ନୋକିଆ 3310 ଫୋନକୁ ଗିଳି ଦେଲେ ଯୁବକ, ଅସ୍ତ୍ରୋପଚାର ପାଇଁ ବଞ୍ଚିଗଲା ଜୀବନ
ଜଣେ ବ୍ୟକ୍ତି ଏବେ ଏପରି କିଛି କାମ କରି ସମସ୍ୟାରେ ପଡ଼ିଛନ୍ତି । ବ୍ୟକ୍ତି ଜଣଙ୍କ ପୁରା ନୋକିଆ 3310 ଫୋନକୁ ଗିଳି ଦେଇଥିଲା । ତାଙ୍କ ଜୀବନ ବଞ୍ଚାଇବା ପାଇଁ ଏକ ବଡ ଅସ୍ତ୍ରୋପଚାର କରାଯାଇଥିଲା । କୋସୋଭୋର ପ୍ରିଷ୍ଟିନା ସହରର ଜଣେ ୩୩ ବର୍ଷ ବୟସ୍କ ବ୍ୟକ୍ତି ଏକ ପୁରୁଣା ନୋକିଆ ଫୋନ୍ ଗିଳିଥିଲେ । ଏହା ହେଉଛି ସେହି ଫୋନ୍ ଯାହା ଲଞ୍ଚ୍ ହେବା ପରେ ହିଁ ଏହାର ପାଓ୍ବାର ପାଇଁ ବେଶ୍ ଜଣାଶୁଣା ହେଲା । ଫୋନ୍ ସେହି ବ୍ୟକ୍ତିଙ୍କ ପେଟରେ ରହିଥିଲା ଏବଂ ତାଙ୍କୁ ଡାକ୍ତରଖାନା ନିଆଯାଇଥିଲା ।
ଯେତେବେଳେ ସେହି ବ୍ୟକ୍ତିଙ୍କୁ ସ୍କାନ କରାଯାଇଥିଲା ଏବଂ ପରୀକ୍ଷଣ କରାଯାଇଥିଲା, ସେତେବେଳେ ଜଣାପଡିଥିଲା ଯେ ଫୋନ୍ ‘ହଜମ କରିବା ପାଇଁ ତାଙ୍କ ପାଇଁ ବହୁତ ବଡ ଥିଲା’ ଏବଂ ଏଥିରେ ଥିବା ରାସାୟନିକ ପଦାର୍ଥ ଥିବା ବ୍ୟାଟେରୀ ମଧ୍ୟ ତାଙ୍କ ଜୀବନ ନେଇଯାଇଥାନ୍ତା । ଏହା ପରେ ଡକ୍ଟର ସ୍କାଣ୍ଡର ତେଲଜାକୁଙ୍କ ନେତୃତ୍ୱରେ ଏହି ଅସ୍ତ୍ରୋପଚାର ସଫଳ ହୋଇଥିଲା ଏବଂ ମୋବାଇଲକୁ ବାହାର କରାଯାଇଥିଲା । ଓ ଏହାକୁ ପେଟରୁ କାଢ଼ିବାକୁ ୨ ଘଣ୍ଟା ସମୟ ଲାଗିଥିଲା ।
ଅପରେସନ୍ ପରେ ତୁରନ୍ତ ଡ ତେଲଜାକୁ ଫୋନର ଫଟୋ, ଏକ୍ସ-ରେ ଏବଂ ଏଣ୍ଡୋସ୍କୋପି ଫଟୋ ସେୟାର କରିଥିଲେ । ଏକ୍ସ-ରେ ଏହା ସ୍ପଷ୍ଟ ଭାବରେ ଦେଖାଯାଉଥିଲା ଯେ ଫୋନ୍ ତାଙ୍କ ପେଟରେ ଅଛି। କୋସୋଭୋରେ ସ୍ଥାନୀୟ ଗଣମାଧ୍ୟମକୁ ସ୍କାଣ୍ଡର୍ ତେଲଜାକୁ କହିଛନ୍ତି, “ମୁଁ ଜଣେ ରୋଗୀଙ୍କ ବିଷୟରେ କଲ୍ ପାଇଲି । ତାଙ୍କୁ କୁହାଯାଇଥିଲା ଯେ ସେ ଏକ ବସ୍ତୁ ଗିଳି ଦେଇଛନ୍ତି । ଯେତେବେଳେ ଆମେ ସ୍କାନ୍ କରୁଥିଲୁ, ଫୋନ୍ ପେଟରେ ତିନି ଭାଗରେ ବିଭକ୍ତ ହୋଇଥିଲା । ବ୍ୟାଟେରୀର ଗୋଟିଏ ଅଂଶ ।” ଯଦି ସେ ଦୀର୍ଘ ସମୟ ଧରି ରହିଥାନ୍ତା, ପେଟରେ ବିସ୍ଫୋରଣ ହେବାର ଭୟ ଥିଲା ।
