ସେଲିବ୍ରିଟି ଶେଫ୍ ଗାର୍ଡନ ରାମସେ ନିଜ ନ୍ୟାଶନାଲ ଜିଓଗ୍ରାଫିକ୍ ଟିଭି ଶୋ, ‘Gordon Ramsay: Uncharted’ ପାଇଁ ଏକ ଛେଳିକୁ ଗୁଳି କରି ଲୋକଙ୍କ ଦ୍ବାରା ନିନ୍ଦିତ ହୋଇଛନ୍ତି। ଏଭଳି ‘ବିଚାରହୀନ’ ତଥା ‘କ୍ରର’ ଷ୍ଟଣ୍ଟ ପାଇଁ ତାଙ୍କୁ ସୋସିଆଲ ମିଡିଆରେ ଅନେକ ଲୋକ ସମାଲୋଚନା କରିଛନ୍ତି।
ଏହାସହ ପଢ଼ନ୍ତୁ: ବିଶ୍ବର ଏକମାତ୍ର ଗଛ, ଯିଏ ମଣିଷ ଭଳି କରୁଛି ‘ଟୁଇଟ୍’, ଦେଉଛି ମିନିଟ୍ ମିନିଟର ସୂଚନା
ନ୍ୟାଶନାଲ ଜିଓଗ୍ରାଫିକ୍ ଅନୁସାରେ, ‘Gordon Ramsay: Uncharted’ ସେହି ଶେଫଙ୍କୁ ଫଲୋ କରୁଛି, ଯିଏ ସାରା ବିଶ୍ବର ଲୋକ, ସ୍ଥାନ ଏବଂ ସ୍ବାଦକୁ ପ୍ରଦର୍ଶନ କରୁଛି। ଏହି ସଂସ୍କରଣ ପେରୁରୁ ଆରମ୍ଭ ହୋଇଥିଲା ଏବଂ ପରେ ରାମସେଙ୍କୁ ନ୍ୟୁଜିଲାଣ୍ଡର ଦକ୍ଷିଣ ଦ୍ବୀପକୁ ଅଣାଯାଇଥିଲା। ଏଠାରେ ଶେଫ୍ ‘ମାଓରୀ ବ୍ୟଞ୍ଜନ’ର ରହସ୍ୟ ଖୋଜିବା ପାଇଁ ଲକ୍ଷ୍ୟ ରଖିଥିଲେ।
ନ୍ୟୁଜିଲାଣ୍ତରେ ଶେଫ୍ ମୋନିକ୍ ଫିସୋ ଶେଫ୍ ରାମସେଙ୍କୁ ରାସ୍ତା ଦେଖାଇବା ସହ ଜଙ୍ଗଲ ମଧ୍ୟ ଦେଖାଇଥିଲେ। ଏହାପରେ ସେ ଏକ ପାହାଡ଼ି ଛେଳିକୁ ମାରିବା ପାଇଁ ପଠାଇଥିଲେ। ଏଠାରେ ରାମସେ ଛେଳିଟିକୁ ଗୁଳି କରି ହତ୍ୟା କରିଥିଲେ। ପରେ ଛେଳିକୁ ରନ୍ଧାଯାଇ ଚଟଣି ଏବଂ ସାଲାଡ୍ ସହିତ ପରଷାଯାଇଥିଲା।
In this behind-the-scenes look at next week’s episode, @GordonRamsay gives a quick overview of how to cook goat in a traditional New Zealand hāngi. Missed last night’s episode? Catch up on demand now: https://t.co/I7zkhIutC2 #Uncharted pic.twitter.com/jhUYdyWh5m
— Nat Geo Channel (@NatGeoChannel) July 22, 2019
ତେବେ ସୋସିଆଲ ମିଡିଆରେ ବହୁ ପ୍ରାଣୀପ୍ରେମୀ ଏହି ପ୍ରକାର କ୍ରରତା ଏବଂ ରାମସେଙ୍କ ଛେଳି ମାରିବା ଘଟଣାକୁ ନେଇ ସମାଲୋଚନା କରିଥିଲେ। ଜଣେ ବ୍ୟକ୍ତି କହିଥିଲେ, ‘ଏ ଜଣେ ବିଚାରହୀନ ଓ କ୍ରର ବ୍ୟକ୍ତି, ଯିଏ ନିର୍ଦ୍ଦୋଷ ପ୍ରାଣୀଙ୍କ ଡର, ଦୁଃଖ ଓ ପୀଡ଼ାର ଲାଭ ଉଠାଉଛନ୍ତି।‘ ସେହିପରି ଆଉ ଜଣେ ଲେଖିଥିଲେ, ‘ମୋତେ ଆପଣ ଏବଂ ଆପଣଙ୍କ ଶୋକୁ ଘୃଣା ଲାଗୁଛି। ଦେଖିଲି ଆପଣ ଏକ ଛେଳିକୁ ଗୁଳି କରି ଶିକାର କରୁଛନ୍ତି। ଆପଣ ସବୁଠାରୁ ଖରାପ ବ୍ୟକ୍ତି।‘
ଗତବର୍ଷ ଫେବୃଆରୀରେ ମଧ୍ୟ ରାମସେ ପ୍ରାଣୀ କଲ୍ୟାଣ ଚାରିଟି ‘ପେଟା’ର ମଜା ଉଡ଼ାଇବାରୁ ତାଙ୍କୁ ସମାଲୋଚନାର ଶିକାର ହେବାକୁ ପଡ଼ିଥିଲା। ‘ମୁଁ ପେଟାର ସଦସ୍ୟ, ସ୍ବାଦିଷ୍ଟ ପ୍ରାଣୀଙ୍କୁ ଖାଇଲା ବାଲା ଲୋକ‘, ଏହି ଟୁଇଟ୍ ରାମସେ ସେହି ସମୟରେ କରିଥିଲେ।