କରୋନା ମହାମାରୀ ପ୍ରଭାବକୁ କମାଇବା ପାଇଁ ମାସ୍କ ବ୍ୟବହାର କରିବା, ସାମାଜିକ ଦୂରତା ରକ୍ଷା କରିବା, ସାନିଟାଈଜ କରିବାକୁ ବିଶ୍ୱର ଅନେକ ଦେଶରେ ବାଧ୍ୟତାମୂଳକ କରାଯାଇଛି । ପୂର୍ବରୁ କେବଳ ଡାକ୍ତର ମାନେ ଡ୍ୟୁଟି ସମୟରେ ମାସ୍କ ବ୍ୟବହାର କରୁଥିବା ବେଳେ ଏବେ କିନ୍ତୁ ଛୋଟରୁ ବଡ ସମସ୍ତେ ଏହାକୁ ବ୍ୟବହାର କରୁଥିବା ଦେଖାଦେଉଛନ୍ତି । ଭିନ୍ନ ଭିନ୍ନ ମାସ୍କ ବ୍ୟବହାର କରୁଥିବା ବା ଏହାକୁ ନେଇ ମଜାଳିଆ ଫଟୋ କିମ୍ବା ଭିଡିଓ ମାନ ବିଭିନ୍ନ ସୋସିଆଲ ମିଡ଼ିଆ ମାନଙ୍କରେ ଅପଲୋଡ କରାଯାଉଥିବା ନଜର ଆସୁଛି । କିଏ ସାପକୁ ବେକରେ ଗୁଡେଇ ମାସ୍କ ପରି ବ୍ୟବହାର କଲାଣି ତ କିଏ ପତ୍ରରେ ନ୍ୟାଚୁରାଲ ମାସ୍କ ପ୍ରସ୍ତୁତ କରି ବ୍ୟବହାର କଲାଣି । କିନ୍ତୁ ଏଇ ନିକଟରେ ସୋସିଆଲ ମିଡିଆରେ ଏମିତି ଏକ ଫଟୋ ସେୟାର ହୋଇଛି ଯାହାକୁ ଦେଖି ଆପଣ ଦଣ୍ଡେ ନ ହସି ରହିପାରିବେ ନାହିଁ । ପ୍ରକୃତରେ ଏହି ପୋଷ୍ଟଟି ହେଉଛି ଜଣେ ଡାକ୍ତର ଓ ସଦ୍ୟ ଜନ୍ମ ନେଇଥିବା ଏକ କଅଁଳ ଶିଶୁକୁ ନେଇ ।
ଡାକ୍ତର ଜଣଙ୍କ ଶିଶୁଟିକୁ ଜନ୍ମ କରାଇ ବାହାର କରିଥିବା ବେଳେ ଶିଶୁଟି କାନ୍ଦି କାନ୍ଦି ତା କୁନି କୁନି ହାତରେ ଡାକ୍ତର ଜଣଙ୍କ ମୁହଁରୁ ସର୍ଜିକାଲ ମାସ୍କ ବାହାର କରିଦେଉଛି । ଶିଶୁ ଟିର ଏହି ହରକତର ଖୁବ ମଜା ନେଉଛନ୍ତି ଡାକ୍ତର ଜଣଙ୍କ । ତାଙ୍କ ଖୁସିର ଯେମିତି କିଛି ସୀମା ନାହିଁ । ଏହି ପୋଷ୍ଟଟିକୁ ଇନ୍ଷ୍ଟଗ୍ରାମ ଆକାଉଣ୍ଟରେ ଯୁଏଇ ଡାକ୍ତର ତଥା ଗାଇନାକୋଲୋଜିଷ୍ଟ ସମୀର ଚେଏବ ସେୟାର କରିଛନ୍ତି । ଆଉ ଇଏ ହେଉଛନ୍ତି ସେହି ଡାକ୍ତର ଯାହାଙ୍କ ମୁହଁରୁ ଶିଶୁଟି ମାସ୍କ ବାହାର କରିବାକୁ ଚେଷ୍ଟା କରୁଛି । ପୋଷ୍ଟ ଟିକୁ ଏଯାବତ ଅନେକ ଜଣ ଦେଖିସାରିଥିବା ବେଳେ ହଜାରେରୁ ଅଧିକ ସଂଖ୍ୟକ ଲାଇକ ବି ମିଳିସାରିଲାଣି । କିଛି ଜଣ ତ ଏହାକୁ ବର୍ଷର ସବୁଠାରୁ ବେଷ୍ଟ ପିକର ଆଖ୍ୟା ଦେଇଛନ୍ତି ।