ଇକୋ ଟୁରିଜିମରେ ସାମିଲ ହେଲା ହରିହରଯୋର ଡ୍ୟାମ୍, ଜମୁଛି ପର୍ଯ୍ୟଟକଙ୍କ ଭିଡ
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ହରିହରଯୋର ଠେଙ୍ଗୋ ଡ୍ୟାମର । ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ଗୁରୁବାର ଠାରୁ ଜିଲ୍ଲାରେ ପ୍ରଥମ ଥର ପାଇଁ ଏଠାରେ ଆରମ୍ଭ ହୋଇଛି ନୌବିହାର ବ୍ୟବସ୍ଥା । ଆଉ ଏହି ବ୍ୟବସ୍ଥାର ଶୁଭାରମ୍ଭ ହେବାପରେ ଏବେ ପର୍ଯ୍ୟଟକମାନେ ହରିହରଯୋର ଡ୍ୟାମର ନୀଳ ଜଳରାଶିରେ ନୌବିହାରର ମଜାନେଉଛନ୍ତି ।
ସୁବର୍ଣ୍ଣପୁର(କେନ୍ୟୁଜ): ଦେହରେ ଲାଇଫ ଜାକେଟ ଲଗାଇ ପୁରୁଷ ଓ ମହିଳା ବସିଛନ୍ତି ମୋଟର ବୋଟରେ । ଆଉ ମୋଟର ବୋଟ ଷ୍ଟାର୍ଟ ହୋଇ ଆଗକୁ ଗଲା ପରେ ନେଉଛନ୍ତି ଅପରୁପ ଜଳରାଶି ର ମଜା। ସୁନ୍ଦର ପରିବେଶ ସାଙ୍ଗକୁ ପୁଣି ନୌବିହାରର ମଜାନେବାକୁ ଲାଗିଛି ଲୋକଙ୍କ ଗହଳି । ଏ ହେଉଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ହରିହରଯୋର ଠେଙ୍ଗୋ ଡ୍ୟାମର । ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ଗୁରୁବାର ଠାରୁ ଜିଲ୍ଲାରେ ପ୍ରଥମ ଥର ପାଇଁ ଏଠାରେ ଆରମ୍ଭ ହୋଇଛି ନୌବିହାର ବ୍ୟବସ୍ଥା । ଆଉ ଏହି ବ୍ୟବସ୍ଥାର ଶୁଭାରମ୍ଭ ହେବାପରେ ଏବେ ପର୍ଯ୍ୟଟକମାନେ ହରିହରଯୋର ଡ୍ୟାମର ନୀଳ ଜଳରାଶିରେ ନୌବିହାରର ମଜାନେଉଛନ୍ତି ।
ସୁବର୍ଣ୍ଣପୁର ଜିଲ୍ଲାର ମେଟାକାନୀ ପୀଠ,ପାତାଳୀ ଶ୍ରୀକ୍ଷେତ୍ର ଏବଂ ହରିହରଯୋର ଡେମ ଏକ ପର୍ଯ୍ୟଟନ କରିଡର ହୋଇଥିବାରୁ ବର୍ଷ ତମାମ ଏଠାକୁ ପର୍ଯ୍ୟଟକମାନେ ଆସୁଛନ୍ତି । ତେବେ ହରିହରଯୋର ଡେମରେ ପର୍ଯ୍ୟଟକଙ୍କ ପାଇଁ ସେଭଳି କିଛି ବ୍ୟବସ୍ଥା ନଥିଲା । ଏଣୁ ଏହି ସ୍ଥାନକୁ ଇକୋ ଟୁରିଜିମରେ ସାମିଲ କରିବା ସହ ବନ ବିଭାଗର ଉଦ୍ୟମରେ ଏଠାରେ ପ୍ରଥମ ଥରପାଇଁ ମୋଟର ବୋଟର ଶୁଭାରମ୍ଭ କରାଯାଇଛି । କେବଳ ମୋଟର ବୋଟ ନୁହେଁ ଏହା ସହ ଅନ୍ୟାନ୍ୟ ଆନୁସାଙ୍ଗିକ ବ୍ୟବସ୍ଥା କରାଗଲେ ଏହି ସ୍ଥାନରେ ପର୍ଯ୍ୟଟକଙ୍କ ଭିଡ ଜମିବବୋଲି ସ୍ଥାନୀୟ ଲୋକେ କହିଛନ୍ତି । ସେପଟେ ଏହି ପ୍ରକଳ୍ପର ଶୁଭାରମ୍ଭ ହେବା ଫଳରେ ପର୍ଯ୍ୟଟକଙ୍କୁ ଏବେ ଏହା ବେଶ ଆକୃଷ୍ଟ କରିବବୋଲି ଉଭୟ ଜିଲ୍ଲାପାଳ ଏବଂ ଡିଏଫଓ କହିଛନ୍ତି ।
ତେବେ ସୁବର୍ଣ୍ଣପୁର ଜିଲ୍ଲା ମଠ,ମନ୍ଦିର ଓ ପର୍ଯ୍ୟଟନ ବିଭବରେ ଏକ ଭରପୁର ଜିଲ୍ଲା । ଜିଲ୍ଲାର କୋଣ ଅନୁକୋଣରେ ରହିଛି ଅନେକ ପର୍ଯ୍ୟଟନସ୍ଥଳୀ । ବିଶେଷକରି ଜିଲ୍ଲାର ମେଟାକାନୀ ପୀଠ,ପାତାଳୀ ଶ୍ରୀକ୍ଷେତ୍ର ଏବଂ ହରିହରଯୋର ଡେମକୁ ବର୍ଷ ତମାମ ଛୁଟେ ପର୍ଯ୍ୟଟକଙ୍କ ସୁଅ । ଏଣୁ ଏବେ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ଆରମ୍ଭ ହୋଇଛି ପ୍ରୟାସ। ଜିଲ୍ଲାରେ ପ୍ରଥମ ଥର ପାଇଁ ହରିହରଯୋର ଠେଙ୍ଗୋ ଡ୍ୟାମ ପର୍ଯ୍ୟଟକଙ୍କ ପାଇଁ ନୌବିହାର ସହ ମୋଟର ବୋଟ ଶୁଭାରମ୍ଭ ଯାହାକୁ ନେଇ ବେଶ ଖୁସି ପର୍ଯ୍ୟଟକ।
