କୋବ୍ରାକୁ ପାଟିରେ କାମୁଡି ଧରିଲା କୁକୁର, ୧୫ ମିନିଟ୍ ଯାଏଁ ଲାଗିଲା ଘମାଘୋଟ୍ ଲଢ଼େଇ ! ଦେଖନ୍ତୁ ଭିଡିଓ
ଫଣାକୁ ଟେକି ସାପ ଫଁ ଫଁ ହୋଇଚାଲୁଥିଲା କିନ୍ତୁ କୁକୁର ତା ମୁହଁରେ ଦବାଇ ବୁଲାଇ ଚାଲିଥିଲା ।
ଝାନ୍ସୀରେ ଏକ ଆଶ୍ଚର୍ଯ୍ୟ କରିଦେବା ଭଳି ଭିଡିଓ ସାମ୍ନାକୁ ଆସିଛି । ରାସ୍ତା ପାର୍ଶ୍ୱ ଗଛ ପାଖାପାଖି ଯାଉଥିବା ଏକ କୋବ୍ରା ସାପକୁ ଏକ କୁକୁର ମୁହଁରେ ଧରି ପକାଇଲା । ଏହାପରେ ଉଭୟଙ୍କର ଚାଲିଲା ଘମାଘୋଟ ଲଢ଼େଇ । ଫଣାକୁ ଟେକି ସାପ ଫଁ ଫଁ ହୋଇଚାଲୁଥିଲା କିନ୍ତୁ କୁକୁର ତା ମୁହଁରେ ଦବାଇ ବୁଲାଇ ଚାଲିଥିଲା ।
ତେବେ ବହୁତ ସଂଘର୍ଷ ପରେ ସାପ କୁକୁରକୁ ନିଜ ଫଣାରେ ଦାବିଦେଲା । ଯାହାପରେ କୁକୁର କୋବ୍ରାକୁ ଛାଡି ଦୌଡି ପଳାଇଲା । ପରେ କୋବ୍ରା ବି ଛାଡି ଚାଲିଗଲା । ଏହି ଘଟଣାଜନପଦ ଶାହଜହାଁପୁର ଥାନା ଅଞ୍ଚଳର ବୋଲି କୁହାଯାଉଛି । ଆଉ ଏହି ଦୃଶ୍ୟକୁ ପାଖରେ ଥିବା ଲୋକମାନେ କ୍ୟାମେରାରେ ରେକର୍ଡ କରୁଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ଭିଡିଓରେ ଦେଖିବାକୁ ମିଳୁଛି ଯେ କୁକୁର କୋବ୍ରାକୁ ଘାସ ପାଖକୁ ଯାଇ ଖୋଜୁଛି ଏବଂ ତାପରେ ଚୁପ୍ ଚୁପ୍ ନିଜ ପାଟିରେ ସାପକୁ ଜାବୁଡି ଧରି ଫୋପାଡି ଦେଉଛି । ସାପଟି ନିଜକୁ ରକ୍ଷା କରିବାକୁ ବହୁତ ଚେଷ୍ଟା କରୁଛି କିନ୍ତୁ କୁକୁର ତାକୁ ଯେମିତି ଛାଡିବାକୁ ନାରାଜ୍ । ସାପକୁ ମୁହଁରେ କାମୁଡି କୁକୁରଟି ଦୌଡିବାକୁ ଲାଗୁଥିଲା, କିନ୍ତୁ ଏହି ସମୟରେ କୁକୁରକୁ ସାପ କାମୁଡିଦେଲା । ଯାହା ପରର ଚିତ୍ର ଆପଣଙ୍କ ସାମ୍ନାରେ ।
सड़क किनारे झाड़ियों में जा रहे एक कोबरा सांप को कुत्ते ने मुंह से पकड़ लिया. इसके बाद दोनों के बीच करीब 15 मिनट तक खूब लड़ाई हुई. pic.twitter.com/1hKvHGVLxt
— Chaturesh Tiwari (@ChatureshMedia) April 1, 2024