ଶରୀରରେ ହେବନି ଅକ୍ସିଜେନର ଅଭାବ, ଖାଦ୍ୟରେ ସାମିଲ୍ କରନ୍ତୁ ଏହି ଖାଦ୍ୟ
କରୋନା ସଂକ୍ରମଣରେ ସବୁଠୁ ବଡ଼ ଅସୁବିଧା ହେଉଛି ରକ୍ତରେ ଅକ୍ସିଜେନ୍ର ଅଭାବ । ଏହା ଯୋଗୁ ରୋଗୀଙ୍କ ପ୍ରାଣହାନୀ ଘଟିବାର ଆଶଙ୍କା ସୃଷ୍ଟି ହୁଏ । କରୋନା ସଂକ୍ରମିତଙ୍କ ଅକ୍ସିଜେନ ମାତ୍ରା ୯୪ ରୁ କମିଲେ ରୋଗୀ ପାଇଁ ବିପଦ ବଢ଼ିଥାଏ । ଫଳରେ ରୋଗୀର ଅକ୍ସିଜେନ୍ ଆବଶ୍ୟକ ପଡ଼ିଥାଏ । ତେବେ ଶରୀରରେ ଅକ୍ସିଜେନ୍ ମାତ୍ରା ଆବଶ୍ୟକ ମାତ୍ରାରେ ରଖିବାକୁ କେତେକ ଖାଦ୍ୟ ସହାୟକ ହୋଇପାରେ ବୋଲି କୁହାଯାଇଛି ।
ଗବେଷକଙ୍କ ମତରେ ଏଥିପାଇଁ ସବୁଠୁ ଭଲ ଉପାୟ ହେଉଛି ନାଶପାତି, ପାଇନ ଆପଲ୍ ଓ କିସ୍ମିସ୍ ଭଳି ଆଲ୍କାଲାଇନ୍ ଫ୍ରୁଟ୍ସ ଖାଦ୍ୟ ରେ ସାମିଲ କରିବା । ରକ୍ତରେ ଅକ୍ସିଜେନ୍ କମ୍ ନହେବା ପାଇଁ ଭୋଜନରେ ୮୦ ପ୍ରତିଶତ ଆଲ୍କାଲାଇନ୍ ଫୁଡ୍ସ ସାମିଲ୍ କରିବା ଦରକାର । ଆଜି ଆପଣଙ୍କୁ ଏମିତି କିଛି ଖାଦ୍ୟ ସମ୍ପର୍କରେ କହିବୁ ଯାହା ଆପଣଙ୍କ ରକ୍ତରେ ଅକ୍ସିଜେନ କମ୍ ହେବାକୁ ଦେବନାହିଁ ।
ଲେମ୍ବୁ :
ଲେମ୍ବୁ ରସ ଶରୀରରେ ପହଞ୍ଚି ଆଲ୍କାଲାଇନ୍ରେ ପରିବର୍ତ୍ତନ ହୋଇଯାଏ । ଯାହା କି ରକ୍ତରେ ଅକ୍ସିଜେନ୍ କମ୍ ହେବାକୁ ଦିଏନାହିଁ । ଏହା ଦ୍ୱାରା ଆପଣ ସର୍ଦି, କାଶ, ଫ୍ଲୁ ଓ ହାର୍ଟ ବର୍ଣ୍ଣ ଭଳି ସମସ୍ୟାରୁ ମୁକ୍ତ ରହିପାରିବେ । ତେଣୁ ଦୈନିକ ଲେମ୍ବୁ ପାଣି ସେବନ କରନ୍ତୁ ।
ତରଭୁଜ :
ଲାଇକୋପିନ, ବିଟା କେରୋଟିନ୍ ଏବଂ ଭିଟାମିନ୍ ସି ରେ ଭରପୁର ତରଭୁଜ ଶରୀରରେ ପିଏଚ୍ ଲେବଲ୍ ବଢ଼ାଇବା ସହ ଅକ୍ସିଜେନ ମାତ୍ରା ବି ବୃଦ୍ଧି କରିଥାଏ ।
ଆମ୍ବ ଓ ଅମୃତଭଣ୍ଡା :
ଆମ୍ବ ଓ ଅମୃତଭଣ୍ଡା କୀଡନି ଓ ଲିଭର ଓ ପାକସ୍ଥଳି ସଫା କରିବାରେ ବେଶ୍ କାମ ଦେଇଥାଏ । ଏହାର ପିଏଚ୍ ମାତ୍ରା ୮.୫ ହୋଇଥିବାରୁ ଏହା ରକ୍ତରେ ଅକ୍ସିଜେନ୍ କମ୍ ହେବାକୁ ଦେଇନଥାଏ ।
ଫ୍ରୁଟ୍ସ ଜୁସ୍ ଓ କୋବି :
ଫ୍ଲେବନାଇଡ୍ ସେ ଭରପୁର କୋବି ଓ ଫ୍ରୁଟ୍ସ ଜୁସ୍ ର ସେବନରେ ରକ୍ତରେ ଅକ୍ସିଜେନ୍ ସ୍ତର ବଢ଼ାଇଥାଏ । ଏହାର ଆଲ୍କାଲାଇନ ଗୁଣ ଶରୀରରେ ଶକ୍ତି ବି ଦେଇଥାଏ ।
ଶିମ୍ଲା ମିର୍ଚ :
ଶିମ୍ଲା ମିର୍ଚ ର ପିଏଚ୍ ମାତ୍ରା ୮.୫ ହୋଇଥିବା ସହ ଏଥିରେ ଭିଟାମିନ୍ ଏ ଭରପୁର ହୋଇଥାଏ । ଯାହା କି ରକ୍ତରେ ଅକ୍ସିଜେନ୍ ମାତ୍ରା ବଢ଼ାଇବାରେ ସାହାଯ୍ୟ କରିଥାଏ । ଏହାଛଡ଼ା ଏହା ଶରୀରରେ ଫ୍ରି ରେଡିକିଲ୍ ଠାରୁ ଲଢ଼ିବାରେ ମଧ୍ୟ ସାହାଯ୍ୟ କରିଥାଏ ।
ଗାଜର ଓ ଖଜୁରୀ :
ଡାକ୍ତର ଖଜୁରୀ କୋଳି, ଭିଜା କିସ୍ମିସ୍, ଜାମୁ କୋଳି, କଦଳୀ, ରସୁଣ ଓ ଜୁଆଣି ଖାଇବାକୁ ପରାମର୍ଶ ଦେଉଛନ୍ତି । ଏହା ଅକ୍ସିଜେନ ମାତ୍ରା କମ୍ ହେବାକୁ ନ ଦେବା ସହ ବ୍ଲଡ୍ ପ୍ରେସର ମଧ୍ୟ କଣ୍ଟ୍ରୋଲ କରିଥାଏ ।