ଚାଣକ୍ୟଙ୍କ ୬ ଅମୂଲ୍ୟ କଥା, ଯେଉଁଠି ଲୁଚି ରହିଛି ଜୀବନର ସଫଳତାର ମନ୍ତ୍ର, ଯିଏ କାମରେ ଲଗାନ୍ତି ପାଇଥାନ୍ତି ଲକ୍ଷ୍ମୀଙ୍କ କୃପା
ଚାଣକ୍ୟଙ୍କ ଅନୁଯାୟୀ ପ୍ରତ୍ୟେକ ମନୁଷ୍ୟ ସଫଳତା ପାଇଁ ଜୀବନରେ ସଂଘର୍ଷ କରିଥାଏ । କିଛ ବ୍ୟକ୍ତିଙ୍କୁ ଏଥିରେ ସଫଳତା ମିଳିଥାଏ ତ କିଛି ବ୍ୟକ୍ତି ଏଥିରେ ଅସଫଳ ହୋଇଥାନ୍ତି । ଚାଣକ୍ୟ ନୀତି କହେ ଯେ ଅସଲ ସଫଳ ତାହା ଯିଏ ଅନ୍ୟକୁ ବି ସଫଳତା ପାଇଁ ପ୍ରେରିତ କରିଥାଏ ।
ନିୟମ ଓ ଅନୁଶାସନରେ ପ୍ରାପ୍ତ ସଫଳତା ସ୍ଥାୟୀ ହୋଇଥାଏ । ଏମିତି ଲୋକଙ୍କ ଉପରେ ମା’ ଲକ୍ଷ୍ମୀ ମଧ୍ୟ ପ୍ରସନ୍ନ ହୋଇଥାନ୍ତି । ଯେଉଁ ବ୍ୟକ୍ତି ଜୀବନରେ ସଫଳ ହେବାକୁ ଚାହାଁନ୍ତି, ସେମାନେ ଚାଣକ୍ୟଙ୍କ ଏହି କଥାକୁ ନିଜ ଜୀବନରେ ପ୍ରୟୋଗ କରନ୍ତୁ ।
ଆସନ୍ତୁ ଜାଣିବା କ’ଣ ସେହି କଥା :
୧. ଚାଣକ୍ୟ ନୀତି ଅନୁସାରେ ବ୍ୟକ୍ତିର ଜୀବନରେ ସୁନ୍ଦରତା, ଭୋଜନ ଓ ଅର୍ଥ ପାଇଁ ଚିନ୍ତା କରି କେବେ ବି ଅସନ୍ତୋଷ ହେବା ଉଚିତ ନୁହେଁ । ଯେତିକି ଆମ ପାଖରେ ଅଛି ସେଥିରେ ଖୁସି ରହିବା ଦରକାର ।
୨. ଚାଣକ୍ୟ ନୀତି ଅନୁସାରେ ଜ୍ଞାନ ବିନା ଜୀବନରେ ସଫଳତା ହାସଲ କରାଯାଇ ପାରିବ ନାହିଁ । ଜ୍ଞାନ ଏକ ଏମିତି ଜିନିଷ ଯାହା ବ୍ୟକ୍ତିର ପାଖେ ସର୍ବଦା ରହିଥାଏ ।
୩. ଚାଣକ୍ୟ ନୀତି ଅନୁସାରେ ଯେଉଁ ବ୍ୟକ୍ତି କୌଣସି ବି କାର୍ଯ୍ୟ କରିବା ପୂର୍ବରୁ ଏହାର ଭଲ ଓ ଖରାପ ପାର୍ଶ୍ୱକୁ ବିଚାର କରନ୍ତି । ସେମାନେ କେବେ ଅସୁବିଧାରେ ପଡ଼ି ନଥାନ୍ତି ।
୪. ଚାଣକ୍ୟ ନୀତି ଅନୁସାରେ ବିବାହ ପରେ ମନୁଷ୍ୟକୁ ଅନ୍ୟ ମହିଳାଙ୍କ ପ୍ରତି ଆକର୍ଷିତ ହେବା ଉଚିତ ନୁହେଁ । କାରଣ ଏହି କାରଣରୁ ପାରିବାରିକ ଜୀବନରେ ବହୁତ ଅସୁବିଧାର ସାମ୍ନା କରିବାକୁ ପଡ଼ିଥାଏ ।
୫. ଚାଣକ୍ୟ ନୀତି ଅନୁସାରେ ଏମିତି ଲୋକଙ୍କ ସହ କେବେ ବି ମିତ୍ରତା କରନ୍ତୁ ନାହିଁ, ଯିଏ ଆପଣଙ୍କ ଠାରୁ କମ ଅବା ଅଧିକ ପ୍ରତିଷ୍ଠା ରଖନ୍ତି । ଏମିତି ଲୋକଙ୍କ ଦୋସ୍ତି କେବେ ବି ଆପଣଙ୍କୁ ସୁଖ ଦେବ ନାହିଁ । ବରଂ ଏମିତି ଲୋକଙ୍କ ପାଇଁ ଆପଣଙ୍କୁ ଅପମାନ ସହିବାକୁ ପଡିପାରେ ।
୬. ଚାଣକ୍ୟ ନୀତି ଅନୁସାରେ ଅନ୍ୟର ଭୁଲରୁ ଶିଖିବା ଦରକାର । ଯଦି ନିଜ ଉପରେ ପ୍ରୟୋଗ କରି ଶିଖନ୍ତି ତ ଆୟୁଷ କମ ପଡ଼ିଯିବ । ଭୁଲରୁ ଯିଏ ଶିକ୍ଷା ପାଇଥାନ୍ତି, ସେ ଜୀବନରେ ଅନେକ ସଫଳତା ପାଇଥାନ୍ତି । ର ମନ୍ତ୍ର କାମରେ ଲଗାନ୍ତି
