ପାକିସ୍ତାନ ରୁ ଆସୁଥିବା ପଙ୍ଗପାଳ ଦଳ ଭାରତରେ ଏକ ପ୍ରକାର ଆତଙ୍କ ଖେଳେଇ ଦେଇଛନ୍ତି । ଏହି କୀଟ ରାଜସ୍ଥାନ, ମଧ୍ୟପ୍ରଦେଶ, ପଞ୍ଜାବ ସମେତ ଅନେକ ରାଜ୍ୟରେ ଯେମିତି ଏକ କୋକୁଆ ଭୟ ସୃଷ୍ଟି କରିଛନ୍ତି । କେବଳ ରାଜସ୍ଥାନରେ ହିଁ ଏହି ଦଳ ୯୦ ହଜାର ହେକ୍ଟର ଜମିର ଫସଲ ନଷ୍ଟ କରି ଦେଇଛନ୍ତି । ଏହାକୁ ନଜରରେ ରଖି ଦିଲ୍ଲୀ, ହରିୟାନା, ହିମାଚଳ ପ୍ରଦେଶ, ତେଲେଙ୍ଗାନା,ଓଡିଶା ଓ କର୍ଣାଟକ ପରି ରାଜ୍ୟ ଗୁଡିକରେ ହାଇଆଲର୍ଟ ଜାରି କରାଯାଇଛି । ଆପଣ ଜାଣି ଆଶ୍ଚର୍ଯ୍ୟ ହେବେ ଏହି ପଙ୍ଗପାଳଙ୍କ ଆକ୍ରମଣରେ ଖାଲି ଫସଲ ନଷ୍ଟ ହୁଏନି, ଏମାନେ ମଣିଷ ମାନଙ୍କ ଜୀବନ ବି ନେଇ ଯାଇପାରନ୍ତି । ହଁ ଏମିତି ହିଁ ଏକ ଘଟଣା ଆମ ପଡୋଶୀ ଦେଶ ଚୀନରେ ୬୦ ବର୍ଷ ତଳେ ଘଟିଥିଲା
ପ୍ରକୃତରେ ୧୯୫୮ ମସିହାରେ ଚୀନ ଶାସନ ଗାଦିରେ ବସିଥିବା ମାଓ ଜୋଡାଙ୍ଗ “ଫୋର ପେଷ୍ଟ କ୍ୟାମ୍ପେନ” ନାମକ ଏକ ଅଭିଯାନର ଆରମ୍ଭ କରିଥିଲେ । ଏହି ଅଭିଯାନ ଅନୁଯାୟୀ ସେ ଚାରୋଟି ଜୀବ( ମଶା, ମାଛି, ମୂଷା, ଘରଚଟିଆ) ମାନଙ୍କୁ ମାରିବା ଆଦେଶ ଦେଇଥିଲେ । ତାଙ୍କ ଅନୁଯାୟୀ ଏହି କୀଟ ତଥା ପକ୍ଷୀମାନେ ଫସଲ ନଷ୍ଟ କରିବା କାରଣରୁ ଦେଶର କୃଷକ ମାନଙ୍କୁ ନାହିଁ ନଥିବା କ୍ଷତି ସହିବାକୁ ପଡୁଛି । ଏମିତିରେ ମଶା, ମାଛି, ମୂଷା ମାନଙ୍କ ବଂଶର ବିନାଶ କରିବା ସହଜ ନୁହେଁ । ଅନ୍ୟ ପକ୍ଷରେ ଘର ଚଟିଆ ପକ୍ଷୀ ବିଶେଷ ଭାବେ ଲୋକ ମାନଙ୍କ ଗହଣରେ ହିଁ ରହିବାକୁ ଅଧିକ ପସନ୍ଦ କରିଥାନ୍ତି । ମାଓ ଜୋର୍ଡାନଙ୍କ ଆଦେଶ ଅନୁସାରେ ସେମାନଙ୍କୁ ମାରି ଦିଆଯାଇଥିଲା । ଏମିତିକି ତାଙ୍କ ବସା ଗୁଡିକୁ ମଧ୍ୟ ନଷ୍ଟ କରି ଦିଆ ଯାଇଥିଲା ।
ଯେଉଁଠି ଗୋଟେ ବି ଘରଚଟିଆ ନଜର ଆସୁଥିଲେ ସେମାନଙ୍କୁ ମାରି ଦିଆ ଯାଉଥିଲା । ସେସମୟରେ ଏହି ଆଧାରରେ ଲୋକମାନଙ୍କୁ ପୁରସ୍କାର ମଧ୍ୟ ଦିଆଯାଉଥିଲା । ଏମିତି ଲାଗି ରହିଥିବାରୁ କିଛି ମାସ ଭିତରେ ଚୀନରେ ଘର ଚଟିଆ ବଂଶ ସମ୍ପୁର୍ଣ୍ଣ ଧ୍ବଂସ ପାଇଗଲା । ଯାହାର ସିଧାସଳଖ ପ୍ରଭାବ ଚୀନ କୃଷକ ତଥା ଫସଲ ଉପରେ ପଡିଲା | ଘରଚଟିଆ ମାନେ ହିଁ ଫସଲ ନଷ୍ଟ କରୁଥିବା କୀଟ ମାନଙ୍କୁ ଖାଇ ନଷ୍ଟ କରିଥାନ୍ତି । ତାଙ୍କର ବିନାଶ କାରଣରୁ କୀଟ ମାନଙ୍କ ଦାଉରୁ ଫସଲ ରକ୍ଷା କରାଯାଇ ପାରିଲା ନାହିଁ । କିନ୍ତୁ ଏହି ବୁଦ୍ଧି ମାଓ ଜୋର୍ଡାନଙ୍କ ମୁଣ୍ଡରେ ପଶିଲା ଓ ତୁରନ୍ତ ବନ୍ଦ କରିବା ଦେଇ ନିର୍ଦ୍ଦେଶ ଦେଇଥିଲେ |କିନ୍ତୁ ସେତେ ବେଳକୁ ବହୁତ ଡେରି ହେଇ ଯାଇଥିଲା ।
ଘରଚଟିଆଙ୍କ ବଂଶ ନାଶ କାରଣରୁ ସେଠାରେ ପଙ୍ଗପାଳଙ୍କ ସଂଖ୍ୟା ବଢି ଯାଇଥିଲା | ଫଳରେ ଦେଶର ସମସ୍ତ ଫସଲ ନଷ୍ଟ ହୋଇଯାଇଥିଲା । ଫଳରେ କିଛି ଦିନ ଭିତରେ ଦେଶରେ ଅକାଳ ପଡିଥିଲା । ଖାଦ୍ୟ ନପାଇ ପ୍ରାୟ ଦେଢ଼ କୋଟି ଲୋକଙ୍କ ଜୀବନ ଯାଇଥିଲା । କୁହାଯାଏକି ଚୀନର ଏହା ହେଉଛି ସବୁଠୁ ବଡ଼ ଦୁର୍ଦ୍ଧଶା ।