ଚାର୍ଜର କିଣିବା ସମୟରେ ଏହି ଚିହ୍ନ ଉପରେ ନିଶ୍ଚୟ ଧ୍ୟାନ ରଖନ୍ତୁ

ଫୋନ୍ ଚାର୍ଜରେ ଲାଗିଥିବା ସମୟରେ ଫୋନରେ କଥା ହେଲେ କରେଣ୍ଟ ମାରିବାର ଆପଣ ନିଶ୍ଚିତ ଭାବରେ ଅନେକ ଥର ଶୁଣିଥିବେ । ଏହା ଖରାପ ଚାର୍ଜର ଯୋଗୁଁ ହୋଇଥାଏ । ଅନେକ ଥର, ଯଦି ଚାର୍ଜର ନଷ୍ଟ ହେବ ତାହେଲେ ଫୋନର ଚାର୍ଜିଂ ପଏଣ୍ଟ ମଧ୍ୟ ଶୀଘ୍ର ନଷ୍ଟ ହୋଇଯାଏ । ବର୍ତ୍ତମାନ ପ୍ରଶ୍ନ ଉଠୁଛି ଯେ ବଜାରରୁ ଚାର୍ଜର କିଣିବାବେଳେ ଆମେ କଣ କରିବା ଉଚିତ ଯାହା ଦ୍ୱାରା ଆପଣ ଜାଣିପାରିବେ କେଉଁ ଚାର୍ଜର ଭଲ ଏବଂ କେଉଁଟି ଖରାପ । ଆସନ୍ତୁ ଜାଣିବା ଏହି ବିଷୟରେ..

ଯଦି ଆପଣ ଶୋ’ରୁମରୁ ଅରିଜିନାଲ ଚାର୍ଜର କିଣି ପାରିବେ ନାହିଁ ଏବଂ ବଜାରରୁ ଶସ୍ତା ଚାର୍ଜର କିଣିବାକୁ ଚାହାଁନ୍ତି, ତେବେ ଆପଣ ଏହି ମାର୍କ ସାହାଯ୍ୟରେ ଶସ୍ତା ମୂଲ୍ୟରେ ମଧ୍ୟ ଭଲ ଚାର୍ଜର କିଣି ପାରିବେ । ତେବେ ଆସନ୍ତୁ ଜାଣିବା ଏକ ଚାର୍ଜର୍ କିଣିବାବେଳେ କେଉଁ ମାର୍କ ଖୋଜିବା ଉଚିତ୍ । ଯେତେବେଳେ ବି ଆପଣ ଚାର୍ଜର କିଣିବାକୁ ଯାଆନ୍ତି, ନିଶ୍ଚିତ ଭାବରେ ଚାର୍ଜର ପଛରେ ଦୁଇଟି ବର୍ଗର ଆକୃତିର ଚିହ୍ନ ଖୋଜନ୍ତୁ । ଯଦି ଏହା ସେଠାରେ ଥାଏ ତେବେ ଏହାର ଅର୍ଥ ହେଉଛି ଚାର୍ଜରଟି ଭଲ ଭାବରେ ତିଆରି ହୋଇଛି ଏବଂ ଏଥିରେ ଭଲ ମ୍ୟାଟେରିୟାଲ ବ୍ୟବହାର କରାଯାଇଛି ।

ବର୍ଗ ଆକୃତି ବ୍ୟତୀତ, ଚାର୍ଜରରେ ଉପସ୍ଥିତ ୮ ଅଙ୍କ ବିଶିଷ୍ଟ ଚିହ୍ନ ମଧ୍ୟ ଗୁରୁତ୍ୱପୂର୍ଣ୍ଣ । ବାସ୍ତବରେ, ସମସ୍ତ ଭଲ ଚାର୍ଜରଗୁଡ଼ିକ ଉପରେ ଆଠ ଅଙ୍କ ବିଶିଷ୍ଟ କୋଡ୍ ଲେଖା ଥାଏ, ଏହି କୋଡ୍ ମାଧ୍ୟମରେ ଆପଣ ଚାର୍ଜର ସମ୍ବନ୍ଧୀୟ ସୂଚନା ପାଇପାରିବେ । ଯଦି ଏହି ଆଠ ଅଙ୍କ ବିଶିଷ୍ଟ କୋଡ୍ ଆପଣଙ୍କ ଚାର୍ଜର ପଛରେ ଲେଖାଯାଇଛି, ତେବେ ଆପଣ ଏହାକୁ BIS କେୟାର ୱେବସାଇଟରେ ଯାଞ୍ଚ କରିପାରିବେ । ୱେବସାଇଟରେ ଏହି କୋଡ୍ ପ୍ରବେଶ କରିବା ମାତ୍ରେ, ଆପଣ ଜାଣିପାରିବେ କେଉଁ ମ୍ୟାଟେରିୟାଲରେ ଏହି ଚାର୍ଜର ତିଆରି ହୋଇଛି । କେଉଁ କମ୍ପାନୀ ଏହାକୁ ତିଆରି କରିଛି ଏବଂ ଏହା କେତେ ଭଲ? ଏହା ସହିତ, ଆପଣ ଏହା ମଧ୍ୟ ଜାଣିପାରିବେ ଯେ ଏହି ଚାର୍ଜରରେ ଆପଣ କ’ଣ ଚାର୍ଜ କରିପାରିବେ ।