ଘରପୋଡ଼ିରେ ଜଳିଗଲା ସବୁକିଛି, ଝିଅ ବାହାଘର କରିବୁ କେମିତି ?

ଘର ସବୁ ହୁତ ହୁତ ହୋଇ ଜଳୁ ଥାଏ l କିଏ ବାଲିଟି ରେ ପାଣି ତ କିଏ ପୁଣି ଦୌଡ଼ିଲା ଦମକଳ ଡାକିବାକୁ l ଘରକୁ ଘର ଏମିତି ଲାଗି ଲାଗି ରହିଛି ଯେ ଜଣେ ଗଲେ ଆଉ ଜଣେ ଯିବା ଅସମ୍ଭବ l ଏହି ଭଳି ସ୍ଥାନରେ ନିଆ ଲାଗିଲେ ଭରି ଅଡୁଆ l ହେଲେ ଲାଗିଲା ନିଆ ଆଉ ନିଆ ଲିଭାଇବାକୁ ଦମକଳ ଯିବା ମଧ୍ୟ କଷ୍ଟ ସାଧ୍ୟ । ଏଭଳି ଅବସ୍ଥାରେ ଲୋକମାନେ ଡହଳ ବିକଳ ହେଉଥାନ୍ତି । କାଳେ ପାଖ ଘରକୁ ନିଆଁ ବ୍ୟାପିଯିବ l ଧାଁ ଦୌଡ ହୋଇ ନିଆ ଲିଭାଇବାକୁ ଯେତେ ଚେଷ୍ଟା କଲେ ମଧ୍ୟ ସମ୍ଭବ ହେଲା ନାହିଁ l

ଶେଷରେ ସର୍ବଗିଳା ନିଆଁ ଗିଳି ସାରିଥିଲା ପାଖାପାଖି ସାତ ଆଠ ବଖରା ଘର l ନିଆର ଆଁରେ ଜଳି ପୋଡି ଛାରଖାର ହେଲା ପରେ ସେ ପୋଡ଼ା ଘର ଭିତରୁ ଦେଖିବାକୁ ମିଳିଥିଲା ଅତ୍ୟନ୍ତ ଦୁଃଖଦ ଓ ହୃଦୟ ବିଦାରକ ଦୃଶ୍ୟ । କାନ୍ଦ କାନ୍ଦି କାନ୍ଦି ଅଥୟ ହେଉଥାନ୍ତି ଜଣେ ମହିଳା । ତାଙ୍କୁ ବୁଝାଉ ଥାନ୍ତି ଆଉ କିଛି ସ୍ତ୍ରୀ ଲୋକ । ଜିନିଷପତ୍ର ସବୁ ପୋଡି ଯାଇଥିବା ପାଉଁଶ ହୋଇ ଯାଇଥିଲା ଆଉ ତା ଭିତରୁ କିଛି ଖୋଜୁଥାନ୍ତି l ଘଟଣା ଭାରି ମର୍ମାହତ କଲା ଭଳି । କାରଣ ଭଉଣୀ ବାହାଘର ପାଇଁ ରଖିଥିବା ସୁନା ଗହଣା ସବୁ ଏଇ ନିଆଁରେ ପୋଡ଼ି ଯାଇଛି । ଅନେକ ଦିନରୁ କଷ୍ଟ ଅର୍ଜିତ ସମ୍ପତ୍ତି ସବୁ ଯାହା ରଖିଥିଲେ ପୋଡି ପାଉଁଶ ହୋଇ ଯାଇଥିଲା l

ଆଉ କିଛି ଟଙ୍କା ମଧ୍ୟ ଥିଲା ଯାହା ଦୃଶ୍ୟ ଆପଣ ମାନଙ୍କ ଆଗରେ l ମହିଳା ଜଣଙ୍କ ବେଳେ ବେଳେ କାନ୍ଦି କାନ୍ଦି ପାଗଳୀ ଭଳି ଭଙ୍ଗା ସିମେଣ୍ଟ କାନ୍ଥ ଖଣ୍ଡକରେ ମୁଣ୍ଡକୁ ବାଡେଇ ପକାଉ ଥାନ୍ତି l ଆଉ ଜଣେ ମହିଳା ସେମତି ବସି କାନ୍ଦୁ ଥାନ୍ତି ମୁଣ୍ଡ ଛାତି ବାଡେଇ ପକାଉ ଥାନ୍ତି l କଥାରେ ପରା ଅଛି ଗରପୋଡ଼ି ଠାରୁ ବିପଦ ନାହିଁ । ଠିକ୍‌ ସେଇଆ ଘଟିଛି ଏମାନଙ୍କ କ୍ଷେତ୍ରରେ । କିଏ ଦରପୋଡା ଲୁଗା ପଟା ଲୁଗା ବ୍ଲାଉଜ କୁ ସାଉଁଟି ପକାଉ ଥାଏ l ଆଉ କିଏ ପୁଣି ନିଆଁରୁ ବଂଚିଥିବା ଯାଇଥିବା ରୁପା ଜିନିଷକୁ ଧରି କାନ୍ଦି କାନ୍ଦି କହୁଥାଏ, ଆଉ ନାହିଁ ବାବୁ ସବୁ ଏନିଆଁ ଗିଳି ଦେଲା l ଆମ କଷ୍ଟର ଧନ ସମ୍ପତ୍ତି ସବୁ ପୋଡି ଭସ୍ମ ହୋଇ ଗଲା l ହେଲେ ତାଙ୍କରି କଥା ସତ ଥିଲା । କାରଣ ନିଆଁ ଘରର କୌଣସି ଜିନିଷକୁ ଛାଡ଼ି ନଥିଲା । ଯେଉଁଭଳି ଜାଗାରେ ଘର କରି ରହିଛନ୍ତି ଏହି ଦିନ ମଜୁରିଆ ବସ୍ତି ବାସିନ୍ଦା ସେଠି ନିଆଁ ଟିକେ ଲାଗିଲେ ଲିଭାଇବା ଭାରି କଷ୍ଟ । ଦମକଳକୁ ମଧ୍ୟ ନାକେ ଦମ ହେବାକୁ ପଡୁଛି ।

ତେବେ ଏମାନଙ୍କ ଏ ଦୁଃଖ ଦୁର୍ଦ୍ଦଶା ସମୟରେ କିଏ ସହାୟତାର ହାତ ବଢାଇବ ତାକୁ ହିଁ ଦେଖିବାକୁ ଅପେକ୍ଷା l ହେଲେ କିଏ ଚଳିବା ପାଇଁ ସିନା କିଛି ଟଙ୍କା ସହାୟତା ଦେବ ? ଭଉଣୀ ବାହାଘର ପାଇଁ ସୁନା ରୁପା ତ ଦେବ ନାହିଁ ? ସତରେ ଠିକ୍‌ କୁହାଯାଇଛି ପରା ଘରପୋଡ଼ି ବିପଦ ସବୁଠୁ ବଡ଼ ବିପତ୍ତି ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।