ସୋସିଆଲ ମିଡିଆରେ ଭାଇରାଲ ହେଉଛି ମହିଳାଙ୍କ ଗୀତ, କଣ୍ଠରେ ରହିଛି ନିଆରା ଅନ୍ଦାଜ
ବାହାରୋ ଫୁଲୋ ବରସାଓ ମେରା ମେହବୁବୁ ଆୟା ହେ….। ବଲିଉଡର ଏହି ଗୀତରେ ବୃଦ୍ଧ ଜଣଙ୍କୁ ଗୀତ ଗାଉଥିବାର ଦେଖି ଟିକିଏ ରହି ଯିବାକୁ ମନ ହୁଏ । ମନେ ପଡ଼ି ଯାଆନ୍ତି ଅଶି ଦଶକର ମହମଦ ରଫି ସାହାବ । ବୃଦ୍ଧ ମହିଳା ଜଣଙ୍କୁ ବିଲରେ କାମ କାମ କରୁଥିବା ଅବସ୍ଥାରେ ଗାଇ ଚାଲିଛନ୍ତି ବାହାରୋ ଫୁଲୋ ବରସାଓ… ।
କେନ୍ୟୁଜ୍(ବ୍ୟୁରୋ) : ବାହାରୋ ଫୁଲୋ ବରସାଓ ମେରା ମେହବୁବୁ ଆୟା ହେ…..ମେରା ମେହବୁବୁ ଆୟା ହେ….ହବାଓ୍ଵ ରାଗିଣୀ ଗାଓ ମେରା ମେହବୁବୁ ଆୟା ହେ…. । ବଲିଉଡର ଏହି ଗୀତରେ ବୃଦ୍ଧ ଜଣଙ୍କୁ ଗୀତ ଗାଉଥିବାର ଦେଖି ଟିକିଏ ରହି ଯିବାକୁ ମନ ହୁଏ । ଇଚ୍ଛା ହୁଏ ତାଙ୍କ ଗୀତର ସୁରରେ ଝୁମି ଯିବାକୁ । ତାଙ୍କ କଣ୍ଠରେ ସତେ ଯେପରି ଯ।ଦୁ ରହିଛି । ମନେ ପଡ଼ି ଯାଆନ୍ତି ଅଶି ଦଶକର ମହମଦ ରଫି ସାହାବ । ସୁରଜ ସିନେମାର ପପୁଲାର ରୋମାଟିକ୍ ଗୀତ ବାହାରୋ ଫୁଲୋ ବରସାଓ । ଏହାକୁ ଲେଖିଥିଲେ ଗୀତିକାର ହରଶତ ଜୟପୁରୀ । ନିର୍ଦ୍ଦେଶନା ଦେଇଥିଲେ ଶଙ୍କର ଜୟକିଶାନ ଓ ଗାଇଥିଲେ ମହମଦ ରଫି ସାହାବ । ଏହି ଗୀତରେ ରାଜେନ୍ଦ୍ର କୁମାର ଓ ବୈଜୟନ୍ତୀମାଳାଙ୍କୁ ଅଭିନୟ କରିଥିବାର ଦେଖିବାକୁ ମିଳିଥିଲା । ଯାହା ଆଜିବି ପ୍ରତ୍ୟେକଟି ଦର୍ଶକଙ୍କ ମନରେ ରହିଛି । ଏହି ବୃଦ୍ଧ ମହିଳାଙ୍କ ଗୀତ ତାକୁ ଆଉଟିକେ ସତେଜ କରିଦେଉଛି ।
