କର୍ଣ୍ଣାଟକ ରାଜ୍ୟର ବାନ୍ଦିପୁର ଟାଇଗର ରିଜର୍ଭର ମୋଲେୟୁର ରେଞ୍ଜ ଅଧିନସ୍ଥ ଏକ ସ୍ଥାନରେ ସର ସର ମାଟି କାଦୁଅରେ ଫସି ରହିଥିବା ଏକ ହାତୀର ଜୀବନ ବଞ୍ଚାଯାଇଛି । ଏହି ପୁରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓଟିକୁ ଯଦି ଆପଣ ଭଲରୂପେ ଦେଖିବେ ଜାଣିପାରିବେ ଏକ ମାଈ ହାତୀ ସର ସର ମାଟି କାଦୁଅରେ ଫସି ରହିଛି । ଆଉ ଜୀବନ ପ୍ରମାଣେ ଏଠାରୁ ବାହାରିବା ପାଇଁ ଚେଷ୍ଟା ଚଳାଇଛି । କିନ୍ତୁ ଯେତେ ଚେଷ୍ଟା କଲେ ବି ବାହାରି ପାରୁନାହିଁ । ଏହି ଘଟଣା ଫରେଷ୍ଟ ଅଧିକାରୀଙ୍କ ନଜରରେ ପଡ଼ନ୍ତେ ସେମାନେ ଏକ ଜେସିବି ସାହାଯ୍ୟରେ ହାତୀଟିକୁ ବାହାରକୁ ବାହାର କରି ତାକୁ ମାରନା ମୁହଁରୁ ଛଡ଼ାଇ ଆଣିଛନ୍ତି ।
One female elephant, stuck in the fresh mud puddle in Moleyur range of Bandipur Tiger Reserve, rescued successfully.@ntca_india @ArvindLBJP @aranya_kfd @kudremukh_wild @brt_tiger @DharwadForest @nagaraholetr @moefcc pic.twitter.com/U4ZTvFzd1D
— Bandipur Tiger Reserve (@Bandipur_TR) May 16, 2021
ଆଉ ଥରେ ଭଲ ଭାବରେ ଭିଡିଓଟିକୁ ଦେଖନ୍ତୁ । ଆପଣ ମାନେ ଦେଖିପାରୁଥିବେ ହାତୀଟି କେମିତି କାଦୁଅରେ ଫସି ଯାଇଛି । ଆଉ କେମିତି ବାହାରିବ ସେନେଇ ଗୋଡ ହାତ ବାଡ଼େଇ ଚେଷ୍ଟା ଚଳାଇଛି । କିନ୍ତୁ ତଥାପି ପାରୁନି । ବୋଧହୁଏ ଚିକ୍କଣ ମାଟି ହୋଇଥିବାରୁ ତାକୁ ଉଠିବାକୁ କଷ୍ଟ ହେଉଛି । କିନ୍ତୁ ଅଧିକାରୀ ମାନେ ଜେସିବି ସାହାଯ୍ୟରେ ଧକ୍କା ଦେଇ ତାକୁ ବାହାର କରିଛନ୍ତି ।
ଭିଡିଓଟିକୁ ରବିବାର ଦିନ ଟ୍ୱିଟର ଯୋଗେ “ବାନ୍ଦିପୁର ଟାଇଗର ରିଜର୍ବ” ତରଫରୁ ସେୟାର କରାଯାଇଛି । ଆଉ ଏହାର କ୍ୟାପ୍ସନରେ ଲେଖିଛନ୍ତି, “ବାନ୍ଦିପୁର ଟାଇଗର ରିଜର୍ଭରେ ଫସି ରହିଥିବା ହାଥୀଟିକୁ ସଫଳତାର ସହ ଉଦ୍ଧାର କରାଯାଇଛି” । ଆଉ ସେୟାର ହେବା ମାତ୍ରେ ହିଁ ଖୁବ ଦ୍ରୁତ ଗତିରେ ଭିଡିଓଟି ଭାଇରାଲ ମଧ୍ୟ ହେଉଛି । ଏହା ସହ ଫରେଷ୍ଟ ଅଧିକାରୀଙ୍କ ଏମିତି ଏକ ପ୍ରଶଂସନୀୟ କାମକୁ ଲୋକେ ବି ଖୁବ ପସନ୍ଦ କରିଛନ୍ତି ।