ବସ ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଶହ ଶହ ଯାତ୍ରୀଙ୍କ ଜୀବନ ବଞ୍ଚିଲା, ଦେଖନ୍ତୁ କଣ ଘଟିଥିଲା ଘଟଣା
ଥରେ ଭାବନ୍ତୁ ତ ଯଦି କେବେ ଆପଣଙ୍କ ସାମ୍ନାକୁ ହାତୀଟିଏ ଚାଲିଆସୁଛି । ଆଉ ଆପଣଙ୍କ ଉପରେ ଆକ୍ରମଣ କରିବା ପାଇଁ ଚେଷ୍ଟା କରୁଛି । ସେମିତି ଏକ ପରିସ୍ଥିତିରେ ଆପଣ କଣ କରିବେ । ନିଶ୍ଚିତ ଖୁବ ଜୋରସେ ଡରି ଯିବେ । ଆଉ କଣ କରିବେ କଣ ନାହିଁ ଚିନ୍ତା କରିକରି ବ୍ୟତିବ୍ୟସ୍ତ ହୋଇପଡିବେ । ଏମିତି ହିଁ ଏକ ଘଟଣା ଜଣେ ଟ୍ରକ ଡ୍ରାଇଭରଙ୍କ ସହ ଘଟିଲା । କିନ୍ତୁ ସେ ଡରି ନଥିଲେ । ବରଂ ଦୃଢତାର ସହ ସାମ୍ନା କରି ଶହ ଶହ ଯାତ୍ରୀଙ୍କ ଜୀବନ ବି ବଞ୍ଚେଇଛନ୍ତି । ପ୍ରକୃତରେ ଘଟଣାଟି ଘଟିଛି ନୀଳଗିରି ଅଞ୍ଚଳରେ । ଯେଉଁଠି ଜଣେ ବସ ଡ୍ରାଇଭର ଗାଡି ଚଲାଉଥିବା ସମୟରେ ତାଙ୍କ ସାମ୍ନାକୁ ଏକ ଦନ୍ତା ହାତୀ ଚାଲି ଆସିଥିଲା । ଖାଲି ଚାଲି ଆସିନଥିଲା ବସର କାଚକୁ ବି ଭାଙ୍ଗି ଦେଇଥିଲା । କିନ୍ତୁ ଏମିତି ଏକ କଠୋର ସ୍ଥିତିରେ ବି ଡରିନଥିଲେ ଟ୍ରକ ଡ୍ରାଇଭର ଜଣଙ୍କ । କି ଧର୍ଯ୍ୟ ବି ହରେଇ ନଥିଲେ । କ୍ଲିପରେ ଆପଣ ଦେଖିପାରିବେ ସେ କେମିତି ଖୁବ ଦ୍ରୁତ ଗତିରେ ବସକୁ ବ୍ୟାକ କରିନେଉଛନ୍ତି । ପରେ ଖୁବ ରାଗରେ ହାତୀଟି ତାଙ୍କ ଆଡକୁ ମାଡି ଆସୁଛି । ଆଉ ଗ୍ଲାସକୁ ଭାଙ୍ଗି ଦେଉଛି । ଅନ୍ୟ ମାନେ ଡରି ଯାଉଥିବା ବେଳେ ଡ୍ରାଇଭର ଜଣଙ୍କ ନିଜ ସିଟରୁ ଉଠି ଅନ୍ୟ ଯାତ୍ରୀଙ୍କ ସହ ବସର ପଛ ଆଡକୁ ଚାଲି ଯାଉଛନ୍ତି । ଖୁବ ବୁଦ୍ଧିମାନର ସହ ପରିସ୍ଥିତିକୁ ସମ୍ଭାଳି ନେଇଥିଲେ ଆଉ ଯାତ୍ରୀ ମାନଙ୍କୁ ସୁରକ୍ଷା ଦେଇଥିଲେ । ଏହି ଡ୍ରାଇଭର ଜଣଙ୍କ ଯେତେ ବି ପ୍ରଶଂସା କରାଯିବ ହୁଏତ କମ ହେବ । କହିରଖିବା ଉଚିତ ହେବକି ଏହି ଖବର ଲେଖାଯିବା ପର୍ଯ୍ୟନ୍ତ ଏହାକୁ 8 ହଜାରରୁ ଅଧିକ ଲୋକ ଦେଖିବା ସହ ୭୪୧ ଜଣ ଲାଇକ କରିସାରିଲେଣି ।
Huge respect for the driver of this Government bus in Nilgiris who kept his cool even under the terrifying hits on the bus from an agitated tusker.He helped passengers move back safely, in an incident today morning. Thats why they say a cool mind works wonders VC- by a friend pic.twitter.com/SGb3yqUWqK
— Supriya Sahu IAS (@supriyasahuias) September 25, 2021
ଭିଡିଓଟିକୁ ସୁପ୍ରିୟା ସାହୁ ନାମକ ଜଣେ ଆଇଏଏସ ଅଧିକାରୀ ସେୟାର କରିଥିବା ବେଳେ କ୍ୟାପ୍ସନରେ ଲେଖିଛନ୍ତି- ନୀଳଗିରିର ଏହି ସରକାରୀ ଡ୍ରାଇଭର ଜଣଙ୍କର ମୁଁ ସମ୍ମାନ କରୁଛି । ଏତେ ବଡ ବିପଦକୁ ଅତି ନିକଟରୁ ଦେଖିଥିଲେ ମଧ୍ୟ ସେ ଧର୍ଯ୍ୟ ହରା ହୋଇନଥିଲେ କି ଭୟବିତ ବି ହୋଇନଥିଲେ । ହାତୀ ତାଙ୍କ କାଚ ଭାଙ୍ଗି ଦେଇଥିଲେ ବି ନଡରି ଖୁବ ସାହାସିକତାର ସହିତ ପରିସ୍ଥିତିର ସାମ୍ନା କରିଥିଲେ । ତାଙ୍କ ଶାନ୍ତ ମଥା ସତରେ କମାଲ କରି ଦେଖେଇଲା ।
