ଉତ୍ତରପ୍ରଦେଶ ଲଖନଉର ଛାଵନୀ ଠାରେ ପ୍ରତିରକ୍ଷା ମନ୍ତ୍ରାଳୟ ବିଭାଗ ଦ୍ୱାରା ୪.୮୮ ଏକର ସ୍ଥାନ ନିର୍ମିତ ହୋଇଥିବା ଏକ ବଙ୍ଗଳା ଭାରତୀୟ ସେନାକୁ ପାଖାପାଖି ୧୪୪ ବର୍ଷ ପରେ ପୁଣି ଥରେ ମିଳିଛି । କହିରଖିବା ଉଚିତ ହେବକି ଏହି ବଙ୍ଗଳା ଟିକୁ ଉନବିଂଶ ଶତାବ୍ଦୀରେ ବ୍ରିଟିଶ ପ୍ରବନ୍ଧନ ବ୍ୟାଙ୍କ ନିକଟରେ ବନ୍ଧା ରଖାଯାଇଥିଲା । ବିଭିନ୍ନ ତଥ୍ୟରୁ ଜଣାଯାଇଛିକି ବର୍ତ୍ତମାନ ସମୟରେ ପରିତ୍ୟକ୍ତ ଅବସ୍ଥାରେ ଥିବା ଏହି ପୁରାତନ ବଙ୍ଗଳାଟିକୁ ୧୮୩୬ ମସିହାର ଏକ ଆକ୍ଟ ଅନୁଯାୟୀ ଏହାକୁ ୧୮୭୬ ରେ କୋୟଲସ ଚନ୍ଦ୍ର ମୁଖାର୍ଜୀଙ୍କୁ ହସ୍ତାନ୍ତରଣ କରାଯାଇଥିଲା । କିନ୍ତୁ ଏହାର ଠିକ ବର୍ଷକ ପରେ ଅର୍ଥାତ ୧୮୭୭ ମସିହା ଜୁନ ମାସରେ କୋୟଲସ ଏହାକୁ ଦ ଦେଲ୍ହୀ ଆଣ୍ଡ ଲଣ୍ଡନ ନାମକ ଏକ ବ୍ୟାଙ୍କ ପାଖରେ ବନ୍ଧକ ରଖି ମୋଟା ଆକାରର ଲୋନ ନେଇଥିଲେ ।
ଚାର ନେହେରୁ ରୋଡ ନିକଟସ୍ଥ ମଧ୍ୟ କମାନ ମୁଖ୍ୟାଳୟର ଠିକ ନିକଟରେ ହିଁ ଅବସ୍ଥିତ ଏହି ବଙ୍ଗଳା । ଲୋନ ବାବଦ ଅର୍ଥ ସମୟାନୁସାରେ ନ ଫେରେଇବାରୁ ବ୍ୟାଙ୍କ ତରଫରୁ ୧୮୭୭ ରେ ରିକଭରୀ ନୋଟିସ ଜାରି କରାଯାଇଥିଲା । ଏହା ସହ କୋର୍ଟରେ ଏକ ମାନହାନି ମୋକଦ୍ଧମା ମଧ୍ୟ ଦାୟର କରାଯାଇଥିଲା । କୋର୍ଟ ବ୍ୟାଙ୍କ ପକ୍ଷରେ ନିର୍ଣ୍ଣୟ ନେଇ ବଙ୍ଗଳା ନିଲାମୀ ନେଇ ନୋଟିସ ଜାରି କରିଥିଲେ । ଏହା ପରେ ୧୮୭୮ ଜାନୁଆରୀ ୧୦ ତାରିଖରେ ବ୍ୟାଙ୍କ ବଙ୍ଗଳାଟିକୁ ସମ୍ପୂର୍ଣ୍ଣ ରୂପେ କିଣି ନେଇଥିଲେ । ଏହି ଘଟଣାର ୧୯ ବର୍ଷ ପରେ ୧୮୯୭ ମାର୍ଚ୍ଚ ମାସ ୧୫ରେ ବଙ୍ଗଳା ମୁନ୍ସୀ ପ୍ରାଗ ନାରାୟଣ ଭର୍ଗବ ନାମକ ଜଣେ ବ୍ୟକ୍ତି ଏହାକୁ ବ୍ୟାଙ୍କ ଠାରୁ କିଣି ନେଇଥିଲେ ।
ଏହା ପରେ ଦୀର୍ଘ ୭୧ ବର୍ଷ ପର୍ଯ୍ୟନ୍ତ ଏହି ବଙ୍ଗଳା ଉପରେ କୌଣସି ପ୍ରକାର ଆଖିଦୃଶିଆ ପଦକ୍ଷେପ ନିଆଯାଇନଥିଲା । କିନ୍ତୁ ୧୯୬୮ରେ ପ୍ରଥମ ଥର ପାଇଁ ରକ୍ଷା ମନ୍ତ୍ରାଳୟ ଉକ୍ତ ବଙ୍ଗଳା ଟିକୁ ନିଜ ଅଧିକାରକୁ ନେବାକୁ ନୋଟିସ ଜାରି କରିଥିଲେ । ୧୯୬୯ ଆରମ୍ଭରେ ଏହି ମାମଲା ଉଚ୍ଚ ନ୍ୟାୟାଳୟ ଅଧୀନକୁ ଯାଇଥିଲା । କିନ୍ତୁ ପର ବର୍ଷ ଅର୍ଥାତ ୧୯୭୦ ଏହା ଉପରେ କୋର୍ଟ ସ୍ଥଗିତାଦେଶ ଜାରି କରିଥିଲେ । ୨୦୨୦ ନଭେମ୍ବର ୨୭
ରେ ଏହି ବଙ୍ଗଳାଟିକୁ ହସ୍ତାନ୍ତରଣ ନେଇ ନୋଟିସ ଜାରି କରିଥିଲେ । ଶେଷରେ ଦୀର୍ଘ ସମୟର ବ୍ୟବଧାନ ପରେ ବଙ୍ଗଳାଟି ସେନା ଅଧୀନକୁ ଯାଇଛି ।