ଭଲକି ଦେଖନ୍ତୁ ବୃଦ୍ଧ ମହିଳା ଜଣଙ୍କୁ ବିଲରେ କାମ କାମ କରୁଥିବା ଅବସ୍ଥାରେ ଗାଇ ଚାଲିଛନ୍ତି ବାହାରୋ ଫୁଲୋ ବରସାଓ… । ବାର୍ଦ୍ଧକ୍ୟ ଯୋଗୁଁ ଗୋଡ଼, ହାତ ଓ ମୁହଁର ଚମଡ଼ା ଓହଲି ପଡ଼ିଲାଣି ।ତଥାପି କଣ୍ଠରେ ତାଙ୍କର ଅସୀମ ବଳ ରହିଛି । ବଲିଉଡର ସେହି ନିଆରା ଅନ୍ଦାଜରେ ଗାଇ ଚାଲିଛନ୍ତି । ବାସ୍ତବରେ ମହିଳା ଜଣଙ୍କ କଣ୍ଠରେ ଯାଦୁ ରହିଛି । ବଲିଉଡର ଏହି ଫେମସ ରୋମାଣ୍ଟିକ ଗୀତକୁ ତାଙ୍କର ଏକ ଭିନ୍ନ ଅନ୍ଦାଜ ଦେଇଛନ୍ତି ଯାହା ସମସ୍ତଙ୍କ ମନକ୍ୁ ଛୁଇଁ ପାରିଛି । ଏଠି କିନ୍ତୁ ବେକଗ୍ରାଉଣ୍ଡ ମ୍ୟୁଜିକ ପାଇଁ କୌଣସି ବାଦ୍ୟଯନ୍ତ୍ର ବ୍ୟବହାର ହୋଇନାହିଁ । ବିନା ମ୍ୟୁଜିକରେ ସମସ୍ତଙ୍କ ମନକୁ କିଣି ନେଇଛନ୍ତି । ମହିଳାଙ୍କ ଏହି ନିଆରା ଅନ୍ଦାଜର ଗୀତ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ମଥାରେ ବଡ଼ ଏକ ବିନ୍ଦି ନାଇଛନ୍ତି ବୃଦ୍ଧ ଜଣକ । ହାତରେ ଚୁଡ଼ି ସାଙ୍ଗକୁ ନାକରେ ନାକ ଗୁଣା । କାନରେ ଢାଙ୍କିଛନ୍ତି ଏକ ମଫଲର । ମୁଣ୍ଡର ଚୁଟି ପାଚିଯାଇଛି । ତଥାପି ଏହି ବାର୍ଦ୍ଧକ୍ୟ ବୟସରେ ରହିଛି ସେହି ପିଲାବେଲର ଗୀତ ଗାଇବାର ଅନ୍ଦାଜ । ବଡ଼ ବଡ଼ କଳାକାର ବି ତାଙ୍କ ଅନ୍ଦାଜ ଆଗରେ ଫିକା ପଡ଼ିଯିବେ । ସୋସିଆଲ ମିଡିଆ ୟୁଜର ଏହି ବୟସ୍କ ମହିଳାଙ୍କ ଆବାଜର ଢେର ପ୍ରଶଂସା କରିଛନ୍ତି । ଜଣେ ୟୁଜର କମେଣ୍ଟରେ ଲେଖିଛନ୍ତି ବହୁତ ବଢିଆ ଦାଦି ଜି । ଆଉ ଜଣେ ୟୁଜର ଲେଖିଛନ୍ତି ଏହି ବୟସରେ ଏପରି ଆବାଜ । ଆଉଜଣେ ଲେଖିଛନ୍ତି ବୟସ କିଛି ମାନେ ରଖେନାହିଁ । ୨୨ ଏପ୍ରିଲରେ ସେୟାର ହୋଇଥିବା ଏହି ଭିଡିଓକୁ ୩.୪ ମିଲିୟନରୁ ଅଧିକ ଲୋକ ଦେଖି ସାରିଲେଣି । ପ୍ରାୟ ୨ ଲକ୍ଷ ଲୋକ ଏହି ଭିଡିଓକୁ ଲାଇକ କରିଛନ୍ତି । ଆଇପିଏସ ବିବେକ ରାଜ ସିଂହ ଫ୍ୟାନ ନାମକ ଫେସବୁକ ପେଜ୍ରେ ଏହାକୁ ସେୟାର କରାଯାଇଛି ।
