ମଦ୍ୟପ ସ୍ୱାମୀଙ୍କୁ ଥାନାରୁ ଉଦ୍ଧାର କରିବା ପାଇଁ ନିଜକୁ ମା’ ଦୁର୍ଗା ବୋଲି କହି ଏପରି କଲେ ମହିଳା …
ବିହାରର ଜାମୁଇ ଜିଲ୍ଲାରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ମଦ୍ୟପ ସ୍ୱାମୀକୁ ଉଦ୍ଧାର କରିବା ପାଇଁ ପୋଲିସ ଷ୍ଟେସନରେ ମହିଳା ପହଞ୍ଚି ନିଜକୁ ଦୁର୍ଗା ବୋଲି କହିବା ଆରମ୍ଭ କରିଥିଲେ। ଏହାକୁ ନେଇ ପୋଲିସ ଷ୍ଟେସନରେ ଏକ ଅଜବ ପରିସ୍ଥିତି ସୃଷ୍ଟି ହୋଇଥିଲା। ଏହା ଦେଖା ଯାଇଥିଲା ପୋଲିସ ଷ୍ଟେସନରେ ପହଞ୍ଚି ଥିବା ମହିଳାଙ୍କ ଗୋଟିଏ ହାତରେ ଚାଉଳ ଏବଂ ଅନ୍ୟ ହାତରେ ଏକ ସ୍ୱତନ୍ତ୍ର ପ୍ରକାରର ବାଡ଼ି ଥିଲା। ମହିଳା ଜଣକ ପୋଲିସ ଷ୍ଟେସନରେ ଅନେକ ନାଟକ କରିଥିଲେ। ଯେତେବେଳେ ପୋଲିସ୍ ସେମାନଙ୍କୁ ହଜାତରେ ବନ୍ଦ କରିବାକୁ କହିଥିଲେ, ସେତେବେଳେ ସେମାନେ ଡ୍ରାମା ବନ୍ଦ କରିଦେଲେ। ଏହି ଘଟଣାକୁ ନେଇ ସମଗ୍ର ଅଞ୍ଚଳରେ ଆଲୋଚନା ହେଉଛି।
ସୂଚନାନୁସାରେ, ଜଣେ ମହିଳା ନିଜକୁ ମା ଦୁର୍ଗା ବୋଲି ଦାବି କରି ମଦ୍ୟପ ସ୍ୱାମୀଙ୍କୁ ଉଦ୍ଧାର କରିବା ପାଇଁ ଜମୁଇ ଜିଲ୍ଲାର ସିକନ୍ଦ୍ରର ପୋଲିସ ଷ୍ଟେସନରେ ପହଞ୍ଚିଥିଲେ। ମହିଳା ଜଣକ ଗୋଟିଏ ହାତରେ ଚାଉଳ ଏବଂ ଅନ୍ୟ ହାତରେ ଏକ ବିଶେଷ ପ୍ରକାରର ବାଡ଼ି ଧରିଥିଲେ। ଏହା ପରେ ମହିଳା ଜଣକ ପୋଲିସ ଷ୍ଟେସନ ଭିତରେ ଡ୍ରାମା କରିବା ଆରମ୍ଭ କରିଥିଲେ। ସେଠାରେ ଉପସ୍ଥିତ ଥିବା ପୋଲିସ ମାନଙ୍କ ଉପରେ ଚାଉଳ ଛିଞ୍ଚି ଡ୍ରାମା ଆରମ୍ଭ କରିଥିଲେ । ଏହା ସହିତ ମହିଳା ଜଣକ ପୋଲିସକୁ ତୁରନ୍ତ ସ୍ୱାମୀଙ୍କୁ ଛାଡିବାକୁ କହିଥିଲେ। ମହିଳାଙ୍କର ଏପରି କାର୍ଯ୍ୟ ଦେଖି ପୋଲିସ ଷ୍ଟେସନରେ ଉପସ୍ଥିତ ଥିବା ପୋଲିସ ମହିଳାଙ୍କୁ ବନ୍ଦୀ କରି ରଖିବା ବିଷୟରେ କଥାବାର୍ତ୍ତା କରିବାରୁ ମହିଳା ଜଣଙ୍କ ଅତି ଚଲାକରେ ସଙ୍ଗେ ସଙ୍ଗେ ଡ୍ରାମା ବନ୍ଦ କରିଦେଲେ। ପରେ ପୋଲିସ ତାଙ୍କୁ ବୁଝା ସୁଝା କରିବା ପରେମହିଳା ଜଣକ ସେଠାରୁ ନିଜ ଘରକୁ ଫେରିଥିଲେ।
ଖବର ଅନୁଯାୟୀ ସିକନ୍ଦର ପୋଲିସ ଷ୍ଟେସନ ଅଞ୍ଚଳର ପଞ୍ଚମହୁଆ ମୁଶହରୀରେ ପୋଲିସ କାର୍ତ୍ତିକ ମାଝୀ ନାମକ ଜଣେ ମଦ୍ୟପାନ କରିଥିବା ବ୍ୟକ୍ତିଙ୍କୁ ଗିରଫ କରିଥିଲା । ଯୁବକ ଜଣଙ୍କୁ ଉଦ୍ଧାର କରିବା ପାଇଁ ତାଙ୍କ ପତ୍ନୀ ସଂଜୁ ନିଜକୁ ଦେବୀ ଦୁର୍ଗା ବୋଲି ଦର୍ଶାଇ ହାତରେ ଏକ ବାଡ଼ି ଧରି ପୋଲିସ ଷ୍ଟେସନରେ ପହଁଞ୍ଚିଥିଲେ ।ସେ ପୋଲିସ ଷ୍ଟେସନ ପରିସରକୁ ଆସିବା ମାତ୍ରେ ତାଙ୍କ ଅନୁମତି ବିନା କିଛି ହୋଇପାରିବ ନାହିଁ ବୋଲି କହି ପୋଲିସ ଅଧିକାରୀଙ୍କ ଉପରେ ଚାଉଳ ଛିଞ୍ଚିବା ଆରମ୍ଭ କରିଥିଲେ। କେବେଳ ସେତିକି ନୁହେଁ ତାଙ୍କ ସ୍ୱାମୀଙ୍କୁ ହଜାତରୁ ମୁକ୍ତ କରାଯିବା ଉଚିତ୍, ନଚେତ୍ ସମସ୍ତେ କଷ୍ଟ ପାଇବେ ବୋଲି କହିଥିଲେ । ମହିଳାଙ୍କ ନାଟକ କିଛି ସମୟ ପର୍ଯ୍ୟନ୍ତ ଚାଲୁ ରହିଥିଲା | ପରେ ଷ୍ଟେସନ ଦାୟିତ୍ୱରେ ଥିବା ଜିତେନ୍ଦ୍ର ଦେବ ଦୀପକ ସଞ୍ଜୁ ଦେବୀ ଏବଂ ତାଙ୍କ ସହ ଆସିଥିବା ଅନ୍ୟ ମହିଳାମାନଙ୍କୁ ବୁଝା ସୁଝା କରି ଘରକୁ ପଠାଇ ଦେଇଥିଲେ।
