ ସହ କେବେ ଯୋଗାଯୋଗ କରିବେ । ଏହି ଏଲିଅନ୍ସ ସହ ଯୋଗାଯୋଗ ସମ୍ପର୍କରେ ହାଓ୍ଵର୍ଡ଼ ୟୁନିଭର୍ସିଟିର ପ୍ରଫେସର କିଛି ଭିନ୍ନ ମତ ଦେଇଛନ୍ତି । ତାଙ୍କ କହିବା ଅନୁସାରେ ଯଦି ଭବିଷ୍ୟତରେ ଏଲିଅନ୍ସଙ୍କ ସହ କୌଣସି ଯୋଗାଯୋଗ ହେଉଛି, ତେବେ ଏହା ମଣିଷଙ୍କ ପୂର୍ବରୁ AI ସହ ଯୋଗାଯୋଗ କରିବ ।
ଆମେରିକା ସମେତ ଅନେକ ଦେଶରେ ଅନଆଇଡେଣ୍ଟିଟିଫାଏଡ ଅବଜେକ୍ଟ ଅର୍ଥାତ UFO ଦେଖାଯିବାର ବାରମ୍ବାର ଦାବି ରହିଛି । କିନ୍ତୁ ଏହାକୁ ନେଇ କୌଣସି ବାସ୍ତବତା ପ୍ରକାଶ ପାଇ ନାହିଁ । ତେବେ ହାଓ୍ଵର୍ଡ ୟୁନିଭର୍ସିଟିର ଜ୍ୟୋତିର୍ବିଜ୍ଞାନ ପ୍ରଫେସର ଆଭି ଲୋଏବ କହିଛନ୍ତି ଯେ, ଏଲିଅନ୍ସମାନଙ୍କ ଇଣ୍ଟେଲିଜେନ୍ସ ମଣିଷମାନଙ୍କ ତୁଳନାରେ ବହୁତ ଅଧିକ ରହିଥାଏ । ମଣିଷଙ୍କ ପୂର୍ବରୁ ଆର୍ଟିଫିସିଆଲ ଇଣ୍ଟେଲିଜେନ୍ସ ବା AI ସହ ଯୋଗାଯୋଗ କରିବାରେ ଏଲିଅନ୍ସମାନେ ସଫଳ ହେବେ ବୋଲି ଆଭି ଲୋଏବ ଦାବି କରିଛନ୍ତି ।
ସେ ତାଙ୍କ God Vs Aliens ଡକ୍ୟୁମେଣ୍ଟ୍ରିରେ କହିଛନ୍ତି ଯେ, ଇଟରଷ୍ଟେଲର ଜର୍ଣ୍ଣିିର୍ ମଣିଷ ମାନଙ୍କ ଅପେକ୍ଷା ଇଲେକ୍ଟ୍ରୋନିକକ୍ସ ଗ୍ୟାଜେଟମାନଙ୍କ ସହ ଭଲ ଭାବେ ଯୋଗଯୋଗ ହୋଇ ପାରିବ । କାରଣ ଏହାର ଦୂରତା ଅଧିକ ହୋଇଥାଏ, ଯାହା ନିକଟରେ ପହଞ୍ଚିବା ପାଇଁ ବହୁତ ସମୟ ଲାଗିଥାଏ । ଏପରିକି ଯଦି ନିକଟତର ତାରା କଥା କୁହାଯାଏ, ତେବେ ଏହା ନିକଟରେ ପହଞ୍ଚିବା ପାଇଁ ପାଖାପାଖି ୫୦ ହଜାର ବର୍ଷ ଲାଗିବ । ମଣିଷ ଏତେ ଦିନ ପର୍ଯ୍ୟନ୍ତ ରହିବା ସମ୍ଭବ ହୋଇନଥିବାବେଳେ AI ସ୍ଥାୟୀ ରହି ପାରିବ । ହଜାର ହଜାର ବର୍ଷ ପରେ ମଧ୍ୟ ଏହାକୁ ପୁଣି ସଂଯୋଗ କରାଯାଇ ପାରିବ । ଏଥିପାଇଁ ମଣିଷ ମାନଙ୍କ ପୂର୍ବରୁ ଏଲିଅନ୍ସମାନେ AI ସହ ଯୋଗାଯୋଗ କରି ପାରିବେ ।
ଏହି କାରଣ ଯୋଗୁଁ ନାସା ସହ ସମଗ୍ର ଦୁନିଆର ସ୍ପେସ ଏଜେନ୍ସି ଗୁଡ଼ିକ ଗତ କିଛି ବର୍ଷ ଧରି ଆକାଶଗଙ୍ଗା ଏବଂ ତାରାମାନଙ୍କର ଚାର୍ଟ କରିବାରେ ଏବଂ ଅନ୍ୟ ଗ୍ରହମାନଙ୍କୁ ରୋବଟ ପଠାଇବା ପାଇଁ ଟେକ୍ନୋଲୋଜିର ବ୍ୟବହାର କରୁଛନ୍ତି । ଲୋଏବ ଆଶା କରିଛନ୍ତି ଯେ, ଯଦି ମହାକାଶରେ ଏଲିଅନ୍ସ ରହିଛନ୍ତି ଏବଂ ସେମାନେ ପୃଥିବୀ ସହ ଯୋଗାଯୋଗ କରିବାକୁ ଚେଷ୍ଟା କରୁଥିବେ ତେବେ ସେମାନେ ପ୍ରଥମେ AI ସହ ଯୋଗାଯୋଗ କରିବେ ।
