୪ ଇଞ୍ଚ ଲମ୍ବା ଲାଞ୍ଜ ସହ ଜନ୍ମ ହେଲା ଶିଶୁ, ସମସ୍ତେ ହେଲେ ଆଶ୍ଚର୍ଯ୍ୟ
ଶତାବ୍ଦୀ ପୂର୍ବରୁ, ମଣିଷମାନଙ୍କର ମଧ୍ୟ ମାଙ୍କଡ ପରି ଲାଞ୍ଜ ଥିଲା । କିନ୍ତୁ ନିକଟରେ ଚାଇନାରେ ୪ ଇଞ୍ଚ ଲମ୍ବା ଲାଞ୍ଜ ସହ ଗୋଟିଏ ଶିଶୁ ଜନ୍ମ ହୋଇଥିଲା । ଯାହା ଦେଖି ପିତାମାତା, ଡାକ୍ତରମାନେ ଆଶ୍ଚର୍ଯ୍ୟ ହୋଇଯାଇଥିଲେ ।
ଶତାବ୍ଦୀ ପୂର୍ବରୁ, ମଣିଷମାନଙ୍କର ମଧ୍ୟ ମାଙ୍କଡ ପରି ଲାଞ୍ଜ ଥିଲା । କିନ୍ତୁ ନିକଟରେ ଚାଇନାରେ ୪ ଇଞ୍ଚ ଲମ୍ବା ଲାଞ୍ଜ ସହ ଗୋଟିଏ ଶିଶୁ ଜନ୍ମ ହୋଇଥିଲା । ଯାହା ଦେଖି ପିତାମାତା, ଡାକ୍ତରମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଡାକ୍ତରଙ୍କ କହିବା ଅନୁଯାୟୀ, ଏହା ଏକ ବିରଳ ଘଟଣା ଏବଂ ଏହା ଏକ ବିଶେଷ ଅବସ୍ଥା ହେତୁ ଘଟିଥାଏ ।
ମେଟ୍ରୋ ରିପୋର୍ଟ ଅନୁଯାୟୀ, ଏହି ଶିଶୁ ହାଙ୍ଗଜୋ ଶିଶୁ ଡାକ୍ତରଖାନାରେ ଜନ୍ମଗ୍ରହଣ କରିଥିଲେ। ନ୍ୟୁରୋସର୍ଜନ ଡକ୍ଟର ଲି ଏହାର ଭିଡିଓ ସୋସିଆଲ ମିଡିଆରେ ସେୟାର କରି ଲେଖିଛନ୍ତି, ଲାଞ୍ଜ ଥିବା ଶିଶୁର ଜନ୍ମ ଅସ୍ୱାଭାବିକ ଅଭିବୃଦ୍ଧିର ଫଳାଫଳ। ସେ କହିଛନ୍ତି, ଯେତେବେଳେ କିଛି ଅଙ୍ଗ ଅତି ଶୀଘ୍ର ବିକଶିତ ହୁଏ ଏବଂ ପ୍ରକ୍ରିୟା ବନ୍ଦ ହୋଇପାରେ ନାହିଁ , ସେତେବେଳେ ଏପରି ପରିସ୍ଥିତି ଉପୁଜିଥାଏ । ପୂର୍ବରୁ ଆମେ ସନ୍ଦେହ କରିଥିଲୁ ବୋଧହୁଏ ଶିଶୁର ମେରୁଦଣ୍ଡ ବନ୍ଧା ହୋଇଛି । କିନ୍ତୁ ଏମଆରଆଇରେ ଏହା ମଧ୍ୟ ନିଶ୍ଚିତ କରାଯାଇଥିଲା ।
ଡାକ୍ତର କହିଛନ୍ତି ଯେ ଯେତେବେଳେ ମେରୁଦଣ୍ଡଟି ଆଖପାଖ ଟିସୁ ସହିତ ଅସ୍ୱାଭାବିକ ଭାବରେ ସଂଯୁକ୍ତ ହୁଏ, ସେତେବେଳେ ଏପରି ଲାଞ୍ଜ ବାହାରିଥାଏ । ସାଧାରଣତଃ ଏହା ହୁଏ ନାହିଁ । ଏହା ଅନେକ ପ୍ରକାରର ସ୍ନାୟୁଗତ ସମସ୍ୟା ସୃଷ୍ଟି କରିପାରେ । ତେବେଚାଇନାରେ ଲାଞ୍ଜ ସହିତ ଏକ ଶିଶୁ ଜନ୍ମ ହେବା ଏହା ପ୍ରଥମ ଘଟଣା ନୁହେଁ । ୨୦୧୪ ରେ, ପାଞ୍ଚ ମାସରେ ନବଜାତ ସ୍ପାଇନା ବିଫିଡା ସହିତ ଜନ୍ମ ହୋଇଥିଲେ, ଯାହାକି ଏକ ବିକାଶମୂଳକ ଜନ୍ମଗତ ବ୍ୟାଧି । ଏହା ମେରୁଦଣ୍ଡରେ ଏକ ଫାଙ୍କ ରହିଥାଏ । ଜନ୍ମର କିଛି ଦିନ ମଧ୍ୟରେ, ତାଙ୍କ ମା ଦେଖିଲେ ଯେ ଏକ ଲାଞ୍ଜ ବାହାରିଛି, ସେତେବେଳକୁ ଲାଞ୍ଜଟରି ଲମ୍ବ ପାଞ୍ଚ ଇଞ୍ଚର ହୋଇଯାଇଛି ।
ପୁଅର ଅବସ୍ଥା ଦେଖି ନବଜାତଙ୍କ ମା ଡାକ୍ତରମାନଙ୍କୁ ଏହାକୁ ହଟାଇବାକୁ ଅନୁରୋଧ କରିଥିଲେ। କିନ୍ତୁ ଡାକ୍ତରମାନେ ମନା କରିଦେଇଥିଲେ । ସେ କହିଛନ୍ତି ଯେ ଯେହେତୁ ଲାଞ୍ଜ ତାଙ୍କ ସ୍ନାୟୁ ପ୍ରଣାଳୀ ସହିତ ସଂଯୁକ୍ତ, ଯଦି ଏହାକୁ ହଟାଯାଏ ତେବେ ସେ ଗୁରୁତର ସମସ୍ୟାର ସମ୍ମୁଖୀନ ହୋଇପାରନ୍ତି